Fagopyrum esculentum

Da Wikipedia, l'ençiclopedia libara.
TassoboxFagopyrum esculentum Cànbia el vałor in Wikidata

Cànbia el vałor in Wikidata
Dati
Fonte degrano saraceno (it) Traduzi, kaša (it) Traduzi, buckwheat flakes (en) Traduzi e farina di grano saraceno (it) Traduzi Cànbia el vałor in Wikidata
Tasonomia
SuperregnoEukaryota
RènjoPlantae
ÓrdeneCaryophyllales
FamejaPolygonaceae
ZènareFagopyrum
SpeceFagopyrum esculentum

Moench, 1794


Al Fagopyrum esculentum, ciamà formenton o formenton negro, al ze na specie de pianta a fior che fa parte de la fameja de le Polygonaceae. Te un serte bande del Veneto co el isteso nome de formenton se intende anca al sorch o sorgoturco, cioè la specie Zea mays de ła fameja de łe Graminaceae.

Al nome sientifico, Flagopyrum al deriva da la conbinasion del latin fagus (fagher) par via dei fruti triangolari che se someja e dal greco piròs (forment). El nome todesco xe Buchweizen, keło inglexe buckwheat. Par via de le so carateristiche nutrisionai e del inpiego alimentare, sto vegetal al gnen da spess metest, comercialmente, tra i cereai, siben che sta classificasion la sie sientificamente sbagliada, da' che al formenton negro no el fa parte de la fameja de le Graminaceae.

fotografia de F.esculentum

Difusion[canbia | canbia el còdaxe]

Al formenton al gnea inpiantà come seconda coltivasion dopo del forment o del ordo inte la provincia de Belun ( e probabilmente anca inte el resto del Veneto. Al so ciclo curt al fea sì che se podesse sunar an bon racolt in poco tenp, sichè se podea er guadagno dopio dal canp. Na funsion del genere al lo ła al sorch Sinquantin, i radici Verdolin o i radici de Verona. Verso la fin del '800 sta coltivasion la ze stata abandonada parchè le cane le ze debole e le se crepa al primo vent e po' cognea de pì semenar mescuglio par darghe da magnar a le vache, cossì se pausea al teren e al rendea de pì i ani venturi. Dess in Veneto sta pianta la ze praticamente sparida.

I pol magnarlo anca i maładi de morbo celiaco[canbia | canbia el còdaxe]

No esendo un cereal e no gavendo partanto glutine, el formenton negro el pol esar magnà da quei ke sofre de celiachia sensa aver dani.

Campo di grano saraceno in fiore a Bumthang (Bhutan), Settembre 2010

Centro de inmestegament[canbia | canbia el còdaxe]

Tra Oto e Noveẑento se ga pensà che la pianta la fusse originaria de la rejon siberiana, parchè diversi viandant i ga catà la pianta al stato salvarech te 'lBajkal e su el Amur. Pì de recente, serti ricercador i ga evidensià la funsion del Himalaya de Matina come probabile centro de primo inmestegament.

Usi[canbia | canbia el còdaxe]

La farina de formenton la ga an color tipo al sendro e la ze pitost fina. la gnea doperada insieme de quela del sorch par far la polenta, che la gnea cossì pi bona ma an stciantenin pi mola. In Lombardia (Valtełina) i ła ciama połenta taragna. Come garnei intieri al ghe gnea dat a le bestie (caore e sede).

Bibliografia[canbia | canbia el còdaxe]

Il Possidente Bellunese, A. Maresio Bazzolle, Belun (1890?)


Controło de autoritàLCCN (ENsh85017445 · GND (DE4310887-8
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Fagopyrum_esculentum&oldid=1110324"