Discusion:Progeto Nordest
PNE a ƚe regionaƚi 2015
[canbia el còdaxe]So ƚa voxe xe scrito che i jera co Toxi drento ƚa lista UNE... ma no i jera invese co Zaia inte ƚa lista Indipendenza noi Veneto?--GatoSelvadego (msj) 12:55, 25 giu 2015 (CEST)
- Te ghe raxon. O mejo, xe vero che El liston se riprexenta [...] còrendo pa' Flavio Tosi, ma ƚori i ga d'averse cavà fora no so quando:
(VEC)
«I Movimenti indipendentisti: Veneti Indipendenti, Liga Veneta Repubblica, Veneto Stato, Progetto Nord – Est, Tea Party Veneto e Pro Veneto»
- Che poi i dixe I Movimenti indipendentisti e mi gaveo canbià independensa -> autonomia parché no i me rixultava propiamente independentisti, ma sto punto no so pì sicuro, anca parché no cato siti PNE. Ma queo eƚeto (Antonio Guadagnini, anca se no go capìo quanto che 'l sia ofisiae) ndoe 'l vien fora? --Max tre (msj) 14:08, 25 giu 2015 (CEST)
- Eƚora, inte'l 2010 el liston el jera fato da Liga Veneta Repubblica, Progetto Nord Est, Intesa Veneta e Unione Nord Est, e 'l ciapava el nome da sto ultemo movimento. Dato che LVR e PNE i jera drento InV a ste regionaƚi, che Intesa Veneta ƚa xe sparìa (almanco, Covi no ƚo se ga pì visto), me sa che no se pol parlar de "liston", parché in sto caxo ghe jera soƚo che UNE. Sarìa interesante capir cuando che se ga roto 'l acordo infrà ƚe liste che se jera prexentae inte'l 2010. Credo durante ƚa legisladura, ma no ghemo conferme anca parché par exenpio el sito del PNE no'l ghe xe altro... donca ne manca ƚe fonti. So'l fato che NVI (o InV, come che i se ga prexentà a ƚe elesion) el sia o no indipendentista no sta a noaltri giudicar. Ƚori i dixe de esarlo donca par noaltri i ƚo xe, dato che ghemo da limitarse a riportar cueƚo che dixe ƚe fonti esterne. El PNE, come anca ƚa LVR, na volta el jera autonomista, ma evidentemente deso i ƚa pensa in modo difarente. D'ogni modo no so gnanca se sia el caxo de scrivare che'l PNE el sia un movimento indipendentista, dato che no go capìo se'l partìo el xe ncora ativo o no (gaƚo na vita indipendente fora da ƚa lista InV?). Pa' chel che rivarda el eleto in consejo: al momento par che sia Guadagnini, che però no'l xe del PNE ma de Veneto Stato, però i ga xà canbià tre volte, donca no poemo escludare che magari a ƚa fine i manda su uno del PNE... Penso che ne convegna spetar el corso dei eventi. Al momento ƚa situasion no ƚa xe ciara, e par serti versi pol senbrar che 'l PNE no'l sia pì ativo. Vedemo, magari tra calche mexe cueƚi de InV i fa un movimento ùgnoƚo, donca gavaremo da segnar el PNE come un partìo del pasà.--GatoSelvadego (msj) 19:09, 25 giu 2015 (CEST)
- Che caxìn... Comunque qua la voxe parlava de essere 'ndipandente dall'Italia dal 2008, ma 'l PNE el jera autonomista (e.g. vd qua e altri post, ma no so se sìa na fonte bona) e ƚo gaveo canbià. Però desso i scrive diverso... Se mètemo "venetisti" e poi scrivemo par longo eƚession par eƚession?--Max tre (msj) 21:58, 25 giu 2015 (CEST)
- Si, podarìa èsar na bona soƚusion. Po inte'l testo de ƚa voxe va spesifegà i vari pasaji (dal autonomismo de cuando che ghe jera Panto a ƚa svolta de deso).--GatoSelvadego (msj) 08:53, 26 giu 2015 (CEST)
- Che caxìn... Comunque qua la voxe parlava de essere 'ndipandente dall'Italia dal 2008, ma 'l PNE el jera autonomista (e.g. vd qua e altri post, ma no so se sìa na fonte bona) e ƚo gaveo canbià. Però desso i scrive diverso... Se mètemo "venetisti" e poi scrivemo par longo eƚession par eƚession?--Max tre (msj) 21:58, 25 giu 2015 (CEST)
- Eƚora, inte'l 2010 el liston el jera fato da Liga Veneta Repubblica, Progetto Nord Est, Intesa Veneta e Unione Nord Est, e 'l ciapava el nome da sto ultemo movimento. Dato che LVR e PNE i jera drento InV a ste regionaƚi, che Intesa Veneta ƚa xe sparìa (almanco, Covi no ƚo se ga pì visto), me sa che no se pol parlar de "liston", parché in sto caxo ghe jera soƚo che UNE. Sarìa interesante capir cuando che se ga roto 'l acordo infrà ƚe liste che se jera prexentae inte'l 2010. Credo durante ƚa legisladura, ma no ghemo conferme anca parché par exenpio el sito del PNE no'l ghe xe altro... donca ne manca ƚe fonti. So'l fato che NVI (o InV, come che i se ga prexentà a ƚe elesion) el sia o no indipendentista no sta a noaltri giudicar. Ƚori i dixe de esarlo donca par noaltri i ƚo xe, dato che ghemo da limitarse a riportar cueƚo che dixe ƚe fonti esterne. El PNE, come anca ƚa LVR, na volta el jera autonomista, ma evidentemente deso i ƚa pensa in modo difarente. D'ogni modo no so gnanca se sia el caxo de scrivare che'l PNE el sia un movimento indipendentista, dato che no go capìo se'l partìo el xe ncora ativo o no (gaƚo na vita indipendente fora da ƚa lista InV?). Pa' chel che rivarda el eleto in consejo: al momento par che sia Guadagnini, che però no'l xe del PNE ma de Veneto Stato, però i ga xà canbià tre volte, donca no poemo escludare che magari a ƚa fine i manda su uno del PNE... Penso che ne convegna spetar el corso dei eventi. Al momento ƚa situasion no ƚa xe ciara, e par serti versi pol senbrar che 'l PNE no'l sia pì ativo. Vedemo, magari tra calche mexe cueƚi de InV i fa un movimento ùgnoƚo, donca gavaremo da segnar el PNE come un partìo del pasà.--GatoSelvadego (msj) 19:09, 25 giu 2015 (CEST)