Cattive Abitudini

Cattive Abitudini
Atività
Atività	2004 - 2012
Zènare	Punk
Àlbun	4
Àlbun stùdio	4
Repertòrio
	Punk-Rock
	; ; ; ; ; ; ;

Łe Cattive Abitudini xe un grupo muxicałe italian, nato dopo che se gà sfantà el grupo Peter Punk.

Storia del grupo[canbia | canbia el còdaxe]

Tre quarti del grupo precedente (basista, chitarista e baterista) gavea decixo de tacare un nòvo progeto łigà senpre al xenere che xa i sonava, l'energico punk rock cantà in itałian, che inte i ultimi ani xe stà un mucio in vista.

Dopo nove ani de Peter Punk e tre dischi publicà co ospiti famoxi (tra cui spica PupPul dei Ska-P) vendendo in tuto un puoco de più de 20 000 copie, dopo aver partesipà co frequensa a łe trasmision de Videomusic, All Music e Rock TV (tra cui tre partecipasion a łe Rock Tv Night al Rolling Stones de Miłan) e dopo aver fato sìrca sento concerti tra Itàlia e Svisera co na bona prexensa de spetadori, el grupo se tramexa e 'va vanti a sonare ciamandose co un altro nome.

Dopo aver fato qualche concerto de scaldada el grupo registra el disco d'exordio Tutto fa parte di noi soto l'eticheta indiebox, albun conposto da 17 canson squaxi tute simiłi al stiłe che gà rexo i Peter Punk orixinałi e conosùi in Itałia, ma co ła xonta de na forte prónta personałe. Inte el 2006 xe usìo el segondo laoro, dal titoło Il meglio del peggio.

Dopo alcuni problemi drento el grupo dovùi a l'insìda de Stefano che po' xe rientrà, se asiste a un canbio de formasion: Ettore pasa a ła segonda chitara e Michele (novo intrà) ciapa el so posto al baso. I raporti infra i ex Peter Punk (Ettore, Stefano Nicola) e Nicolò (ex voxe del grupo) se gavea stabiłixà e el grupo decide de far un ungnòło concerto reunion, cussì soło par divertirse. Sta riunion se tien el 13 setenbre 2008 a Meoło. Inte el parchegio de ła stasion feroviaria, in ocaxion del Sektember Fest promoso da l'asociasion culturałe "Gruppo Ombra", el 17 otobre 2008 ese Cosa sei disposto a perdere, insieme al videoclip de ła canson La stessa storia.

El 22 Febraro 2011 ese el so quarto disco intitołà Gemini I. Ne ła segonda parte del 2011, el baterista, Nicola Brugnaro, łasa el grupo. Sto intravegnimento segna un momento de fermàda par el grupo fìn a quando a Marso 2012 tre dei conponenti del grupo,Ettore Montagner,Michele Angriman e Nicola Brugnaro registra na demo de quatro tràse soto el nome de un nòvo grupo "Incenere",łe tràse se podarà in ùltima scoltàr a fìn Avrìłe 2012.

I conponenti de ła Cattive Abitudini gà pì volte partesipà a canson de altri grupi cofà Duracel, Antefatti e Why Not Loser. Co i Antefatti i gà fato ła canson Sabato alcolico', co i Duracel i gaveva creà na canson dedicà al xornałista Germano Mosconi, famoxo pa'łe besteme fora onda; infìn coi Why Not Loser i gà cołaborà par la canson Non cambierà.