Discussion projeto:Pułitega

Discusion projeto:Pułitega

Benvegnui inte ła pajina discusion del Projeto Pułitega, cuà se parla de łe voxe de pułitega, pa' argomenti pì xenerałi ndare so łe ciàcołe. Struca qua par xontar na nova discusion!

Portałe:Pułitega - Projeto:Pułitega - Categoria:Pułitega

Nome de ła pajina discusion

Che nome ghe demo a sta pajina de discusion?--GatoSelvadego 10:03, 28 luj 2011 (CEST)

Modèl ugnoło par łe "careghe" publiche

Axornando łe voxe Fransa e Sarkozy dopo łe resenti elesion fransexi me so inacorto che ne manca un modèl ugnoło tipo cheło che ghe xe so it.wiki (template:carica pubblica). Jero drio pensar de inisiar a sistemarlo però ghe xe un bel problema: no me rexulta che noaltri doparemo el termine "carga" anca in chel senso là, donca me pararia sbałià ciamarlo carga publica, na sołusion ła podaria esare carega publica ma forsi xe un fià masa PVnN :-). Cosa ghi n' penseo? Calche idea?--GatoSelvadego (msj) 15:52, 9 maj 2012 (CEST)

Anca par mì se podaria ciamarlo carega publica, almanco el me senbra pì asetabiłe de carga publica. --Vajotwo (posta) 16:23, 9 maj 2012 (CEST)

Idem par mi, anca se nò vuarìa che qualchedun ło confondese có ła carèga (it. sedia), xè anca vero però che carega publica nò ła gà l'acento.--Frigotoni (msg) 16:39, 9 maj 2012 (CEST)

@Vajotwo: si ma it. caricare = vec. cargare, no caregare. Cuindi carica = carga. Però apunto el ga el signifegà de "cargar na roba da calche parte" e no de incarico pubblico. @Toni: se 'l acento no'l xe scrito xe parché dato che de sołito el va so ła penultema, łora in chèi caxi tanti i sostien che se posa far de manco (n'altra posibiłe spiegasion de ła mancansa del acento ła xe che me so desmentegà de metarlo dato che co i acenti faso ncora un fià de fadiga, ma no xe cuesto el caxo). Cuindi carega = carèga, e mi defati intendevo propio sedia, poltrona (se no no gavaria tirà fora ła cuestion PVnN).

Go proà a sercare n'altra sołusion, sercando so'l galepin incarico e go trovà incargo (incargo publico? O forsi incargo piovego* che sona mejo). Invese par incaricare go catà el verbo venesian ispesionar, ma in sto caxo ghe xe el problema che'l vol dir anca it. ispezionare... Go cuindi vardà el nome del modèl in altre wiki. Inte łe wiki "iberiche" i dopara "autoridà publica", ma diria che xe mejo ciapar ispirasion anca in sto caxo da fr.wiki: infobox pułitego (o anca soło pułitego), cusì in sto modo se pol anca dopararlo par i pułitisi che no xe presidenti/goernadori evc... PS: Na cuiroxità: "carga publica" saria anca in spagnoło, anca se'l so signifegà el xe pì ristreto rispeto a ła carica pubblica nostrana. Ah, piovego (gavì prexente el canałe de Pàdoa?) vol dir publico, ghe xe anca ła Sała del Piovego a Pałaso Dogal a Venesia...--GatoSelvadego (msj) 11:57, 10 maj 2012 (CEST)

PS: Intanto taco laorarghe su so na me sandbox, cusì poemo tegner verta ncora ła discusion e intanto laorarghe su.--GatoSelvadego (msj) 12:01, 10 maj 2012 (CEST)

Go scuminsià a laorarghe. Catè el link so ła pajina del projeto.--GatoSelvadego (msj) 19:09, 11 maj 2012 (CEST)

Cuà un primo test del novo modèl... Ghe xe calcosa che ncora no me convinse, par exenpio el cołore (che magari saria beło łasar ła posibiłità de siełierlo, tipo come inte'l modèl pa' i partiti). E dopo devo capir come far par distinguer mejo łe funsion istitusionałi da chełe de partio (che łe xe soto ła sesion "Altri Dati")... forsi podaria metarle dopo ła Biografia, ma no me par el caxo.--GatoSelvadego (msj) 17:25, 16 maj 2012 (CEST)

Go pena spostà el aboso so'l namespace modèl, da deso se pol tacar dopararlo.--GatoSelvadego (msj) 10:53, 9 maj 2013 (CEST)

Convension par ƚe voxe ligae al progeto

Segnaƚo che go scominsià a butar xò un fià de convension par ƚe voxe de sto progeto. Par deso go trato là un fià de idee, no se trata gnancora de na proposta rajonà... si tuti invitai a parlarghine so ƚa pàgina de discusion dedicà.--GatoSelvadego (msj) 14:01, 24 oto 2018 (CEST)