Discussion projeto:Zeografia/Modèłi de voxe

So bastansa d'acordo co ste lìnie guida. Tra l'altro me par che łe ndaria ben in xenerałe par cualsiasi divixion aministrativa... PS: No go capìo ben però cuel che te ghe scrito so ła gałeria de łe someje (in che senso "dopie") e so i cołegamenti foresti. Poito spiegarte mèjo?--GatoSelvadego (msj) 11:22, 28 dis 2013 (CET)

Anca mi penso che se posa far un modèl de voxe che vada ben un poco par tuti sti caxi (dovaria bastar no andar masa inte łi detaji par adatarlo); faso anca prexente che gavemo in uxo anca un modèl sinotico par łe dipendense e par łi teritori contexi, che podaria eser senpre conprexi in sto modèl de voxe. Ciaurlec (msj) 15:26, 28 dis 2013 (CET)

Si, deso i xonto al toco inisiałe.--GatoSelvadego (msj) 10:23, 30 dis 2013 (CET)

PS: Go spostà "Territorio conteso" prima a "Teritorio contexo" e po a "Teritorio custionà"... contexo el xe un adatamento da l'itałian, invese me par che el verbo venesian custionar el posa ndar ben anca in ste situasion (ghe saria anca begar ma el me par pì adato a cuestion infrà omani).--GatoSelvadego (msj) 10:56, 30 dis 2013 (CET)

Istòria

Me xe vegnùo un dubio... ga senso so na voxe rełativa a un stato scrivare ła stòria del so teritorio prima de ła formasion del stato? Un dubio del xenere el me jera vegnesto anca par łe voxe de łe sità, ma se par ła sità xe ciaro che ła voxe se riferise pì a ła sità in se che a l'entità aministrativa, pa' łe voxe de divixion aministrative pì grose xe difarente: vałe ciapae come div. aministrative o come region giografeghe?--GatoSelvadego (msj) 11:39, 28 dis 2013 (CET)

In łinia de prinsipio penso che sia xusto considerar soło che ła istòria a partir da ła creasion de ła entità aministrativa (o al masimo de cheła che ła ga presedua, se el canbio el xe sta soło de tipo xuridego ma miga teritorial, cofà par esenpio serte entità de łe Antiłe Ołandexi). In caxo contrario łe difarense podaria eser cusì grande da xustifegar ła creasion de voxe difarenti par łe region giografeghe/istoreghe (me vien in mente par exenpio el Tiroło). --Ciaurlec (msj) 15:26, 28 dis 2013 (CET)

Par dire, se se considerase ła Fransa dei ani '60 cognaria metare anca ła storia vecia de łe so cołonie e no soło che cueła del toco continentałe. Magari ghe metemo un varda anca che ponte a ła sesion storega de ła voxe de ła region giografega. Oviamente cuesto conporta anca el riordino de łe voxe "Storia de": overo ghe voria tipo "Storia de ła Fransa (stato)" (co i fati che xe sucesi inte ła so storia) e "Storia de ła Fransa (region)" (co i fati che xe sucesi in chel teritorio)...--GatoSelvadego (msj) 10:23, 30 dis 2013 (CET)

Gałeria de someje

Par ła nota so łe someje da ridur (varda in sima a ła paxena de discusion), faso prexente un tipo de situaxion tipo sto cua o sto cua, indove ghe xe praticamente pi' someje che testo scrito: in sti caxi mantegnaria soło che chełe someje utiłi a iłustrar mejo el articoło, co un masimo de una par paragrafo (dubito che ghe sia paragrafi che bisogna de pi' de na someja par eser ben iłustrai). --Ciaurlec (msj) 15:26, 28 dis 2013 (CET)

+1--GatoSelvadego (msj) 10:23, 30 dis 2013 (CET)

Cołegamenti foresti

Un exenpio cołegamento a un sito "xenerałista", donca vałido par tante altre voxe de so łi stati (ma almanco ufisial e ben fato) podaria eser prexente cua, altri "xenerałisti" ma manco afidabiłi ghe xe cua, cua o cua. Un discorso a parte (ma penso che se ne gabia xa parlà in altre discusion) xe cheło so łi siti de tipo comersial tipo sto cua. Ciaurlec (msj) 15:26, 28 dis 2013 (CET)

Diria: xenerałista ufisial SI, xenerałista manco vałido se no ghe xe de mèjo, comercial NO (che no semo Wikivoyage, donca no vedo parché ghemo da mètare el link ai siti de info turisteghe).--GatoSelvadego (msj) 10:23, 30 dis 2013 (CET)