Cicerbita viołeta
Cicerbita alpina  | |
|---|---|
 | |
| Dati | |
| Fonte de | pianta edibile (it)  |
| Tasonomia | |
| Superregno | Eukaryota |
| Rènjo | Plantae |
| Órdene | Asterales |
| Fameja | Asteraceae |
| Tribù | Cichorieae |
| Zènare | Cicerbita |
| Spece | Cicerbita alpina Wallr., 1822 |
Ła cicerbita viołeta (nome sientifego Cicerbita alpina) xe na piantexeła erbasea de ła fameja de łe Asteraceae na volta dite Compositae, coi fiori de un bel cołor blu - viołeto. Ła trovemo su Alpi e Prealpi, spece inte i boschi umidi o drio i rij e i fosi. In Carnia i ła ciama radic di mont. Łe foje pi base łe xe larghe 8 cm e longhe 20 cm. I fiori i ga 5 petali de cołor viołeto e i xe ingrupà in infioresense.
Etimołogia[canbia | canbia el còdaxe]
Pare ke'l nome vegna dal latin cecer (cece), par via de łe picołe semense, o senpre dal latin cicharba (na pianta ke ghe somejava mensionà dal dotor personal deł'imperador Teodosio, Marcello Empirico de Bordeaux).
Difusion[canbia | canbia el còdaxe]
Ła cicerbita viołeta crese su tute łe montagne d'Europa, dai Pirenei ałe Alpi, da ła Scozia ała Scandinavia, fin ai Carpasi e ai Urałi. Ła quota dove ke ła crese mejo xe intrà i miłe i miłe otoxento metri.
Ła cicerbita viołeta in cuxina[canbia | canbia el còdaxe]
Se dopara i pecol e łe foje, ma soratuto i buti xovani, prima ke i cresa (in majo ghe xe soło un paro de setimane ke se pol sfrutare par tirarli su in tenpo). Se pol magnarli crudi o coti. Se pol meterli sotojo. Naltra maniera par magnarli xe insieme ała puìna fumegà. Se pol anca scotarli in ojo, sałe, axedo e droghe.
Pianta a ris-cio[canbia | canbia el còdaxe]
Sicome ghi na tirà su masa inte i ani scorsi, sta pianta, in Trentin e in Friuli-Venesia Giulia xe proteta e se pol tirarghine su soło in picołe quantità, come ke se fa coi funghi.
Wikimedia Commons el detien imàjini o altri file so Cicerbita viołeta
Wikispecies el detien informasion so Cicerbita viołeta
