Charlie Chaplin

Da Wikipedia, l'ençiclopedia libara.



Infotaula de personaCharlie Chaplin
Nome orizenałe(en) Charles Chaplin Cànbia el vałor in Wikidata
Biografia
Nasimènto(en) Charles Spencer Chaplin Cànbia el vałor in Wikidata
Eror Lua: callParserFunction: function " [[Categoria" was not found.
Walworth (Inghiltera) (it) Traduzi Cànbia el vałor in Wikidata
MòrteEror Lua: callParserFunction: function "

[[Categoria" was not found.

(88 ani)
Manoir de Ban (Svìsara) (en) Traduzi Cànbia el vałor in Wikidata
Càuxa de morteCàuze nadurałi Cànbia el vałor in Wikidata (Emorazia serebrałe Cànbia el vałor in Wikidata)
Liogo de sepełimentoEror Lua: callParserFunction: function " [[Categoria" was not found.
Dati personałi
FormasionEror Lua: callParserFunction: function " [[Categoria" was not found.
Altura163 cm Cànbia el vałor in Wikidata
LaterałizasionSanco Cànbia el vałor in Wikidata
Atività
Posto de laoro Eror Lua: callParserFunction: function " [[Categoria" was not found.
Ocupasion
Eror Lua: callParserFunction: function "

[[Categoria" was not found.

Atività 1899 Cànbia el vałor in Wikidata –  1976 Cànbia el vałor in Wikidata
InprenditorEror Lua: callParserFunction: function " [[Categoria" was not found.
Menbro de
Eror Lua: callParserFunction: function "

[[Categoria" was not found.

Fameja
SpoxaEror Lua: callParserFunction: function " [[Categoria" was not found.
ConviventeEror Lua: callParserFunction: function " [[Categoria" was not found.
Fiołi
ZenitoriCharles Chaplin Cànbia el vałor in Wikidata  e Hannah Chaplin (it) Traduzi Cànbia el vałor in Wikidata
Fradełi
27 de disenbre del 1977funerałe
setenbre 1UTC 1918matrimònio (Los Angeles) Cànbia el vałor in Wikidata
Segno
Cànbia el vałor in Wikidata

Sito webcharliechaplin.com Cànbia el vałor in Wikidata
IMDB: nm0000122


Allocine: 5711

Rottentomatoes: celebrity/771481752


Allmovie: p12334

29141
Metacritic: person/charlie-chaplin
TV.com: people/charles-chaplin

IBDB: 85460


Facebook place: CharlieChaplinOfficial
Twitter: ChaplinOfficial





LinkedIn: charlie-chaplin-official-
Youtube: UCe7sQfrqTHc-hWXdenf7VxQ









Spotify: 6AmG7SNdlV9boPZ7dFVnLY


iTunes: 780751

Musicbrainz: 043eefc9-9d94-4d06-b6f3-93252fa52154
Songkick: 186533
Discogs: 243896











Find a Grave: 1886


Sir Charles Spencer Chaplin Jr. (Łondra, 16 de apriłe 1889Corsier-sur-Vevey, 25 de diçenbre 1977) xe stà un [[ator (spetacoło) |ator]], [[regista |regista]] e [[scenejador |senejiador]] [[Gran Bretagna |britanico]].


Senejator, conposidor, produtor cinematografego de oltre novanta film, el xe sta un dei pì inportanti registi de ła istoria del çinema (in particołar de l'era del film muto) e furse l'ator pì famoxo dai albóri del çinema hoływodian. In xenerał, el pol esar considerà un dei pì grandi artisti del venteximo secoło.

