Ecrise sołare

Da Wikipedia, l'ençiclopedia libara.
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Crisse solar
Schema de un'ecrise totałe de Sołe.

Un'ecrise sołare (o ecrise de Sołe) el ze un tipo de ecrise, o sia un fenòmano òtego-astronòmego, normalmente asocià al sistema "Sołe-Tera-Luna", caraterizà da l'ocultamento de tuto, o de na parte, del disco sołare, o sia del Sołe da parte de ła Luna, vedesto da ła Tera.

Se ze drio parlar de un avegnimento bastansa raro ponesto-ché, anca se el gavese da verificarse a ogni Luna nova, Sołe, Luna e Tera i garia anca da èsar perfetamente lineai intrà pian ecuatoriałe cełeste e pian de l'eclìtega: par ła mecànega cełeste sto avegnimento el ocore sporadegamente, o sia cuando che ła Luna, ła cuała òrbita ła ze inclinada de sirca sìncue gradi in confronto a l'eclìtega, ła intèrseca st'ùltema inte un ponto dizesto "nodo". In novilùnio (luna nova), se ła Luna ła ze pozisionada intrà el Sołe e ła Tera inte l'ipotètega intersesion dei du piani, dizesta "ase nodałe" o "lìnea dei nodi", in chel momento sta cuà ła projeta ła so onbria su na parte de ła superfise terestre, da ła cuała, de fato, se vedarà cusita a un'ecrise sołare. Se invese el nodo el ze da ła parte oponesta, se vedarà na ecrise lunare, sta volta, oviamente in plenilùnio (luna inpienia).

Search ballonicon2.svg Par savèrghene de pì, vardarse ła voxe Ecrise.


Tipi de ecrise sołari[canbia | canbia el còdaxe]

Co che Sołe-Tera-Luna i ze perfetamente inlineai, ła Luna ła projeta un precizo e restrenzesto cono de onbria inte ła superfice terestre de l'emisfero esponesto al Sołe drio de na restrenzesta fasa zeogràfega terestre, mentre inte łe àree arenti de l'onbria de ła Luna ła sarà tanto pì estendesta e, tutavia, pì débołe e solché parsiałe, in cueło che el vien comunemente dizesto "cono de penonbria". El ze sto cuà el cazo zenèrego de na ecrise sołare, che ła vien normalmente ciamada sentrałe.

Secuensa de l'ecrise sołare totałe del 1999, vedesta da ła Fransa continentałe

Łe ghe ze de fato, de łe ecrise par łe cuałe i tre astri no i ze perfetamente inlineai, par tanto solché na picenina parte de l'emisfero terestre ła vien oscurada, e senpre e solché dal cono de penonbria, dando cusita orìzene solché a de łe ecrise senpre parsiałi par tuti i ponti de oservasion terestri. El rezultà el ze che łe ecrise "no sentrałi" no łe ze de particułare intarese.

Le ecrise sołari sentrałi invese łe ze tanto studiae, e łe se sudivide, a so volta, in: ecrise sołare totałe, ecrise sołare anułare, ecrise sołare ìbrida.

Notasion[canbia | canbia el còdaxe]

Altri projeti[canbia | canbia el còdaxe]

Linganbi foresti[canbia | canbia el còdaxe]


Controło de autoritàLCCN (ENsh85040739 · GND (DE4181825-8 · NDL (ENJA00568557
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Ecrise_sołare&oldid=1084809"