Derozer

Da Wikipedia, l'ençiclopedia libara.
Infobox de personajo Derozer
Derozer01.JPG
MorteCànbia el vałor in Wikidata
Perìodo atività1989 Cànbia el vałor in Wikidata –
Conpozision del grupo
ConponentiSeby, Spazza, Spasio
Ex conponentiMendez, Domenico, Davide il "Rozzo", Gino Racas, Micy
Discografia
Àlbun9
Stùdio8
Compilation1
ZènarePunk rock
Sito ufisiałe

Musicbrainz: fb87f9b2-b11b-4fd9-8993-60878f087ad5 Songkick: 1406 Discogs: 1480202



I Derozer i xe na banda muxegałe Punk rock de Vicensa. Intrà łe pi conoseste bande Punk itałiane, da ła nàsita inte el 1989 i ga dà-fóra 8 àlbun e sonà in pì de 1500 consèrti.[1][2]

Storia[canbia | canbia el còdaxe]

El nóme Derozer
Inte n'intervista Mendez e Seby i ga spiegà cofà che el xe nasùo el nóme de ła banda.

Mendez:«Al bar tra un roso e na bira, el nostro cantante de chei tenpi zèra Davide "Il rozzo" e tra un gòto e l'altro se semo dìti: ciamemose The Rozer, e po' invése el xe deventà sùtio Derozer»

Seby:«Derozer el xe na tradusion bałenga in inglexe de ła paroła "I ROZZI"»[3]


Ła banda ła xe stà tirà-sù inte el 1989[4] dai menbri storegi Mendez (al baso) e Francesco "Spasio" Miotello (a ła bataria) e altri do (a ła voxe e a ła chitara) che, dopo aver rexistrà na demo in caseta inte el 1993, i ga mołà ła banda e i xe stà sostituìi dal terso menbro storego, Sebastiano "Seby" Berlato, che da lì in pó el ghene ga sènpre fato parte e el xe deventà l'autore prinsipałe dei testi e de ła muxega.[2][5]

Inte el 1994 xe stà da fóra el primo singoło 144, autoprodoto par méxo de ła Derotten Records: na caxa discografega tirà sù da ła banda stesa. Ła Derotten Records ła sarà de juto anca l'ano dopo, co vién dà fóra Bar el primo albun. Doménte par colpa de dei radeghi Spasio el moła i Derozer. El ge tornarà dentro 4 ani dopo, inte el 1998, el steso ano che vién dà fóra Alla nostra età, el secondo albun de ła banda. Inte i ani a drio i ga sevità a sonar tuti insieme, rivando a far tour in tuta Eoropa e inte ła Mèrica del Nord.[4]

A ła fin del 2003 doménte un consèrto Seby el xe cascà col braso sanco sóra na bòsa róta. Sto asidente el ge ga inpedìo de sonar ła chitara par pi de do ani. Ałora el xe stà sotituìo al strumento da Andrea "Spazza" Rigoni, che el ga capà parte cusìta a l'albun del 2004 Di nuovo in marcia.

Inte el 2006 Spasio el ga mołà da nóvo ła banda, che dopo altri 2 ani de atività ła ga proclamà el só retiro.[4]

Cuatro ani dopo, inte el 2012, i Derozer i ga fato un nóvo tour[6] de 6 méxi, doménte che i ga dà fóra Fedeli alla tribù, na antołoxìa de łe so canson (pi una nóva), e un documentaro su ła storia soa de łori.[4]

Inte el xenaro del 2016 i xe tornài in atività. A sta reunificasion no ga capà parte Mendez, che el ło ga comunicà co un mesajo dai toni vełenoxi.[7] Nonostante el radégo del basista, Seby el ga recognosùo ła só inportanza inte ła storia de i Derozer, spendendo parołe de riguàrdo e dixendo che no ge sarìa sta n'altro basista ofisiałe e che par i tour i ge n'avarìa scriturà uno de volta in volta.[2][5] L'ano dopo i Derozer i ga dà fóra, dopo 13 ani da l'ùltemo, un albun nóvo: Passaggio a Nordest.[8]

Conpozision[canbia | canbia el còdaxe]

Conponenti[canbia | canbia el còdaxe]

Ex-conponenti[canbia | canbia el còdaxe]

  • Domenico - Citara e voxe (1989-1993)
  • Davide il "Rozzo" - Voxe (1989-1993)
  • Gino Racas - Bataria (1995-1997)
  • Micy - Bataria (2006-2008)
  • Mendez - Baso (1989- 2015)

Timeline[canbia | canbia el còdaxe]

Discografia[canbia | canbia el còdaxe]

Albun[canbia | canbia el còdaxe]

EP[canbia | canbia el còdaxe]

Split[canbia | canbia el còdaxe]

Antołoxie[canbia | canbia el còdaxe]

Note[canbia | canbia el còdaxe]

  1. (IT) Derozer e Barracudas Socorock, ottima annataIl Giornale di Vicenza, 4 lujo 2012. entrada il 18 de otobre 2017.
  2. 2,0 2,1 2,2 (IT) DEROZER di nuovo in marcia, intervista a SebyPunkadeca, 25 xenaro 2016. entrada il 18 de otobre 2017.
  3. DEROZERPassion Alternativa Magazine. entrada il 19 de otobre 2017.
  4. 4,0 4,1 4,2 4,3 (IT) La biografia ufficiale della band Derozer
  5. 5,0 5,1 (IT) Marco Tucciarone, Il Punk alla prova del tempo: una conversazione con Seby dei Derozerrock Lab, 19 apriłe 2016. entrada il 19 de otobre 2017.
  6. (IT) Reunion dei Derozer e a marzo il tour: intervista a MendezVicenza Today, 16 xenaro 2012. entrada il 19 de otobre 2017.
  7. (IT) Matteo Paganelli, DEROZER: Mendez lascia la bandPunkadeca, 20 xenaro 2016. entrada il 19 de otobre 2017.
  8. (IT) PASSAGGIO A NORDEST

Altri projeti[canbia | canbia el còdaxe]

Ligamenti foresti[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Derozer&oldid=1070163"