El personajo intorno al quał el ga costruìo łarga parte de łe so senejiadure, e che el ghe ga dà fama universał, el xe sta queo del vagabondo ("The Tramp" in inglexe; "Charlot" in talian, fransexe e spagnoło): on omet da łe bone maniere e ła dignità de on gałantomo, vestìo co na streta jiacheta, co braghe e scarpe pì grandi de ła so mixura, na bonbeta par capeło, on baston da pasejo in banbù, e i carateristeghi bafìti. L'inconfondìbiłe andadura ondesante, ła forte emotività sentimentałe, e el małinconico dixincanto de fronte a ła spietatesa e a łe ingiustisie de ła società moderna, i ne ga fato l'enblema de l'ałienasion umana in particołar de łe clasi sociałi pì emarginà.

Biografia[canbia | canbia el còdaxe]

Ł'infansia i scuminsi de ła cariera[canbia | canbia el còdaxe]

Charles Chaplin el xe nato inte el arousal łondinexe de Walworth, da Charles Chaplin Senior e Hannah Harriette Hill; so pàre el zera on guitto de music hall co on debołe par l'alcol, so màre ła zera na cantante. El matrimonio el xe finìo quando Hannah ła xe sta descoverta a tradir so marìo co on altro cantante del Music Hall, Leo Dryden, che el gavarìa portà a ła nàsita de Wheeler Dryden, fradełastro del cuałe Chaplin el ghe ne vegnarà a conosensa soło tanto pì tardi. Ła separasion ła xe avegnua l'ano dopo ła nàsita de Charles. So pare el ga sercà de tegnere co lù e co ła so convivente sia el picoło Charles che so fradeo Sidney, de quatro ani pì vecio.

El tentativo el xe fałìo e i du putini i xe 'ndà a vivare co ła màre che ła riceveva diexe scełini ła setimana par el mantenimento de tuti du. Par łe precarie condision finansiarie de ła fameja, Charles e el fradełastro Sidney i ga pasà du ani intrà cołegi e istituti par orfani a Lambeth. So pare el xe morto quando Charlie el gaveva dodexe ani e so mare, che ła zera ciapà da turbe mentałi, ła xe sta ricoverà inte on istituto preso Croydon dove ła xe morta inte el 1928.

Ste vicende no łe ga inpedìo al picoło Chaplin de inparar proprio da ła mare l'arte del canto e de ła recitasion. I primi pasi sol palcosenico łi ga mosi insieme a eła zà a l'età de sinque ani. Inte el 1896 durante na recita inte on music hall Hannah la xe sta sonoramente fis-cià e costreta a abandonare el palcosenico; a sostituirla a xe sta mandà in sena el picoło Charlie che el ga otegnù on discreto suceso cantando na canson popołare de l'epoca. Ł'ano dopo, grasie a łe conosenze del pare, el xe entrà a far parte de on corpo de bało in zopełi conposto de oto putini: i Eight Lancashire Lads.

Inte el 1900, a l'età de ondexe ani, el fradeo el xe riusìo a farghe otegner ła parte comica de on gato inte ła pantomima Cinderella, rapresentà a l'ipodromo de Łondra, inte ła cuałe a recitava anca el famoxo clown Marceline. Inte ło steso ano Sidney el se ga inbarcà come tronbetiere, el pexo de ła mare el xe cascà cusì sora łe spałe del picoło Charlie. Nonostante ła bona vołontà, ła vita ła zera estremamente dura, Hannah ła zera adiritura sta ricoverà in ospedałe co na diagnoxi de depresion causà da ła denutrision.

Inte el 1903 Charles el ga avù na parte picinina in Jim, the Romance of a Cockayne grasie a ła cuałe el ga otegnù ła so prima recension favorévołe so ła carta stanpà; da lì a poco el primo ruoło fiso in teatro: queło del striłon Billy in Sherlock Holmes, portà a łongo in tournée. Intanto el fradeo el zera tornà a Łondra e el gaveva scuminsià anca łu a łavorar in teatro. Grasie a ła situasion finansiaria mejorà, i du i xe riusìi a far dimetare Hannah da l'ospedałe, anca se poco tempo dopo na ricaduta ła ne ga determinà l'internamento definitivo.

