Discusion:Pisa

Salve @GatoSelvadego]. A vorìa crear ła pàjina so ła pisa (pizza), ma Wikipedia el me rimanda a ła pàjina de ła sità de Pixa (Pisa): come posoi far, tenjendo conto che A no scrivarò "pissa". Grasie. Dragalog 502305 (msj) 14:36, 24 nov 2017 (CET)

Eh xe parché ghe xe el rimando... Entraghe da cuà e laora come 'l soƚito. Mi intanto go sistemà ƚe voxe che pontava cuà invese che a Pixa.--GatoSelvadego (msj) 21:45, 24 nov 2017 (CET)

Canbiamenti e vandałizasion

Bondì @GatoSelvadego] A vorìa capir so che baze che A ze stà canbià da un utente ła grafìa de 'sta pàjina. A dirìa che par na cuestion de respeto resìprogo sipie da evitar un conportamento de'l zènare, anca se Wikipedia ła ze na ensiclopedìa łìbara, parché se tuti i taca far cusì A vien fora na guera par njente... par de pì A no me ze stà notifegà njente, anca se "ła tenjo d'ocio". Grasie! Dragalog 502305 (msj) 11:44, 12 giu 2018 (CEST)

No xe mia vietà... ƚe pàgine in teoria ƚe gavarìa da èsare el rexultà del laoro de pì de un wikipedian, ma so ƚe wiki picinine come ƚa nostra, co pochi utenti che magari i parla anca varianse difarenti capita che in sostansa ƚe pàgine ƚe sia un laoro de un ùgnoƚo wikipedian, e ghe xe la tendensa a considararle scuaxi na propietà personaƚe, ma no xe cusì.

De soƚito se se ga soƚo che da xontar do poci xe bona creansa tegner, o sercar de tegner, grafìa e variansa che se cata (soratuto cuando che ghe xe el modèl de segnaƚasion). Invese cuando che se xonta abastansa ròba xe logico girarseƚa come che se se cata mèjo (overosipia canbiar grafìa e variansa co ƚa pròpia).

@Alvise Morosin] el gavarìa el visio de intrar so ƚe voxe soƚo che par canbiar ƚa grafìa, e tante volte ƚa canbia soƚo che so'l incipit lasando el resto cofà prima... Tante volte a so ndà diretamente de rollback (e fursi sarìa un fià un abuxo del me poter da aministrador), ma in sto caxo el gheva xontà el modèl (donca na modifega sostansiaƚe, dato che ƚa voxe ƚa xe curta) e go pensà che jera mèjo voltarla definitivamente de grafìa.

Mi ghe lo ghevo xà dito mixi fà che no jera el caxo de perdare tenpo a canbiar ƚa grafìa so voxe fate da altri. Che ghe xe tante voxe da scrivare... Me par che ultemamente ghe ƚa ga moƚà, d'ogni modo se te vui dirghelo anca ti...--GatoSelvadego (msj) 20:24, 13 giu 2018 (CEST)

Inte ła sesion de łe grafìe go senjałà 'sta notisia, parsonalmente son de l'idèa che ła sipie na ocazion par nobiłitar ła nostra Wikipedia ma ciaramente son de parte. Donca come aministrador A te domando a ti, @GatoSelvadego], come che A se se ga da mòvar in zenarałe. Nialtri de l'Academia simo cuà par contribuir drio i nostri standard (che i ze deventà cuełi ofisiałi de ła Rejon!), ma se no se pol farlo parché łe pàjine łe vien modifegàe łora vałutaremo altre sołusion... anca par no far pèrdar tenpo a i corsisti che i se vede scansełà el łaoro fato. Dragalog 502305 (msj) 13:00, 14 giu 2018 (CEST)

No me par che ghe sia dei ostacuƚi al contribuir in DECA... so 50-60 voxe xe capità soƚo che so sta cuà, me par, che vegnese canbià ƚa grafìa. A chi che scrive in Grafia Clasega, cueƚa dei nisioƚeti, invese ghe capita scuaxi senpre... D'ogni modo el laoro fato no se pol dir che'l vien scanseƚà se se canbia ƚa grafìa... so'l storego de ƚa 'oxe resta tuto eh e i contegnùi i xe senpre cueƚi inserìi da chi che ga laorà prima, co calche integrasion.

