Cavajon

Da Wikipedia, l'ençiclopedia libara.

El cavajon xe un mucio de formento o simil pianta sistemà in modo particołar a l'aria, co xe ora de ła séxoła. A olte co na covertura de sora, par łasar posìbiłe l'esicasion. El łema podaria derivar da "cavo", visto che el faso saria rancurà su parmatendo ła ventiłasion, opure parchè ste struture łe gera alte pi de i cavałi.

Col fen secà sol canpo, col rastełon se fa ła parte sircołar ciamà fegna tuto torno a un pało alto. Se ghe łiga el fen e se va su tuto torno formando un teto spiovente, contro ła piova che no ła ga da penetrar drento.

Jeneralmente a se porta in corte el formento par farghine el cavajon e po cargare el fen. Tuto el sistema el xe disposto pa favorir ła ventilasion. I fasi i vien łigà par èsar mesi inte łe croxete sol canpo e poi portà sul séłexe, indove che se scumisia col métare par tera e i fasi creando na baxe beła granda, ndando su anca quindexe, vinti metri. Co la trebia xe pronta in corte, el cavajon se desfa da l’alto coi forconi e se trebia tuto.

Co gera ora de sexołar a se fasea tuto a man, al di de ancuo invese i mexi mecàneghi e tecnològici juta el proceso, par cui cavajoni e pajari ga perso ła inportansa tècnica e sociałe de un tenpo.

Toponomàstega[canbia | canbia el còdaxe]

Visin Verona ghe xe un paexe che se ciama Cavajon.

Cavajon foresto.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Cavajon&oldid=951921"