Caxa Foscari Mocenigo
Caxa Foscari Mocenigo | ||
| ||
| Dati | ||
|---|---|---|
| Sorte | Pałaso  | |
| Pozision | ||
| Rejon aministrativa | Venèsia (Itàlia) | |
| ||
|
| ||
.jpg)
Caza Foscari Mocenigo el ze un edifisio venesian situà inte'l sestier de Casteło.
Storia[canbia | canbia el còdaxe]
El ze stà scominsià inte'l 1407 soto un tal Andrea Foscari, abate de l'Abasia de Pomposa, situada aComacchio. Drioman ła ga subìo rimanezamenti inte'l XVI e inte'l XVII sècoło. El ze pasà inte'l 1491 dai Foscari ai Mocenigo co łe nose intrà Pellegrina Foscari e Alvise Mocenigo dalle Zogie, che'l ze deventà in 'sto modo propietario anca de tute łe altre caze afasàe so la cale.[1][2]
Architetura[canbia | canbia el còdaxe]
El ze l'edifiso de testa de un conpleso de ventisie caza afasàe so ła Całe de'l Paradizo, sita a San Lio e culminàe inte'l Ponte de'l Paradizo. Retenjùo uno dei pì grasiozi ezenpi de edifisio recante barbacani łinjei , el prezenta in fasada un antigo inpianto veneto-bizantin, deznaturà da intarventi fazesti drioman dovùi a ła nesesità de adatar l'edifisio a łe nove nesesità. La fasada prensipałe ła se dezviłupa so cuatro łevełi : el pepian (pian tera) el prezenta un portałe ad acua infleso, afine ai stiłemi de l'architetura bizantina, el mezanin picołe monofore, el pian nòbiłe na trifora bizantina (daspò trasformada in cuadrifora mediante ła zonta de un arco renasimentałe) e do monofore e cueło suparior na bifora e do monofore.
Ła fasada łaterałe ła ze traforada da do trifore, l'una gòtega e l'altra renasimentałe. A łe do stremità de ła całe A se cata do archi che, un tenpo, i vołeva sinjifegar el poseso dei stàbiłi so entranbi i ładi de ła via. El pì beło e mazéngo el ze cueło so'l ponte verso Canpo Santa Maria Formoza, recante so'l łado de'l rio na madona afiancada da devoti in preghiera e so cueło de ła całe i stemi de entranbe łe famegie.[3]
Notasion[canbia | canbia el còdaxe]
- ↑ Stefani-Odorici, op. cit. .
- ↑ Brusegan, op. cit., p. 170 .
- ↑ Arco del Paradiso Archivià il 6 marzo 2014 Data inte l'URL no conbazante: 6 de marso 2014 in Internet Archive. .
Bibliografia[canbia | canbia el còdaxe]
- Marcello Brusegan, I Palazzi di Venezia, Roma, Newton & Compton, 2007, ISBN 978-88-541-0820-2.
- Federigo Stefani e Federico Odorici, Tavola VIII, in Pompeo Litta (curà da), Famiglie celebri d’Italia. Mocenigo di Venezia, Ed. Luciano Basadonna, 1868 - 1872.
Linganbi foresti[canbia | canbia el còdaxe]
- Mappa interattiva del Palazzetto Foscari Mocenigowikimapia.org.