Capeła de Sant'Antònio da Pàdoa
 Capeła de Sant'Antonio da Pàdoa | |
| Dati | |
|---|---|
| Sorte | Cappella (it)   |
| Costrusion | 1791 |
| Pozision | |
| Stato | ITA |
| Cortina | |
| Pozision | Chiave (it) |
| |
| Atività | |
| Diòseze | diòseze de Bełun-Feltre |
| Rełijon | catołicismo |
|
| |
La Capeła de Sant'Antonio da Pàdoa ła ze na cezeta sita inte el viłajo de Ciave inte el comun de Cortina, in provincia de Bełun e diòseze de Bełun.
Descrision
[canbia | canbia el còdaxe]Esterno
[canbia | canbia el còdaxe]A l'esterno ła capeła se prezenta cofà che un edifegà senplice, in stiłe clàsego e col cuerto a capana sormontà da un picenin canpaniłe in legno co finistroni a tuto sesto e cuerto a sioła. So ła faciada prinsipale el ze situà un fresco dipinzesto inte i ani trenta del novezento raprezentante Sant'Antònio co inbraso el Putelo. Inte ła ceła canpanària łe ga sede do canpane.
Interno
[canbia | canbia el còdaxe]La ceza ła se confà in na ùnzoła navada e inte ła sacrestia, a ła cuala se entra par mezo de na porta a ła drita de chi che entra. L'altare major el ze in stiłe baroco e el detien na pała raprezentante Sant'Antonio col Putelo, òpara del pitore anpesan Juzepe Lacedelli (1774-1832). L'altare laterałe el ze invese na prejévołe òpara in legno che ła zera stada cronpada a Oberasen in Pusteria inte el 1841 e vegnesto fora probabiłemente da na botega furlana del XVII secolo. A łe parete łe ze poneste in grande jósołe do stàtue antighe: ła prima (a sanca par chi che entra) raprezenta l'Omo dei Dołori, e ła seconda Santa Catina da Siena. Inte el presbitèrio i ze ponesti do cuadri, l'uno prezentante el Cristo e l'altro Sant'Ana, anbedó vegnenti dal XVII-XVIII secolo. Sora de l'ingreso se ghe cata in pì un dipinzesto figurante San Joani Evanzełista, provegnente probabiłmente da ła ceza de Santa Catarina. La granda croze de mareperla de ła nìcia a drita ła zera stada invese cronpada da Enrico Gaspari Becheréto a Jeruzałeme e donada a ła capeła in memoria de ła mare Roza.
Stòria
[canbia | canbia el còdaxe]L'ato de fondasion de ła capeła el riva dal 26 de marzo 1791, co che vinti confradełi i ghea decidesto de costruir e mantegnere na ceza in onor de Sant'Antònio. La costrusion de l'edifegà ła ze sta ultemada in poco tenpo, ma inte el 1809 łe trupe napoleòneghe de pasajo inte l'Anpesan łe ghea insedià l'intiero abità de Ciave, desfando anca ła capeła, che ła ze sta parò re-edìfegata. Inte el 1933 ła ze sta sotoponesta a un profondio restauramento, cofà che ne recorda na epìgrafa ponesta inte l'interior sora el porton d'ingreso.
Bibliografia
[canbia | canbia el còdaxe]- AA.VV., Pietre Vive, Cortina d'Ampezzo, Edizioni La Cooperativa di Cortina, 2011.
- Morena Arnoldo, Bondì Cortina, Cortina d'Ampezzo, Edizioni Print House Cortina, 2000.
- Giuseppe Richebuono, Storia d'Ampezzo, Crocetta del Montello, Edizioni La Cooperativa di Cortina, 2008.
Notasion
[canbia | canbia el còdaxe]Altri projeti
[canbia | canbia el còdaxe]
el detien schemi gràfeghi so
