Ceza de San Juzepe (Chies)

	Ceza de San Juzepe
	La ceza e łe caze del paeze
Epònemo	Juzepe de Nazaret
Dati
Sorte	Ceza
Costrusion	1903
Dedicà a	Juzepe de Nazaret
Pozision
Stato	ITA
	Chies d'Alpago
	46°09′54.85″N 12°23′32.54″E
Atività
Diòseze	diòseze de Bełun-Feltre
Rełijon	catołicismo

La ceza de San Juzepe ła ze ła parochiale de Chies, in provincia de Bełun e diòseze de Bełun-Feltre; ła ze parte de ła converzensa foraniałe 2.

Istòrego

La prima mension de na picenina saceła a Chies dedegà a San Juzepe el ze da sercar inte ła relasion de ła vìzita pastorałe del 1577; sta cuà ła ze sta sostituia da na ceza vera e pròpia verso el finir del XVI secolo. Da un documento del 1637 se sente che l'edifegà el zera racuanto sénplego, na soła navada, co pavimento e controsofito in legno, co un ùgnoło altare inbełio da na pala co sojeto ła Madona intrà i Santi Juzepe, Fełice e Margarita. Par via del cresimento de ła popolasion, inte el 1644 ła ceza ła zera stada re.edìfegada co pì grande dimension.

Verso ła metà del XVIII secolo se ga avesto el isteso problema e inte el 1743 se ga delibarà de re-farla conpletamente; i lavori i zera finii inte el 1770 e l'ano drioman ła ze sta erezesta a curasia. L'edifegà el zera sta gravamente danejà dal teramoto del 1873 e se ga fato nesesàrio un difìsiłe lavoro de restruturamento; ła ze sta declarada de novo azìbile inte el 1877. Calche ano dopo, pì de precizo inte el 1882, parò, ła ceza ła se ga mostrà èsar poco stàbiłe par via de na frana. L'atuałe parochiałe ła ze sta costruita inte el 1903 e consacrada inte l'isteso ano; inte el 1949 ła zera stada fata devegner parochiałe.^[1]

Descrision

La faciada ła prezenta do lezene ai fianchi, un tìnpano co spiovinti bastansa in rilievo, na làpide sora del portałe co scrivesto: "Ecclesiam, DOM in honorem Deiparae Sponsi dicatam, ruina dirutam, patrum pietas ex integro condidit anno MCMIII" e do nìce co altretante stàtue in stiło baroco, che łe podaria èsar reconduzeste al scultore Alvize Tajapiera, che el ghea operà intrà Friułi e Vèneto a cavało dei sècoli XVII e XVIII.^[1]

L'òpara d'arte pì inportante conservada inte l'interior de ła ceza el ze l'altare laterale de drita, fato dal venesian Antònio Ermolao Paołeti inte el 1866 par voler de Valentin Chiezura.^[2]

Notasion

↑ ^1,0 ^1,1 Vizzutti, op. cit., p. 126-127.
↑ Chiesa di San Giuseppeinfodolomiti.it. entrada il 1º settembre 2019.

Altri projeti

Wikimedia Commons el detien imàjini o altri file so Ceza de San Juzepe (Chies)
Scholia el detien schemi gràfeghi so Ceza de San Juzepe (Chies)

Linganbi foresti

[Vizzutti-1] 1,0 ^1,1 Vizzutti, op. cit., p. 126-127.

[2] Chiesa di San Giuseppeinfodolomiti.it. entrada il 1º settembre 2019.

[1]

[2]