Salta al contegnùo

Cesare Colonnese

Xonta lingambo
Pending
Da Wikipedia, l'ençiclopedia libara.


Cesare Colonnese el nase a Trento el 22 Otobre de'l 1963. El pasa i só primi ani in 'sta sità ma po' co ła só famegia el se spostarà ndando a viver a Venesia.

Co'l riva a Venesia el gà sincue ani. Ze cuà che'l taca aver ła só vita cresendo e avendo i só amighi, só fradeło de nome Leonardo più grando de łu de un ano, avendo cusì na infansia sénplise e fełise. El frecuenta scołe d'obligo e superiori. No'l gaveva pasion par le materie tecniche. Ła pasion ła ghe riva cuando darente a Diego Della Palma el scoverze de aver la pasion par el truco (dito anca Make up da l'ingleze).

Cesare el ga un caratere da'l tenperamento 'verto e afàbiłe e cusì el se incorze che ła só vena ła ze creativa. Cusì ben presto el deventa ła spała de 'sto famoxo "vizagista de łe dive famoze" e el pasa calche ano a darghe consegi su come uzar el truco inte i sałoni de bełesa e inte łe profumarìe. Sucesivamente el łaora anca inte'l sinema, co atori de suceso. El se incontra co atori famozi, cantanti e zornałisti cofà par ezenpio : Stefano Accorsi, Bruce Willis, Pupo, Rosanna Cancellieri, Ornella Vanoni.

Ma come caratarìstega de tanti artisti Cesare no'l se sente oncora conpleto e cusì un dì el resita un monołogo e tuto co na spontaneità e na espresion so'l volto che subito ła ghe permete de otenjir un gran suceso. El intra in sena scuazi par zogo ma cueła spontaneità e cueła naturałesa che ła ło desferensia ghe da rapidamente un gran suceso e el pùblego de frecuente a i só spetacołi el responde senpre prezente.

A volte, co'l resita, el ze pien de sarcazmo, ma anca ironico e otimista de i nùmarozi problemi che ga ła sità łagunar. El raprezenta i "tipi de venesiani" de ancùo co i só tic e łe só manìe che i vien proposti in divertenti monołoghi par ezenpio inte'l spetàcoło "Dove ti xe?" in cui vien raprezentà na sureałe conversasion a'l tełefonìn, spetacoło divizo in do ati. Intervistà anca inte ła Rubrica "Settimanale" de'l tełezornal regional de'l Veneto, el ga espreso che'l ama resitar contando de'l só sentimento par Venesia, el modo de viver che ga i venesiani e i nùmarozi canbiamenti che ga subìo o che subìse 'sta sità. Da recordar ła só conparsa in ocazion de'l finto "funeràl" (14 novenbre 2009) par la spopołasion de Venesia organizà dai amighi de'l sito Venessia.com da senpre atento a łe problemàteghe de ła sità łagunar.

El rezvegio de'l doze

[canbia | canbia el còdaxe]

Daspò el funeral de ła sità de Venesia, avenimento provocatorio inte i confronti de ła situasion atual de ła sità el spopołamento in primis, e altre trovàe spiritoze, el 17 de Novenbre 2012 Cesare el interpreta vestìo da Doze propio st'ùltemo che rezvegiandose dopo secołi el se incorze de come Venesia ła sia canbiada e el taca un łongo discorso so i problemi che sta sità ła gà e durante 'sto intervento ze prezenti un mucio de sitadini tanti d'acordo co łe parołe dite da 'sto ator. El fìn de 'sto só intervento el ze stà aponto cueło de darghe na descantada a tuto l'anbiente che'l sia sitadin opur połitico che'l stà a cao de ła sità.

Siti da vardar

[canbia | canbia el còdaxe]
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Cesare_Colonnese&oldid=1222764"