Festa de i Veneti

Da Wikipedia, l'ençiclopedia libara.
El cussìdito tanko uxà dai Serenisimi par l'asalto al canpanil de San Marco, in mostra a ła Festa dei Veneti a Sitadeła el 3 setenbre 2006

La Festa dei Veneti xe na manifestasiòn organixà da l'asociasiòn Raixe Venete a partir dal 2004 a Sitadeła, che se dichiara puramente culturałe e, quindi apołitega.

El fin de sta festa xe queło de rimarcàre e raprexentae el Veneto e ła so culturaein tuti i so aspèti, fasendo uxo del slogan: "Insieme co łe nostre tradisión contro łe nostre divixión"[1] .

Durante ła festa se pòłe catàr prodòti tipèghi de ła rejón e cansón rap in łéngua veneta.

El sentro de ła manifestasión xe el palco, sòra el cuało sensa alcuna interusión, se exibise ed intervien on mucio de persone e grupi el cui operà xe insentrà so ła łéngua veneta.

Vien anca svòlta na paràda datòrno a łe mure de ła sità de grupi co cartełi a favór de łengòa e cultura veneta, de grupi de rievocasión storega e de grupi culturałi de ogni xenàre.

I organixadóri stima che 'nteła prima edisión gabia partisipà 10 000 persone cresùde a 30 000 inte l' edisión 2006.

Ma pròpio in sta ultima edisión, ła prexensa del cussìdito Tanko, el mexo utiłixà inte el 1997 dai Serenissimi par asaltàre el canpanil de San Marco, gà fato nàsare discusión e dùbi riguàrdo a łe tendense połiteghe dei organixadóri de ła festa.

Inte el edisión 2007 ghe xe stà na cołaborasión co alcune raltà culturałi e połiteghe catałane e xe stà egualià anca el numàro de partisipanti prexenti a l'edisión presedente.

Infine, inte l'edisión 2009 infra łe varie Istitusión locałi e nasionałi, gà portà i so sałudi el sìndaco de Roncade (del Partio Democratego) e el ministro, adeso governadór del Veneto, Luca Zaia.

L'edisión 2010 gà rejistrà un vasto consenso infra ła popołasión, co sirca 50 000 vixitadóri,[2] spetadóri e partesipanti. Na edision che gà susità numeroxe discusión sui jornałi par ła posibiłità de ripetàr,[3] en un'urna ricostruìa storigamente el voto plebisitario del 1866, che gà xontà el Veneto a l'Itałia co rexultadi bulgàri e poco ciàri.

Cronołogia de łe feste[canbia | canbia el còdaxe]

  • 2014, 05/06/07 setenbre
  • 2015, 04/05/06 setenbre
  • 2016, 02/03/04 setenbre
  • 2017, 09/10 setenbre
  • 2018, 08/09 setenbre

Note[canbia | canbia el còdaxe]

  1. (IT) Il Piave, 17 agosto 2005 (ligo ronpesto dispunìbiłe in Internet Archive; védarse el istòrego, la prima version e ła ùltema).
  2. (IT) Blitz quotidiano 6 setenbre 2010
  3. (IT) Mattino di Padova 2 setenbre 2010 (ligo ronpesto dispunìbiłe in Internet Archive; védarse el istòrego, la prima version e ła ùltema).

Linganbi foresti[canbia | canbia el còdaxe]



Video[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Festa_de_i_Veneti&oldid=1089935"