Canpo dei Gexuiti

Da Wikipedia, l'ençiclopedia libara.


Canpo dei Gexuiti xe un canpo de Venesia, situà inte el sestièr de Canaregio, visin a ła Saca de ła Misericordia e a łe Fondamenta Nove.

Descrision[canbia | canbia el còdaxe]

El canpo raprexentà dal Canaletto 'nntel XVIII secoło

Ła forma del canpo xe queła de un retangoło sviłupà in longhésa da sud a nord, dove se verxe so łe Fondamenta Nove.

El canpo deve el so nome a ła storica prexensa del conpleso dei Gesuiti, che ghe ne ocupa tuta ła banda oriental, co ła bianca fasàda baroca de ła Céxa dei Gexuiti e el rełatìvo monastièr, da ła longa fasàda so tre livèłi.

So'l lai osidentàl danansi a ła Ceza se łeva de łe caxe popołari dai tipici intonaci połicromi, davanti al monastièr un inportante pałaso apartegnùo a na nòbiłe caxàda del patrisià venesian, Pałaso Zen. 'Rente al pałaso e cołegà a sto ultimo ghe xe l'Oratorio dei Crociferi, che al so interno varda caolaori de Palma Il Giovane.

Danansi al conpleso monasteriàl va segnałà ła prexensa de un vecio póso in pièra, che se puxa so tre scałìni de forma exagonal, xe prexente inte el Setesento, come che testimonia na teła del Canaletto.

L'insìda a sud del canpo xe posìbiłe atraverso un ponte che moła de indresàrse (istradàrse) verso ła Strada Nova.

Voxe łigàe[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Canpo_dei_Gexuiti&oldid=1013838"