Fringe

Da Wikipedia, l'ençiclopedia libara.
Jump to navigation Jump to search
Sta pajina xè orfana
Sta pajina de tełevixionorfana, overo priva de cołegamenti in entrata da altre pajine
Inserissighene almanco uno pertinente e cava l'avixo
Sta pajina xè orfana
'Sto artìcoło el 'é scrito doparando ła grafìa dita DECA
IntestasionFringe.jpg

Fringe ła ze na serie tełeviziva meregana produzesta da'l 2008 a'l 2013.

Ła ze stà pensada da J.J. Abrams, Alex Kurtzman e Roberto Orci, ła ze na serie de fantasiensa che ła conta de i cazi de ła "Devizion Fringe" de l'FBI de Boston, in Masaciusets, devizion che ła łaora soto ła suparvizion de'l Departimento de Seguresa Interna de i Stati Unìi. El grupo el fa indàjini drio cheła che ła vien defenìa siensa de confin, ła fringe science. Par ła trama e temi doparài, ła serie ła ze stada racuante 'olte paragonada a X-Files.

Trama[canbia | canbia el còdexe]

Inte'l mondo intiero a ze drio verifegarse evinti mìa spiegàbiłi, fenòmani soranaturałi, che i par tuti reconduzìbiłi a cheło che ła Seguresa Nasionałe meregana ła ciama "El Schema". Co el voło intarnasionałe 627, partìo da Anburgo, el toca tera a Boston co tuti i pasejeri e el so ecupajo morti, l'ajente de l'FBI Olivia Dunham ła vien ciamada par resòlvar el cazo. Olivia ła deside de domandarghe na man a un siensià de nome Walter Bishop, che l'inbastiva esperiminti par el governo rento un canpo de ła siensa ciamada "Fringe" (che ła ciapa rento fenòmani paranormałi cofà el controło de ła mente, el tełetrasporto, ła projesion astrałe, l'invizibiłidà, ła mudasion jenètega, ła resuresion, evc), fin cuando che, dopo un insidente de łaboradorio, el ze stà intarnà inte un istitùo psichiàtrego, sendo stà vałudà mentalmente destàbiłizà. Olivia ła parte par l'Iraq, ndove che vive Peter Bishop, el fioło de'l siensià, parché łu el ze l'ùnego parente che'l połe firmar łe carte par łe dimision de so pare. Peter Bishop el ga eredità l'intełijensa sora ła media de so pare, ma a'l raverso de łu, no'l se ga mai łaureà e el vive inbrojando ła zente, propio grasie a ła so astusia. Tornài inte i Stati Unìi, e anca se Peter el ze inrabià co so pare, i tira fora da'l sentro de cura el dot. Walter e insenbre co łu i taca investegar so i cazi cołegài a'l "Schema". Da insidenti cełi e che pararìa cazuałi, 'sti cazi i pasa a èsar veri e propi atachi bioterorìsteghi. Comandada da l'ajente de ła Seguresa Nasionałe Phillip Broyles, che'l gavéa za łaorà so racuanti cazi de'l "Schema", A nase ła "Devizion Fringe" che ła dòpara come cuartier jenerałe el łaboradorio vecio de Walter, inte'l scantinà de l'Univarsidà de Harvard a Canbridge. Maldestin, el "Schema" el ze soło un tocheto de'l problema. El grupo, difati, el se catarà a conbàtar contro mudaforma de un universo alternadivo e inisialmente anca contro i so dupi de cheł'altro universo. Ła scuadra ła farà espariensa co łinee tenporałi difarenti e i dovarà anca frontejar l'invazion de i "oservaduri", zente che ła vien da un fuduro ben distante.

Łinee Tenporałi[canbia | canbia el còdexe]

Inte ła serie A vien doparà un boto de 'olte el conseto de universo parałeło. 'Sto conseto, sità so ła fine de ła stajon prima, el deventa senpre pì inportante man man che ła storia ła va vanti. A l'inisio l'universo el vien soło descrivesto ma a ła fine de ła stajon seconda, Olivia ła pasa fizigamente da cheł'altra parte e l'universo el scumisia a far parte de ła storia, mìa soło cofà descrision de uno de i parsonaji, ma anca cofà anbientasion ndove che ła storia ła va vanti. Inte ła stajon tersa l'universo parałeło el deventa na anbientasion ndove che A se conpise epizodi intijiri. In calche cazo 'sti epizodi i ze anca dezligài da cheło che càpita inte l'universo regołar.

Siene e recordi a parte, tìpeghi de tante serie TV che łe dopara el conseto de continuidà, so Fringe A ghe ze anca epizodi intijiri che i se conpise inte'l pasà o inte'l fuduro sensa che A ghe sie njaun ełemento de'l prezente che łi introduza, che łi conte prima de védarli o che i jute a capirli a ła fine.

Universi de anbientasion de i epizodi de łe serie:
Stajon 01 02 03 04 05 06 07 08 09 10 11 12 13 14 15 16 17 18 19 20 21 22 23
1
2
1
3
2 3 4
4
5
5
6
Łejenda:
Universo regołar
Universo parałeło
In tuti do i universi
Universo regołar dopo ła destrusion de l'universo parałeło
In tuti do i universi dopo łe modìfeghe a ła łinea tenporałe
Fuduro d l'universo regołar dopo łe modìfeghe a ła łinea tenporałe
Universo regołar dopo łe modìfeghe a ła łinea tenporałe e ła sarada de'l ponte
Fuduro de tuti do i universi dopo łe modìfeghe a ła łinea tenporałe
Notasion:
1 El se conpise inte'l 1985
2 El se conpise inte'l 1986
3 El se conpise par ła parte pì granda de l'epizodio inte ła mente de Olivia
4 El se conpise par ła parte pì granda de l'epizodio inte'l 2026
5 El se conpise inte'l 2036 (dopo łe modìfeghe a ła łinea tenporałe)
6 El toco finałe de l'epizodio el se conpise inte'l 2015 (dopo el reset tenporałe e ła scanpada invazion de i Oservadori)

Sigra e Grifi[canbia | canbia el còdexe]

GrifiFringe.jpg

Sia inte ła sigra inisiałe che inte i grifi (par dir fotogrami sìngołi butài rento so tuti i epizodi che i interonpe el conpirse de ła storia) A ze sconti mesaji segreti difisilmente reconosìbiłi, che i ìndega el tipo de anbientasion de l'epizodio che se ndarà vardar, antisipasion so ła storia ma anca còdezi che zonta informasion in pì par ła sołusion de tuti i enigmi.