Divixion in siłabe

Da Wikipedia, l'ençiclopedia libara.


Ła divixion in siłabe, de frecuente ciamà siłabasion, xe l'ato e el modo de dividare in siłabe na paroła.

Inpieghi pratisi de ła siłabasion[canbia | canbia el còdaxe]

Ła siłabasion xe dopàra inte ła scritura e inte ła stanpa co che, dovendo ndar a cao a ła fin de na riga, xe nesesario spesar na paroła in do tochi (o de pì) par mancansa de spasio. In tałi caxi infati l'ortografia prevede che ła paroła xe spesà soło tra una siłaba e l'altra.

Norme che łe regoła ła siłabasion inte łaa łéngua vèneta[canbia | canbia el còdaxe]

De seguito a grandi linee łe xe riportae łe norme che łe regoła ła siłabasion inte ła łéngua vèneta conpletae da alcune convension in parte arbitrarie.

  1. Ła siłaba vèneta contien senpre almanco na vocałe-nucleo (inte łe parołe straniere che nò łe contien vocałi, el ruoło de nucleo xe de frecuente svolto da r opùr l).
  2. Se ła paroła xe formada secondo l'ordine CVCV, o sia consonante-vocałe-consonante-vocałe, ła siłaba taca co ła consonante e finise co ła vocałe seguente (CV). Exenpi: te-gnè-re, la-o-ro.
  3. Ła prima vocałe de na paroła fa siłaba a sé. Exenpi: E-va, a-ła, I-da.

Łe fa ecesion łe prime vocałi seguìe da na dopia consonante divixibiłe. Ex. "aso" = a-so.

  1. I grupi de do consonanti i pol esar separai o restar unìi a seconda del caxo.[1]
    1. I va separai i grupi consonantisi formai da łe dopie (tt, ss, e vanti cussita). Ghè xe anca da sotołinear che in vèneto parò łe dopie e vien dopàrae davero poco.
    2. I resta invese insieme i altri grupi de consonanti che i produse un sono unico, cofà j+vocałe opùr ch e gn: a-jo, po-che, la-gna. Anca ła s inpura resta insieme a ła consonante che ła segue: re-spi-ro, pre-sto, pe-sca, a-scia.
    3. Na siłaba gàła da essar formà in modo che na paroła in vèneto ła pol scuminsiar co esa. Dividendo in siłabe ła paroła anpio, tegnemo conto del fato che nissuna paroła podaria tacar co mp. Quindi łe do consonanti łe va separae: an-pio. Similmente, na paroła vèneta nò scuminsierà mai par lt opùr lb: par questo, separando łe do consonanti, gavaremo mol-to, al-bum. In sintexi, l, r, m e n łe va separae da ła consonante che łe segue (al-ga, ar-ma, an-ta).
    4. Viseversa, un grupo consonantico che podarìa catarse all'inisio de paroła va tegnùo insieme. A exenpio, el grupo pr pol introdure un vocaboło vèneto come prendare; łe do consonanti łe resta donca insieme: ver-xe-mo. Similmente gavaremo: o-stre-ga, o-cra: infati, str e cr łe pol ocorare all'inisio de paroła.
  2. I grupi vocałisi i ga da essar tegnùi insieme opùr divixi a seconda del caxo, dato che i pol produre na soła emision de fiato opùr xenerarne do distinte.[2] Se oservi łe difarense tra łe do serie de exenpi:
    1. Łe va tegnùe insieme łe vocałi che łe forma un ditongo: Mà-rio, pàu-xa, qui, piò-ve.

Note[canbia | canbia el còdaxe]

  1. Rondani, fonologiaitg-rondani.it. entrada il 20 ottobre 2008.
  2. itis, divixion siłabeitisgalileiroma.it. entrada il 20 ottobre 2008.

Altri projeti[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Divixion_in_siłabe&oldid=1062907"