Canson popołar venesiana

Col termine canson venesiana se identifega i canti popołari orixinałi de Venesia. Sto tipo de conposision taca a diramarse inte el Setesento, secoło a partir dal cuałe xe stà tanto popołar.

A Venesia tanto difondesto xe 'l strambotto ciamà localmente villotta, che gà la carateristega de esar monostrofico e a tema amoroxo. El deriva, xeneralmente, da antighi canti de viaxo e de navigasion, come che intesta i titołi più noti: Belo lo mar e bela la marina. A navegar ghe vol na bela barca. Nona mia son barcherolo.

La canson venesiana più conosùa xe in ùltima "La Biondina in gondołeta", muxicà da Joahn Simon Mayr (1763-1845 su testo de Anton Maria Lamberti (1757-1832), in onor de na nobildona venesiana - Marina Querini Benzon - famoxa par ła so vita sentimental asé tumultuoxa.

Sto motivo xe el più clasico exenpio de de canson da batelo, overosìpia na conpoxision concepìa propio par intrategnir i partesipanti a spasixàe in barca, cussì dite freschi, tanto de moda inte el Setesento. Łe canson gera conponeste sia da anonemi diłetanti sia da çełebri autori che ghe tegniva a l'anonemà. Vegniva sonàe sołitamente de nòte, su barche decoràe co bałonçini cołorài, inte el momento inte el cuało el popoło se despartiva sora ła łaguna na volta che ła festa gera finìa. Tra i titołi se ricorda: Premi o stali Par gòder łe tartane.

Ancora ancùo ste canson xe sonàe par intrategnir i turisti durante l'abitual spasixada in gondoła.

Inte el Otosento ła tradision de sto xenere musicałe 'ndava 'vanti a esar coltivà: resta numerosisime conposixion de vari autori cofà Antonio Buzzolla e Filippo Filippi.

A Venesia, in quałunque caxo, tute łe ocaxion par sparpagnar canti e canson xe storegamente e tradisionalmente bone, come che intesta łe łonghe gòrghe dei mandòpera che inpiantava i pałi inte ła łaguna, inportanti anca par sincronixar i movimenti de grupo.

Canson Venesiane Famoxe

I testi de łe canson xe in venesian dove non diversamente indicà :

Johann Adolf Hasse Cosa ze sta cossa No sté a condanarme Si la gondola averé, no crié Johann Simon Mayr Chi dice mal d'amore (testo in itałian) Chi vive senza pene (testo itałian) Donne l'amore (testo itałian) El sofà Ła biondina in gondołeta La mia Bettina Mi co te vedo sento Non mi sprezzar (testo in itałian) Oh, come scorrono (testo in itałian) Par carità Bettina Par ti Nina Perché si mesto (testo in itałian) Se posso spirare (testo in itałian) Sentì mie care donne Si xe verissimo Franco Faccio El dubio

Conpoxidori anonemi Cara la mia ninetta Chi no ga ła borsa grossa Co Checca, Betta e Catte Contrasto intrà el barcariol e ła camariera Diseme pur bałordo Do parołete al dì Far della bocca un sacco' L'occasion de le mie pene Łe gatorigołe Me briła el cuor Mi credeva d'essar soła Nina, no so che farve No disè che sia incostante Puttello una volta Quei oci me fa guera Premia via, premi o stałi Sento che el cuor me manca Seu stuffa mia patrona Sopra il toppè Tanti dise o col'è bella Toco Beta, mi son in ti Tutte ste putte la gà co mi Una putta manierosa Xe finio el mondo Za che semo qua a sta toła

Discografia esensiałe

• La biondina in gondoleta, canzoni venete d'autore - Phoenix PH97318
• Folksongs - DG 463479-2

Siti da vardàr

• Sito de Luisa Ronchini
• El Codega - una luce par la canzone popolare e dialettale di Venezia - i Cantori de Buran Archivià il 22 de aprile 2015 in Internet Archive.

• Sito so' ła canson popołàr e diałetal Archivià il 17 de marso 2012 in Internet Archive.

• E MI ME NE SO 'NDAO (Peregrinazioni lagunari)
• Le 40 canzonette - Canson Popołar Venesiana
• Sito de ła Canson Venesiana (ligo ronpesto dispunìbiłe in Internet Archive; védarse el istòrego, la prima version e ła ùltema).

• Grupo so Facebook "LA CANZONE VENEZIANA"
• Video de You Tube so ła pagina de Google.

Altri progeti

• el detien schemi gràfeghi so