Crisse solar

Riproduxi el file multimediałe

Simulazion de la crisse total de l'11 de agosto del 1999

Schema de na crisse total de Sol.

Na crisse solar la xe un fenomeno de oscuramento de tuto o de na parte del disco solar de parte de la Luna visto da la Tera che el se verifica durante el novilunio. Se trata de un evento pitosto raro: Sol, Luna, Tera i ga da essar alineai inte sto ordene; questo xe possibile solo quando che la Luna, la orbita de la quala la xe crovada de cinque gradi rispeto a l'eclitica, la interseca sta ultima inte un ponto dito gropo. Quando che el gropo el se cata intra la Tera e el Sol, l'onbra de la Luna la passa inte alguni ponti de la superficie e se assiste a na crisse solar. Se inpè el gropo el se cata da la banda traversa, se ga na crisse lunar.