Daniele da Volterra

Da Wikipedia, l'ençiclopedia libara.
Discexa da ła croxe (1545 sirca), Céxa de ła Trinità dei Monti, Roma
El profeta Elia (1550-1560 sirca), Caxa Panochieschi d'Elci, Siena
Straxe dei inoçenti (1557), Gałeria dei Ufisi, Firense
Michelangeło, detajo del Giudisio Universałe (1534-1541). San Biagio, che tien in mano i petini de fero del so martirio, e el corpo de Santa Caterina d'Alessandria, che tien in mano na roda de tortura, i xe stai càvai via colpi de scalpeło e ridipinti da Daniele da Volterra inte el 1565

Daniele Ricciarelli, mejo conossùo cofà Daniele da Volterra o el Braghetón (Volterra, 1509Roma, 4 de apriłe 1566), xe stà un pitor e scultor itałian, ricordà in particołare pà ła so asociasion, inte el bene e inte el małe, co łe ultime ópare de Michelangeło.

Biografia[canbia | canbia el còdaxe]

Gà studià inisialmente co i artisti senexi, El Sodoma e Baldassarre Peruzzi. Senbra che el gabia aconpagnà st'ultimo a Roma inte el 1535 e ło gabia jutà a dipinxare i afreschi inte el Pałaso Masimo a łe Cołone. Xe divegnesto in seguito un aprendista de Perino del Vaga.

A Roma gà scuminsià a laorar inte el sircoło de Michelangeło, el cuałe se servì de ła so influensa preso el papa Paoło III par asicurar a Daniele el posto de sovraintendente de łe ópare in Vatican, na poxision che gà mantegnùo fin a ła morte del papa inte el 1549.

Michelangeło ghè fornì anca dei schisi soi cuałi Daniele gà scuminsià a crear alcuni dei so dipinti. Ła so prima comision inportante i xe stai i afreschi de ła Capeła Orsini inte ła céxa de Trinità dei Monti a Roma, inte el 1541; xe situà lì el so quadro pì famoxo, ła Discexa da ła croxe (1545 sirca), baxà so dixegni de Michelangeło.

Altre ópare notevołi xe łe un dipinto de Davide che distruxe Golia (1555 sirca), ora al Louvre (anca sto qua baxà so dixegni de Michelangeło e a longo credùo ópara del maestro), el Masacro dei inosenti (1557), ora a i Ufisi, un ritrato de Michelangeło e un busto de ło steso che gà creà da ła so maschera funeraria.

Ritoco sol Giudisio Universałe[canbia | canbia el còdaxe]

Ricciarelli xe, so malgrado, famoxo pà 'ver sconto co dei vestimenti e foje de fico i xenitałi dell'afresco del Giudisio Universałe de Michelangeło inte ła Capeła Sistina, inte el 1565, poco dopo che el Concilio de Trento gaveva condanà ła nudità inte elarte rełigioxa; questo ghè valse l'epiteto de "Braghetón".

Łù gà cavà via a colpi de scalpeło e ridipinse anca ła maxor parte de Santa Caterina e l'intera figura de San Biagio drìo de eła, poiché inte el orixinałe st'ultimo senbrava scuaxi védare a ła schiena nuda de ła dona.

Ópare[canbia | canbia el còdaxe]

  • Firense, Caxa Buonaroti: Busto de Michelangeło, bronso, 1564-1566, in cołaborasion col Giambologna.
  • Muxeo Nasionałe del Bargello: Busto de Michelangeło Buonaroti, bronso.
  • Ufisi: Straxe dei Inosenti, tenpera so rame, 1557.
  • Madrid, Prado: Anunciasion, tenpera so toła.
  • Roma, Baxiłica de San Joani in Lateran, afreschi e ornài del sofito de ła navała mediana.
  • Pałasi Vaticani, Stuchi a łe pareti de ła Sala Regia, de fronte a ła Capeła Sistina, 1545-1547.
  • Ceza de Santa Trinità dei Monti: Asunsion de ła Verxine e Depoxision, 1543
  • Ceza de San Marceło al Corso, Capeła del Crocifiso, afreschi: San Mateo e san Luca, 1543.
  • Pałasi Vaticani, afreschi e decorasion del Vestiboło Quadrato del Muxeo Clementino.
  • Pałaso Masimo a łe Cołone, afreschi co łe Storie de Fabio Massimo, 1535.
  • Siena, Caxa Panochieschi d'Elci, cołesion dei conti Panochieschi d'Elci: Madona col Banbin, san Joanino e santa Barbara, ołio so rame, 1548; Elia inte el dexerto.
  • Voltera, Muxeo Diocexan de Arte Sacra: Madona col Banbin e i santi Pietro e Paolo.
  • Parixi, Louvre: Davide e Golia

Bibliografia[canbia | canbia el còdaxe]

  • Fabrizio Mancinelli, The Painting of the Last Judgment: History, Technique and Restoration. In Loren Partridge, Michelangelo: The Last Judgement - A Glorious Restoration. New York: Harry N. Abrams, 2000. ISBN 0-8109-8190-4.
  • Daniele da Volterra, amico di Michelangelo, cat. della mostra a cura di V. Romani, (Firenze, Casa Buonarroti), Firenze 2003.

Varda anca[canbia | canbia el còdaxe]

Altri projeti[canbia | canbia el còdaxe]

Linganbi foresti[canbia | canbia el còdaxe]

Controło de autoritàVIAF (EN19954714 · ISNI (EN0000 0000 8362 5620 · Europeana agent/base/59791 · LCCN (ENn85053261 · GND (DE118670999 · BNF (FRcb149775312 (data) · BNE (ESXX1297692 (data) · ULAN (EN500115438 · CERL cnp00584371 · WorldCat Identities (ENn85-053261
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Daniele_da_Volterra&oldid=1029417"