Inte el 1904, a quindexe ani, Charles el xe sta tra i protagonisti de ła fortunada raprexentasion del Peter Pan de James Matthew Barrie.

El varietà co Fred Karno[canbia | canbia el còdaxe]

Fra el 1906 e el 1907 Chaplin el ga laorà inte Il Circus di Casey, misto de varietà e numeri circensi. Ł'esperiensa ła ghe ga permeso de familiarisare col mondo del Circo e de 'ndar drento inte ła troupe de Fred Karno, anca grasie al fradeło Sidney che zà el ghe laorava. Ła paga ła zera de 3 sterline a setimana e el debuto el xe avegnuo inte el 1906 co Ł'incontro de balon, in cui Charles el interpretava ła parte del cativo che serca de far inbriagare el portiere aversario.

Ben presto el xovane Chaplin el xe diventà, insieme a Stanley Jefferson (mejo conosesto come Stan Laurel) uno dei atori pì apresà de ła conpagnia.

Inte el 1909 a xe scuminsià łe tournée a l'estaro: prima a Parigi e, du ani dopo, inte i Stati Unii. Ł'esperiensa mericana no ła xe sta particołarmente fełice, ciò nonostante ła compagnia ła xe tornà indrìo da oltreoçeano anca l'ano drio e sta volta łe robe łe xe 'ndà diversamente: el suceso el xe sta grande grasie anca al xovane Charles, ormai uno dei ełementi de punta del grupo.

Chaplin el xe sta notà dal produtor Mack Sennett, che inte el novenbre 1913 ło ga meso soto contrato par ła caxa cinematografega Keystone.

Łe prime esperiense cinematografeghe[canbia | canbia el còdaxe]

Co ła Mutual Film (1916)

A xe tacà cusì ła cariera de Charlie Chaplin, el Vagabondo che inte l'arco de sinque ani el ga conquistà on posto d'onor inte ła storia del cinema. A partir dal 1914, quando co ła Keystone el ga esordìo inte el mondo del cinema col curto Making a Living, fin al 1919, ano inte el cuałe el ga fondà ła United Artists Corporation, ła notorietà de Chaplin no ła se ga mai fermà.

Insieme a ła Keystone, inte el 1914, Chaplin el ga recità in trentasinque curti e, concluxo el contrato (1915), in altri quatordexe par ła Essanay. Co cachet adeguà a na popołarità senpre pì grande, Chaplin el xe aprodà a ła Mutual Films, firmando altri dodexe curti.

Inte el 1916 el ga scriturà ła disnovene Edna Purviance faxendosene ła so primadona in ben 35 film intrà el 1916 e el 1923. I du i ga vivesto anca on intenso e travajà łigame afetivo, che el se mantegnù in amicisia anca dopo ła fin de ła pasion (1918) e de ła cariera artistica de eła (acełerà dai ecesi de l'alcol): Chaplin el ga continuà a corispondare co Edna fino a ła so morte, oltre a passarghe na paga sałariałe da atora.

Co ła Mutual Film el ga fato dodexe film inte el periodo 1916-1917 (uno dei più bełi de ła so cariera). Chaplin, no el gaveva oncora trent'ani, el ga recità e direto quaxi sento curti inte l'arco de sinque ani.

Inte el 1918 el ga decixo de metarse in proprio e el xe pasà a ła First National, co cui el ga fato diexe film (fin al 1923). A xe sta proprio ła First National - grasie anca a l'intaresamento del fradeo Sydney, ormai so procurador - a corispondargghe el favołoxo ingajo de on milion de dołari, cachet mai guadagnà prima da on ator.

