George Peppard

George Peppard

Biografia
Nasimènto	1° de otobre del 1928 Detroit (Michigan)
Morte	8 de majo del 1994 (65 ani) Los Angeles (Stati Unii de l'Amèrica)
Càuza de morte	Càuze nadurałi  (Polmonite e carcinoma del polmon )
Liogo de sepełimento	Michigan
Dati personałi
Formasion	Università Purdue Carnegie Institute of Technology Dearborn High School (en)
Atività
Ocupasion	ator de tełevixion, ator de teatro, diretor de cine, ator, produtor de cine
Atività	1951  –
Zènare	Western
Cariera miłitar
Unità miłitare	United States Marine Corps (it)
Fameja
Cògnuze	Elizabeth Ashley (1966–1972), Divòrsio Sherry Boucher (it) (1975–1979), Divòrsio
stella sulla Hollywood Walk of Fame (it)

George Peppard, o George Peppard jr. (Detroit,1° novenbre 1928, el ze stà un ator, rezista e produtor sinematogràfego 'merican.

Biografia

Nato a Detroit, inte'l Michigan, inte'l 1928 so fìo de un costrutor ediłe conosùo de cueła zona, George Peppard Sr., e de na cantante d'òpara un mucio apresà, Vernelle Rohrer. Dopo el diploma a Deaborn (Michigan) e na łaurea in inzenjerìa a ła Purdue University el s'a dedicà sercando de reałizar el só sonjo, ezordìndo inte'l 1949 a'l teatro de Pittsburgh.
Sucesivamente, inte i ani sincuanta el s'a trasferìo a New York par studiar a l'Actor's Studio, indove el gà seguìo corsi de'l mestro Lee Strasberg in persona, fasendo el só ezordio po' a Broadway a metà ani sincuanta, łaorando anca inte łe prime serie tełevizive, tra cui The United States Steel Hour inte'l 1956, dove el ga conosùo Paul Newman.

Inte el 1957 el ga fato el só debuto inte el sinema in Un uomo sbagliato, mentre in tv el ze conparso in un epizodio de'l straseguìo 'Alfred Hitchcock presenta', refarense che ghe ga permeso, un puochi de ani drìo, de èser sielto par el roło de'l fio inlezìtimo de Robert Mitchum in A casa dopo l'uragano, film che'l ga otenjùo un òtemo suceso. A'l steso tenpo el ga continuà a łaorar a Broadway, dove inte'l 1958 el ga resità in The Pleasure of His Company, che ło ga portà a firmar un contrato co ła MGM.

Dopo che'l gà renonsià de interpretàr el roło de "Vin" inte el film I magnifici sette ('sta parte ła venjarà interpretà da Steve McQueen), el ze deventà indezmentegàbiłe cofà coprotagonista mascio de Audrey Hepburn in Colazione da Tiffany, che'l ghe ga dà un bon suceso faséndoghe scovèrzer a tuti el só tałento. Inte'l 1962 toca a La conquista del West, inte'l 1963 I Vincitori e inte'l 1964 L'uomo che non sapeva amare co Carroll Baker, che anca se film de minor rimàrco aconparandoło co'l caołaor de Blake Edwards, Colazione da Tiffany, ga fato cusì conoser George dando un prestizio a ła só cariera. Anpò, drìo el suceso otenjùo in cuei ani, ła só paraboła ła ga tacà un fià adàzio decadèr partesipando senpre pì de frecuente a film senpre più andànti.

No podendo catàr pì rołi che i ghe dase sodisfasion, el ga desidesto de dedicarse a ła tełevizion łaorando in diverse serie tełevizive, tra cui Banacek tra el 1972 e 'l 1974 e Doctors Hospital inte'l 1975. Inte'l 1978 el ga desidesto de prodùzer, dirizer e interpretar un film suo patòco: Cinque dì da casa. I rezultadi parò no i ze stài boni e cusì el ze stà costreto a covèrzarse de dèbiti. El suceso mancà par 'sto film el ło gaveva rezo sciavo de l'alcol par calche ano. A ze propio par càuza de l'acol, che inte i ani drìo ghe ze stà oferti de i rołi in film che i jera de frecuente de meza vivonja. Inte'l 1981 a George ghe ze stà oferto de interpretar Blake Carrington inte ła serie Dynasty, el gà zirà l'epizodio piłota co Linda Evans e Bo Hopkins, ma pì tardi el zbrasarà el roło a càuza de descòrdi capitài co i autori de ła serie e ła parte ła ze stà ciapà da John Forsythe. Inte'l 1983 ghe ze stà oferta, drìo el refudo de James Colburn, el roło de cołoneło John "Hannibal" Smtith inte ła serie tełeviziva A-Team, che ła ga rescòso tanto suceso sia inte i Stati Unii che a l'estaro. Ła serie ła ze durà sincue stazon, da'l 1983 a'l 1987.

Vita privàda

Peppard el se ga spozà sincue volte:

• Helen Davies (da'l 1954 a'l 1964), da ła cuała el ga avùo do fiołi, Bradford e Julie;
• Elizabeth Ashley (1966 – 1972), só partner inte'l film L'uomo che non sapeva amare, e da ła cuała el ga avùo un fio, Christian;
• Sherry Boucher-Lytle (da'l 1975 a'l 1979);
• Alexis Adams (da'l 1984 a'l 1986);
• Laura Taylor (da'l 1992 a'l 1994).

