Castel del Monte

Da Wikipedia, l'ençiclopedia libara.
Flag of UNESCO.svg Ben protexesto da l'UNESCO
Castel del Monte
Castel del Monte - front view.jpg
Tipołoxiaarchitetònego
CriteroC (i) (ii) (iii)
Ano1996
Linganboinglexe
fransexe


Castel del Monte el xe un casteło del XIII secoło che el se trova inte el teritorio comunałe de Andria, in Puia. El xe sta costruio par vołontà de Federico II, inperador del Sacro Romano Inpero.

Istòria[canbia | canbia el còdaxe]

El 29 de genaro 1240 Federico II Hoenstaufen el ghe ordina a Riccardo de Montefuscolo, Giustisiere de Capitanata, de predispore i materiałi neçesari pa costruir un casteło arénte ła Ceza de Sancta Maria de Monte. Nó tuti i studioxi açeta sta data: secondo çerti in cheła data i jera xa rivai al coèrto. D'ogni modo pare che el sia sta costruio su łe roìne de na preçedente fortesa normana.

El casteło el xe servio soratuto cofà prexon e par controłare el teritorio, de raro el vegneva uxà par de łe feste.

Dal secoło XVIII, restà incustodio, el xe sta spojà de i màrmari e de i aredi, e el xe diventà refugio de pastori e briganti. Inte el 1876 el xe sta cronpà dal stato itałian (par 25 000 £) che ło ga restaurà.

Inte el 1996 el UNESCO ło ga inserio inte ła lista de i Patrimoni del Umanidà.

Descrision[canbia | canbia el còdaxe]

Ła strutura del casteło ła consiste in un monumentałe bloco de forma otagonałe. Inte i oto spigołi ghe xe oto tori senpre otagonałi. Drento ghe xe un cortivo (anca cueło otagonałe).

Uxo de ła imaxene del casteło[canbia | canbia el còdaxe]

Ła imaxene del casteło ła xe sta uxà inte i francobołi e inte łe monede del stato itałian. Atualmente ła xe prexente inte ła moneda da un çenteximo de euro.

Controło de autoritàVIAF (EN128210009 · LCCN (ENsh85020663 · GND (DE4009565-4 · BNF (FRcb122705803 (data) · WorldCat Identities (EN128210009
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Castel_del_Monte&oldid=1013883"