Diałeto vèneto sentral-setentrional
rimandamento da Diałeto trevixanoEl vèneto sentro-setentrional el xe ła variante vèneta parlà inte ła Marca trevixana e groso modo el corispónde al trevixan destra Piave (trevixan meridionałe) che el tira al venesian e al vèneto sentrałe.
El trevixan sinistra Piave (trevixan setentrional) invese el tira al belumat e el va far parte del veneto setentrional.
Łe caratarìstiche pi particołari łe xe:
- finałi in -r, -l anca derivàe da dopie latine (oltre a n, r, l normałi): fradel da lat. fratellu[m], ła pel da lat. pelle[m], el fer da lat. ferru[m], caval da lat.volg. caballu[m] al posto de łe fórme xenerałi fradeło, ła pełe, el fero, cavało
- oltre a łe fórme xenerałi come canal, campanil, saver, parol, faxol / faxiol, can, tren, paron
- parò el ga manco consonanti finałi del vèneto setentrional e donca el ga fórme xenerałi come: toco, gato, pómo
- secónda p.singołar precixa de ła tersa come el vèneto setentrional ma co vocal finałe (-a/-e , donca gnente metafonexi): te sente = el sente, te perde = el perde
- prima plural in -én: magnén (magnémo), sentén (sentimo/sentémo)
- calche caxo de metafonexi se ghe xe -i finałe: ròcol - ròcui , córar - curi
- el conejanéxe el ga łe vecie forme cior (tor), el ciol (el tol) che inte el resto del vèneto invese łe ga sopravivesto soło inte el famóxo cio! (orixinariamente inperativo de "cior")