Projeto:Pułitega/Convension

Partìi e muvimenti połitisi

Criteri de ensiclopedisità

Xe considerabiłi ensiclopedisi i partìi che sodisfa almanco uno de sti criteri:

• I gapia ciapà almanco el 1% dei voti inte na elesion de livel almanco regional;
• I raprexente el prinsipałe partìo de opoxision al goerno de un Stado;
• I sia rivai al goerno de un Stado, calsiasi sia el mexo che ghe ga permeso de rivarghe;
• I raprexente el goerno de jure de un Stado, basta che'l gae un minimo reconosimento internasionałe;
• I fasa parte de un partìo eoropeo che ga parlamentari eleti al Parlamento Eoropeo;
• I sia fuxion o confederasion de altri partidi o movimenti połitisi xà ensiclopedisi pa' cuanto scrito sora.

Strutura de łe voxe

Tìtołi de łe voxe

Se ga da doparar cofà tìtoło el nòme uficial del partìo, a men che no'l sia conosùo co un nòme nostran inte łe xone venetofone (ghe vol na fonte).

I partidi internasionali, cofà cueli eoropei, 'vendo tanti nòmi uficiali in lengue difarenti par no far prefarense i va mesi co'l nome venetixà.

Contegnùo

Inte łe prime righe ga da esarghe: nome del partìo (nostran e orixenałe), area giografega dove che'l òpara, leader, data e liogo de fondasion.

Par pratisità inte el testo de ła voxe se pol uxar ła sigla uficiałe del movimento invese de scrivare el nòme conpleto.

Categorie

I partìi i va categorixai par ideoloxia e pa' area giografega 'ndove che i òpara.

Inte i nomi de le categorie, par fasilitare la scritura de le voxe se ga decidesto de doparare pulitega, puliteghi, ... invese che pułìtega, pułìteghi, ...

In generale saria da sbandonare gradualmente l'uzo de la "ł" e de limitare i diacriteghi (i "acenti") al minimo al fin de incentivare la scritura de le voxe visto che ghemo carensa de contributori.

Biografìe

Criteri de ensiclopedisità

Xe considerabiłi ensiclopedisi i pułitisi che sodisfa almanco uno de sti criteri:

• i ga vùo carghe pioveghe ai masimi livełi de istitusion internasionałi o statałi de riłievo (cai de stado, cai de goerno, ministri, sotosegretari);
• i ga da èsar stai presidente de sudivixion teritoriałi de primo liveło o sindasi de sità co pì de 100 mila abitanti;