Inte el 1919 Charlie Chaplin insieme a alcuni cołeghi (fra cui Mary Pickford, Douglas Fairbanks e David Wark Griffith) el ga fondà ła United Artists Corporation. Da ałora in avanti el ga curà da soło ogni faxe de ła so produsion cinematografega, atornià da on grupo de fedełisimi quanto presioxi e conpetenti cołaboradori. A on periodo profesionalmente bon a non ga corispote, parò, na vita privata altretanto serena, ansi el matrimonio forsà co Mildred Harris de sołe dixisete ani el ghe ga procurà serie preocupasion e ła nasita de on putìn malformà e morto pochi dì dopo, no el ga contribuìo serto a risołevare el raporto.

I grandi sucesi[canbia | canbia el còdaxe]

El bocia (1921)

Ła consacrasion come star afermada ła xe avegnua inte el 1921 quando el ga direto e interpretà El bocia, inte el cuałe el ga fato debutar el picoło-grande ator Jackie Coogan che el farà, tanti ani pì tardi, ło "Zio Fester" de ła famoxa serie de tełefilm La fameja Addams.

Dal 1923 al 1952 Chaplin el ga laorà costantemente par ła United Artists, e el ga girà oto film, i pì inportanti de ła so cariera. El primo laoro el xe sta La donna di Parigi inte el 1923, primo film inte el cuałe non el ga figurà come interprete (ritajandose soło na picoła comparsa inte el ruoło de on fachin). El film, anca se apresà da ła critica, no el ga avudo el suceso de publico sperà, ma i capołaori sucessivi invese i ło ga portà drotp inte ła storia del cinema. La febbre dell'oro del 1925 el xe considerà una de łe so opare mejo riusìe. Ła produzione del film sucesivo, Il Circo (1928) ła xe sta parò travajà a cauxa de problemi vegnù fora inte ła so vita privata: proprio in quel periodo el ga divorsià Lita Grey de vint'ani che ła gaveva sposà quatro ani prima.

Benché in uxo dal 1927, El sonoro no 'L GA intAresà Chaplin fin a ła fin dei ani 30.

Nonostante el sonoro el se fuse ormai afermà definitivamente a Hollywood, el ga girà inte el 1931 Luci della città, conpletamente muto e soło acompagnà da ła muxega. A xe intaresante notare come Chaplin el sostituisa, in sto film, ła voxe de łe persone col suono dei strumenti muxegałi, simułando ła voxe, al scuminsio de Luci della città. Inte ło steso ano el ga ricevù ła Łegion d'onore fransexe. Sinque ani dopo el ga girà on altro capołaoro del cinema muto, Tempi moderni.

Inte el 1932 el gaveva conosesto on'atora de vintionano de nome Paulette Goddard, che ła gaveva zà avù qualche esperiensa marginałe inte el cinema in parti picinine. I du i se ga inamorà, e Paulette ła ga recità co Charles in Tempi moderni (1936) e inte Il grande dittatore (1940).

Questo el xe sta el primo film conpletamente sonoro de Chaplin, girà e distribuìo inte i Stati Unii poco prima de l'entrata inte ła guera. Inte el film, Chaplin el interpreta du personaji: Adenoid Hynkel, el ditator de Tomania, esplicitamente ispirào a Adolf Hitler, e on barbiere ebreo perseguità dai nasisti. Dopo ła guera, quando l'internamento e ło sterminio dei Ebrei i xe sta conosui, Chaplin el ga dichiarà che no el gavaria mai reałisà el film se soło el gavesse podesto saver cosa zera drio capitare. El film el ga avudo 2 candidature ai Oscar, come mejo regia e mejo senegiadura, ma no el ga vinto statuete.

Dopo sto film Chaplin el ga interoto ła so atività cinematografega par sirca sete ani.

Inte el 1942 el ga conosesto Oona o'Neil de dixisete ani, el terzo e ultimo dei so grandi amori, che ła xe divenyà so mujer inte el 1946, e da eła el ga avudo oto fiołi, tre nati inte i Stati Unii e sinque in Svisera.

