Gino Latilla

Da Wikipedia, l'ençiclopedia libara.
Jump to navigation Jump to search
Gino Latilla
Informasion xenerałi
Nòme vero Gennaro Latilla
Nasùo/a 7 novenbre 1924, Bari
Morto/a 11 setenbre 2011, Firense
In atività dal 1947 - 2008
Xenere muxicałe Muxica łixiera
Eticheta discografega Cetra
Discografia
Àlbun publicai 5

Gino Latilla', nome d'arte de Gennaro Latilla (Bari, 7 novenbre 1924 - Firense, 11 setenbre 2011) xe sta un cantante itałian.

Biografia[canbia | canbia el còdexe]

Cresùo a ła scòła del pare (el cantante Mario Latilla), gà exordìo nei ani de ła segonda guera mondiałe al Teatro Manzoni de Bołogna co' Mailù.

Durante el dopoguera el xe stà in tournée in Zermania e nei Stati Unìi fin quando ch'el xe stà asunto in RAI cofà "cantante de ła radio" 'ntel 1952, grasie anca a l'interese che gà avùo par lù el mestro Cinico Angelini, che ło gà vosùo ne ła so loquestra dopo ch'el gaveva scoltà par radio Gigolette (1951). Pròpio el steso Angelini ło gaveva soranominà "el me sbàlio", par averlo considerà "non idoneo" in ocaxion de un provin che gera stà fato in precedensa.

Sucesi[canbia | canbia el còdexe]

Nùmaroxi xe stài i so sucesi, otegnìi ne łe varie edision del Festival de Sanremo, da Vecchio Scarpone (1953), co' Giorgio Consolini) al dopio trionfo del 1954 co' Tutte le mamme (in conpagnìa de Giorgio Consolini) e ...E la barca tornò sola (co' Franco Ricci) che se gaveva clasificà prima e tersa, dai dòti co' ła futura mugèr Carla Boni - Casetta in Canadà (1957) e Timida Serenata (1958) - a "Amare un'altra (co' Nilla Pizzi)Io sono il vento (1959, co' Arturo Testa) ed Il mare nel cassetto (1961 co' Milva).

El xe stà protagonista anca al Festival internasionałe de ła canson de Venesia, dove gà vinto 'ntel 1955, co' Carla Boni e 'l Quartetto Cetra, co' ła canson Vecchia Europa.

Fra i altri sucesi, se recordan Amico tango (1953, co' ła Pizzi), Tchumbala bey (1954, muxica de Fred Buscaglione e testo de Leo Chiosso), Marieta monta in gondoła (1954) e Serenatella sciue' sciue' (1957), entranbe ste ultime co' ła Boni. El gà otegnùo l'ultimo trionfo, in cùbia co' so mugèr, al Festival deła canson napołetana del 1961, co' Tu sì comm'a 'na palummella, bissndo el suceso avùo del '55 co' E stelle e' Napule (co' Boni e Maria Paris).

Altre atività[canbia | canbia el còdexe]

'Ntel 1957 el gà un ròło inportante nel film sbregałagreme de Armando Fizzarotti "Presentimento", protagonista el divo dei fotoromanxi Rosario Borelli. 'Ntel 1959 Latilla gà fato parte del cast del film Musicarello Destinazione Sanremo, direto da Domenico Paolella e co' tema prinsipałe el festival de Sanremo 1959.

Nei ani sesanta Gino Latilla gà sbandonà par un serto periodo ła carièra statistica par laorare cofà dirigente de ła RAI, prima a Roma e po' a Firense. Par la tełevixion itałiana el gà seguìo łe vicende calcistiche de ła Fiorentina, de ła Pistoiese e altre squadre toscane.

El xe tornà so'i palcosenici nei ani otanta formando, co' Nilla Pizzi, Carla Boni e Giorgio Consolini, el grupo Quelli di Sanremo.

El xe stà spoxà co' Carla Boni, co' cui drìoman el s'à separà.

El so nome xe prexente 'nte ła strica dei apartenenti a ła lòxa masonica retrovà 'ntel 1981 ne ła propietà ła "Giole" de Lucio Gelli (tesara n. 41 [1].

Discografia parsiałe[canbia | canbia el còdexe]

33 xiri[canbia | canbia el còdexe]

16 xiri[canbia | canbia el còdexe]

Extended Play[canbia | canbia el còdexe]

  • 1956: Senza catene/ Faccia di santarella (co' łla Boni)/ L'amore è una cosa meravigliosa/ Cavalieri del cielo (Orchestra Angelini) Disco Marca Cetra.1958: Timberjack/Ok Corral/'Ol man river/Ballata selvaggia (Orchestra Angelini) (Cetra), EPE 3039) 1959 Venus, Tequila, Tabu, Oh, Lola!, Orchestra Angelini

45 xiri[canbia | canbia el còdexe]

° 1957 Amare un'altra / Fantastica (Cetra)

CD[canbia | canbia el còdexe]

Note[canbia | canbia el còdexe]

  1. Membri della loggia P2

Bibliografia[canbia | canbia el còdexe]

  • Gino Castaldo (a cura di), Dizionario della canzone italiana, Milano, Curcio, 1990, alla voce Latilla, Gino
  • Eddy Anselmi, Festival di Sanremo. Almanacco illustrato della canzone italiana, edizioni Panini, Modena, alla voce Gino Latilla

Sito da vardàr[canbia | canbia el còdexe]