Chupito

Da Wikipedia, l'ençiclopedia libara.

El chupito el ze un goto de superalcòłego bevesto "de schina", "de s-ciopo", “one shot” o altre espresion raprezentative. Inte ła variante Chupito rum e pero el xe suito conpagnà da un altro goto (oviamente de dimension picenine), de łe istese dimension, contegnente sugo de fruta (preferìbiłe de armełin o pero, parché pì densi).

Xe opinion comun ma erada inte l'Itàlia che par chupito se intenda "rum e pero", co invese el tèrmano el ìndica un "goto" de superalcòłego. Ła paroła, spagnoła, ła corisponde in sostansa a shot o bonbeta, sparin.

El fin de bévare el sugo de fruta el xe cueło de evitar el bruzor sołitamente provocà dal superalcòłego.

Chupito rum e pero[canbia | canbia el còdaxe]

El tipo de chupito pì difondesto in Itàlia el ze queło de rum e pero. El ze un goto de rum bianco o rum dorà (mai rum invecià) seguio imediatamente da uno de sugo de fruta de peri.

Chupito soło rum[canbia | canbia el còdaxe]

In sto chupito no el xe prexente el sugo de fruta. Se beve un goto de rum dorà (mai rum bianco, masa sponciante). Se el rum e pero el xe tanto difondesto in Itałia, inte i paexi latini cofà Spagna e tanti paexi caraìbeghi el xe pì difondesto el "rum soło". Xe difondesto el costumar de far gare de chupito de soło rum, andove ogni concorente el ga da finir prima de chełi altri un serto nùmaro de goti, limità sibenché no prestabiłio.

Chupito tres rones (tre rum)[canbia | canbia el còdaxe]

In sto caxo i vien bevesti trè chupiti drio fiła. El primo contegnente un rum invecià, el secondo un rum dorà, el terso rum bianco. Ła sucesion dei trè tipi de rum ła fa un crésar de savori che i va dal pì pacà al pì sponciante, in magnera da poder ogni volta sentir l'efeto de l'àlcol.

Goti da chupito[canbia | canbia el còdaxe]

  • Shot clasego: picenin e pexante, el mejo goto da chupito. Inportante che el fondo no el sìpia piato, par far corae pì rapidamente el rum.
  • Shooter: par chupiti smisiai a pì basa gradasion alcòłega.

Pì gradio dal pùblego femenin[Fonte nesesària]

parché servio smisià co suchi de fruta o pre mix. El ze pì capiente del presedente, e ła forma ła vària da ła tipołoxia de goto.
  • Double shot: el ga ła capasità dópia, ma el ze racuanto poco doparà inte i locałi de ła penìzoła itàłega, anca parché el ze na dópia doze alcòłega del contegnuo de un chupito, che variando da łe definision e da l'unità de mexura doparà, el połe variar dai 5 cl ai 10 cl, pì de na doze normałe prevedesta da ła leje italiana, che ła prevede che ła sìpia de 40 g o sia sirca 4 cl.

Altri projeti[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Chupito&oldid=1054219"