Pa'l resto: se pol far ƚa proposta so ƚe ciàcoƚe par vedare se se cata el consenso a adotar na grafìa (ani fa se doparava una de ƚe prime version de cueƚa de Bruneƚi, par dire). Mi però te faso prexente xà da deso che cogna ricordarse che sta wiki no ƚa sarìa soƚo che de noaltri vèneti... donca poso anca èsar d'acordo (overo podarìa anca votar a favor. Ricordo che'l me voto el conta come cueƚo de tuti i altri, no'l vaƚe de pì) a farla deventar ƚa grafìa prinsipaƚe, adatando anca i mèsaji de sistema, ma fin che no convinsì a scrivare cusita anca i triestini o i veneto-braxiƚiani sarìa contrario a farla deventar l'ùgnoƚa grafìa doparabiƚe.--GatoSelvadego (msj) 20:32, 14 giu 2018 (CEST)

Va ben, se pol far ła proposta par adatar intanto i mesaji de sistema (par ezenpio, inte ła cołona cuà a sanca, védar scrito "Na pajina a ocio" e dopo "Canbiamenti ligà a sta pagina", o "ençiclopedia" e "prinsipałe" no'l fa na imàjine beła de 'sta Wikipedia...) e unifegar el testo zenarałe inte un standard reconosesto ofisialmente. A no ghemo l'anbision de canbiar el mondo suito, ma i pìcołi pasi in vanti i vien fati anca da robe grande e inportante come Wikipedia, che ła ze verta a'l mondo come che justamente te dizi ti... D'onji modo i istriani e i veneto-braziłiani, drio el mètodo descritivo de l'Academia, i seitarà scrìvar drio ła só parlada (come anca a Bełun, a Verona, a Venesia) sensa problemi, ma co pì consapevołesa e in maniera de'l tuto capìbiłe doparando ła stesa ciave de łetura... come che i ze dezà drio far deso! --Dragalog 502305 (msj) 11:31, 15 giu 2018 (CEST)

Pa' i mesaji de sistema cognarà ndar so translatewiki a tradurli (donca cognarìa che calchedun de voaltri me daxese la disponibilità, se se desiderà pa' sto canbiamento, de far sto laoro... parché xe mèjo che no scriva in DECA chi che no xe bon). Magari verxarò mi la discusion e invitarò tuti a dir ognun la sua. Pa'l resto, ovio che istroveneti e veneto-braxiliani i pol scrivar anca in DECA rispetando la so parlada, no jera cueƚo che intendevo. Intendevo dir che soratuto in serte xone i xe ligai a come che i xe bituai a scrivare, a la so scritura tradisional. E se fa fadiga convinsarli a adotar na grafìa difarente. E ghemo da star tenti a no escludarli.--GatoSelvadego (msj) 12:31, 15 giu 2018 (CEST)

A te dago razon, s'A ze da far na roba ła se fa pułito! Intanto te rengrasio, come senpre, pa ła disponibiłità: me tenjarò ajornà inte łe ciàcołe łora... Dragalog 502305 (msj) 16:37, 15 giu 2018 (CEST)

Bondì @GatoSelvadego] zeła stà verta ła discusion? Dragalog 502305 (msj) 11:44, 13 luj 2018 (CEST)

Se go dito che ve gavarìa avixa, e no ve go gnancora avixà vol dir che no la go gnancora verta... go vudo poco tenpo pa' la wiki inte sto ultemo mexe.--GatoSelvadego (msj) 13:23, 15 luj 2018 (CEST)