El ga mołà de bévare a ła fìn de i ani setanta e drìoman el se ga doparà, inte i ùltemi ani de ła só vita, par jutar łe persone vitime de ła dipendensa da alcol.

Inte el 1992 el gà conosùo ła só cuinta mujer, Laura Taylor (ła só amiradora nùmaro uno) e i se ga spozà subito. Senpre inte el steso ano ghe vien dianjostegà un càncaro a i polmoni. Laura ła ghe ze restà visin tendendoło inte i ùltemi 18 mezi de vita. Anca s'el gera małà, el ga laorà sensa fermarse e infati, poco 'vanti de ła só morte, el ga conpletà l'epizodio piłota par na serie nova inte'l 1994 (un derivà de Matlock). El ze morto in cueł'ano, a 65 ani, de polmonìa par conplicasion simentàe da łe cure che'l gera drìo far par conbàter el càncaro a i polmoni, inte ła só caza de Los Angeles, indove el viveva in conpanjìa de só muger. El ze sepełìo inte ła tónba de famegia de'l Northview Cemetery de Dearborn, inte ła contea de Wayne inte'l Michigan.

Filmografia

• The United States steel hour, epizodio 4.2 (1956, tełefilm)
• Studio one, epizodio 9.18 (1957, tełefilm)
• The Alcoa hour, epizodio 2.14 (1957, tełefilm)
• The Strange One (Un uomo sbagliato) (1957)
• Kraft television theatre, epizodi 9.38 e 10.41 (1956/1957, tełefilm)
• Alfred Hitchcock presents, serie TV, epixodio The Diplomatic Corpse (1957)
• Suspicion, epizodio 1.23 (1958, tełefilm)
• Matinee theatre, epizodi 2.182, 3.113 e 3.181 (1957/1958, tełefilm)
• 38 parallelo: mission compiuta (Pork Chop Hill) (1959)
• A casa dopo l'uragano (Home from the Hill) (1960)
• Startime, epizodio 1.27 (1960, tełefilm)
• The Subterraneans (La nostra vita comincia di notte) (1960)
• Breakfast at Tiffany's (Colazione da Tiffany) (1961)
• How the West Was Won (La conquista del West) (1962)
• The Victors (I vincitori) (1963)
• Hallmark Hall of Fame, epizodio Little Moon of Alban (1964, tełefilm)
• The Carpetbaggers (L'uomo che non sapeva amare) (1964)
• Bob Hope presents the Chrysler Theatre, epizodio 1.26 (1964, tełefilm)
• Operation Crossbow (Operazione Crossbow) (1965)
• Il terzo dì (The Third Day) (1965)
• The Blue Max (La caduta delle aquile) (1966)
• Tobruk (1967)
• Rough Night in Jericho (Due stelle nella polvere) (1967)
• P.J. (1968)
• What's So Bad About Feeling Good? (Una meravigliosa realtà) (1968)
• House of Cards (Il castello di carte) (1968)
• Pendulum (1969)
• The Executioner (L'esecutore) (1970)
• Cannon for Cordoba (4 par Cordoba) (1970)
• One More Train to Rob (Uno spaccone chiamato Hark) (1971)
• The bravos (1972, film par la tv)
• The Groundstar Conspiracy (La spia che vide il suo cadavere) (1972)
• Banacek (1972/1974, tełefilm)
• Newman's Law (Agente Newman) (1974)
• One of our own (1975, film par la tv)
• Guilty or innocent - The Sam Sheppard murder case (1975, film par la tv)
• Doctors' hospital (1975/1976, tełefilm)
• Damnation Alley (L'ultima odissea) (1977)
• Five Days from Home (Cinque dì ancora) (1979) (unico film dove Peppard xe ator e regista)
• Crisis in mid-air (1979, film par la tv)
• Contro 4 bandiere (1979)
• Torn between Two Lovers (Contesa Fatale) (1979)
• Battle Beyond the Stars (I magnifici sette nello spazio) (1980)
• Race for the Yankee Zephyr (Il tesoro dello Yankee Zephyr), rezìa de David Hemmings (1981)
• Your Ticket Is No Longer Valid (Ricordati Venezia) (1981)
• Twilight Theater (1982, film par la tv)
• Jugando co la muerte (1982)
• Tales of the unexpected (Il brivido dell'imprevisto), epizodio 7.1 (1984, tełefilm)
• The A-Team (A-Team) (1983/1987, telefilm)
• Man Against the Mob (Omicidi a Chinatown) (1988, film par ła tv)
• Zwei frauen - Il silenzio del lago ghiacciato (Zwei frauen) (1989)
• Man against the mob: the Chinatown murders (1989, film par ła tv)
• Night of the Fox (La notte dei generali) (1990, film par ła tv)
• Die Tigerin (1992)
• Matlock, epizodio 8.17 (1994, tełefilm)

Video da vardàr

- Video so youtube - Un tributo a l'ator

Altri progetti

• Wikimedia Commons

• Wikimedia Commons el detien imàjini o altri file so George Peppard
• el detien schemi gràfeghi so