Inte el 1947 a xe vegnù fora on novo film, Monsieur Verdoux ispirà a ła famoxa storia de Henri Landru, so on sojeto di Orson Welles.

El "maccartismo" e el trasferimento in Eoropa[canbia | canbia el còdaxe]

Łe so sinpatie połiteghe no łe xe mai sta da łu mai rivełà esplicitamente. In tanti dei so film el gaveva anałisà ła realtà cupa dei lavoradori, dei poareti e dei emarxinà (Tempi moderni, del 1936, el ne pò esare on ciaro exenpio).

Zà quando ca zera vegnù fora Monsieur Verdoux el zera sta publicamente acuxà de "fiłocomunismo" e inte el 1949 el xe diventà uno dei bersaji del movimento inescà dal senador Joseph McCarthy. Inte el 1951 el ga scuminsià a girar queło che el sarìa sta el so "canto del cigno": Luci della ribalta, trato da on so romanzo Footlights, mai publicà. El xe sta el so ultimo film prodotto a Hollywood, e anca l'unico che el ga interpretà asieme a on altro grande ator del del cinema muto: Buster Keaton.

Inte el 1952, proprio quando Luci della ribalta el 'ndava inte łe sałe, Chaplin el ga łasà i Stati Unii par on viajo n Inghiltera e, avuda notisia che el so rientro in America el sarìa sta meso soto inchiesta, el ga decixo de stabilirse in Eoropa fisando ła so residensa in Svisera.

'Inte el 1957 Chaplin el xe tornà drio ła machina da prexa par girar da novo on film: Un re a New York. El xe sta el so penultimo film, tra l'altro anca l'unico inte el cuało el recita insieme a so fioło Michael. Ł'opara no ła avù on suceso e ła so vena cinematografega ła pareva efetivamente panà. Inte el 1964, dopo sirca on ano de laoro, el ga scrito on'autobiografia (inte ła cuałe a no' ghe xe tracia del film Il circo, che probabilmente el preferiva non ricordare par łe tristi sircostanse inte łe cuałi el xe sta girà). Inte el 1966 el se całà par l'ultima volta inte i pani de regista, par girare La contessa di Hong Kong, el xe sta el so ultimo film, nonché l'unico a cołori, inte el cuałe el ga laorà insieme a do star del cinema mondiałe: Marlon Brando e Sophia Loren.

Grasie a ła so geniałità de conposidor, proprio in quei ani el ga prodoto ła version sonora de alcuni so capołaori: Il circo inte el 1969, Il monello inte el 1971, e infin inte el 1975 la donna di Parigi.

Inte el 1972, fato pace co l'opinion publica americana, el xe ritornà inte i Stati Unii par ritirare el so secondo premio Oscar, stavolta a ła cariera, a łù asegnà par "aver fato de łe imagini in movimento na forma d'arte del Ventecimo secoło".

El 4 de marso 1975, dopo pareci ani de bando vołontario dal su Paexe d'orixine, Chaplin el xe sta nominà Cavaliere de So Maestà da ła reina Elisabeta II d'Inghiltera. Ł'onorificensa ła ghe zera zà sta proposta inte el 1956, ma - in piena guera freda - no ła zera sta concesa par el veto inposto da l'Uficio straniero britanico senpre a cauxa de łe prexunte sinpatie połiteghe de Chaplin.

Ła sconparsa[canbia | canbia el còdaxe]

Charles Chaplin el xe morto a Corsier-sur-Vevey, (Vevey), in Svisera, ła note de Nadałe del 1977 e łì el xe sepełìo. Du mexi dopo ła so morte, el 1° marzo 1978, el so corpo el xe sta trafugà inte on tentativo de estorsion ai dani dei so familiari. El piano tutavia el xe fałìo; i malviventi i xe sta caturai e el corpo sucesivamente recuperà inte i presi del łago de Ginevra.

