Esampón
Al termine esampón, esempón o aixenpòn al se riferìs ala tèra de emigrasion e quei ke dala seconda metà del '800 i scampéa dale nostre tère venete par 'ndar a laoràr fòra Italia, de pì tel nord Europa, i era čamadi esamponàri, aixenpòneri o a Belun esamponèr.
Sta parola la par ke la sìe derivà dala parola tedesca "Eisenbahn", cioè strada ferada o ferovia, parkè in quei ani de emigrasion a l'estero, al laóro de costruìr ferovie par i veneti l'era la magior ocupasión.
Cualke dato su le costrusion dei veneti in tuta Europa:
- te l'ano 1840 l'era 3 000 km de ferovia;
- te l'ano 1850 l'era 25 000 km de ferovia;
- te l'ano 1860 l'era 60 000 km de ferovia;
- te l'ano 1870 l'era 110 000 km de ferovia.