On film biografego su Chaplin - Charlot - el xe sta girà inte el 1992 dal regista Richard Attenborough, interpretà da Robert Downey Jr. (inte el ruoło de Chaplin), Dan Aykroyd, Geraldine Chaplin (fioła de Charlie), Anthony Hopkins, Milla Jovovich, Moira Kelly, Kevin Kline, Diane Lane, Penelope Ann Miller, Paul Rhys, Marisa Tomei, Nancy Travis e James Woods.

Filmografia[canbia | canbia el còdaxe]

Ator[canbia | canbia el còdaxe]

Keystone[canbia | canbia el còdaxe]

Essanay[canbia | canbia el còdaxe]

Mutual[canbia | canbia el còdaxe]

First national[canbia | canbia el còdaxe]

United Artist[canbia | canbia el còdaxe]

Produsion britanica[canbia | canbia el còdaxe]

Regista[canbia | canbia el còdaxe]

Keystone[canbia | canbia el còdaxe]

Essanay[canbia | canbia el còdaxe]

Mutual[canbia | canbia el còdaxe]

First National[canbia | canbia el còdaxe]

United Artists[canbia | canbia el còdaxe]

Produsion britanica[canbia | canbia el còdaxe]

(*) - Ofisialmente atribuio a Mabel Normand, Chaplin no el ga mai riconosesto apertamente l'opara. (**) - Opara non aprovà da Chaplin, contro ła cui vołontà ła Essanay (cità co insuceso in giudisio) ła ga portà da du a quatro ròdołi co l'inserimento de sene adisionałi direte da Leo White.

Senejador[canbia | canbia el còdaxe]

Produtor[canbia | canbia el còdaxe]

Conposidor[canbia | canbia el còdaxe]

Film de montajo[canbia | canbia el còdaxe]

Note[canbia | canbia el còdaxe]


Bibliografia[canbia | canbia el còdaxe]

  • Charlie Chaplin, My Trip Abroad, New York 1922
  • Eisenstein, Bleiman, Kosinzev, Iutkevič, La figura e l'arte di Charlie Chaplin, Turìn 1949
  • Georges Sadoul, Vita di Charlot, Torino 1952
  • Glauco Viazzi, Chaplin e la critica, Bari 1955
  • Charlie Chaplin, La mia autobiografia , Miłan 1964
  • Giorgio Cremonini, Charles Chaplin, Firense 1977
  • Frederick Sands, Charlie e Oona Chaplin, Varexe 1980
  • Guido Oldrini, Il realismo di Chaplin, Bari 1981
  • Carlo Tagliabue, Charlie Chaplin, un cinema par l'uomo, Roma 1981
  • David Robinson, Chaplin, la vita e l'arte, Venesia 1987
  • Jerry Epstein, Charlie Chaplin, ritratto inedito di un poeta vagabondo, Roma, 1992
  • David Robinson, Chaplin, un uomo chiamato Charlot, Trieste 1995
  • Camillo Moscati, Charlie Chaplin, il grande dittatore, Genoa 2001
  • Christian Delage-Cecilia Cenciarelli, Modern Times, Bołogna 2004
  • Sergej M. Ejzenstejn, Charlie Chaplin, Milano 2005
  • Kevin Brownlow, Alla ricerca di Charlie Chaplin, Bologna 2005

Altri projeti[canbia | canbia el còdaxe]


Łigamenti foresti[canbia | canbia el còdaxe]


Controło de autoritàVIAF (EN14767533 · ISNI (EN0000 0001 2121 3863 · El vałore CUBV039362 de SBN no el xe mija bon. · LCCN (ENn79126907 · GND (DE118520113 · BNF (FRcb11896068m (data) · BNE (ESXX875586 (data) · ULAN (EN500330917 · NLA (EN35833702 · NDL (ENJA00435709 · WorldCat Identities (ENn79-126907


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Charlie_Chaplin&oldid=1157244"