Céxa de San Xacaria

Da Wikipedia, l'ençiclopedia libara.
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Céxa de San Zacaria
Jump to navigation Jump to search
Céxa de San Xacaria
Chiesa di San Zaccaria Venezia.jpg
RełijonCattolica
DiocexiPatriarcà de Venesia
Stiłe architetonegoRinasimental
Poxision
45°26′05″N 12°20′36″E / 45.434722°N 12.343333°E45.434722; 12.343333Coordinae: 45°26′05″N 12°20′36″E / 45.434722°N 12.343333°E45.434722; 12.343333


Ła céxa de San Xacaria xe un edificio lerigioxo deła sità de Venesia, situà 'ntel sestièr de Castèło, 'rente el canpo che da staltra ciapa 'l nome.

Storia[canbia | canbia el còdaxe]

Céxa antighisima risałente al IX secoło, a l'orìxene de ła sità, xe stà liógo un mucio łigà a ła storia arcaica de Venesia.

Ła céxa de San Zacaria se cata 'ntel sentro de Venesia, visin de Piasa San Marco e a Pałaso Dogal.

El primo edificio xe stà costruìo 'ntel IX sec., par riséver i resti del pare de San Giovanni Battista che gera stài slarghixài da l'inperadór bixantin Leone V ała sità de Venesia par raforsarghene l'amicìsia.

I doxi Angelo e Giustiniano Partecipazio fa xontar un monastièr de Benedetine, che xe stà caxamentà 'naltra volta soto el doxe Orso I Partecipazio, dała badésa Giovanna che gera ła fia. 'Nte l'ano 1105 un teribiłe incendio l'a desfà, insieme ała céxa, e se conta che più de çento sore gera morte sfisiàe scondendose 'ntel soteraneo ancora ancùo existente desóto l'altèr maxor.

Ła cripta

In sto convento gà trovà ospitałità Papa Benedetto III 'nte l'ano 855 co'l gera in scanpàda da ła viołensa descaenada da l'antipapa Anastasio. Par riconosénsa ałe sòre benedetine el pontefice slarghixa un mucio de rełichie e se fisa ła consuetudine che 'ntel xorno 13 de setenbre, aniversario de ła consacrasion de ła céxa, el doxe vaga co' ła signoria a farghe vixita a sta céxa.

El monastièr riçeveva łe donxèłe de łe più riche e nobiłi famegie venesiane: tanti xe i raconti su ła vita che se tegniva in sto lógo, feste e divertimenti no mancava par ste xóvene sòre che gaveva strasformà el so parlatoio in un ełegànte sałòto, mèda de concerti e spetacołi vari, co' un continuo pełegrinagio de xovani cavałieri mascarài.

Dal brolo de łe mùneghe de San Xacaria deriva ła moderna espresion itałiana de broglio, in quanto ancora 'nteła tardóxa Republica de Venesia co' tałe nome gera ricordà 'na banda de ła piaseta antistante el Pałaso Dogal neła quała gera uxi riunirse i ''Barnabotti'', menbri de ła nobilità profligada, par metar in vendita el proprio voto 'ntel Major Consejo.

Descrisión[canbia | canbia el còdaxe]

Céxa de San Xacaria, 1770-1775,Francesco Guardi, Muxeo del Louvre Parigi

La céxa atual xe òpara quatrosentesca de Mauro Codussi, a tre navàe, co' vòlta a croxera, prexenta 'na fasada tripartìa da cołone binàe e 'verta da numeroxe fenèstre, in nùmaro decresente dal basso verso l'alto, sorastàe dal grando tìnpano ad arco sormontà da ła statua de San Zacaria. Łe òpare de decorasion in pièra xe dovùe a Antonio Gambello e Luca Taiamonte.

Al so interno łe sepoltùre de tanti dòxi e òpare de notevołe pregio intra cui 'na pała del 1505 òpara del Bellini, ''Madonna in trono col Bambino e santi'' e dipinti rafeguranti l'Adorazione dei Magi e l'Adorazione dei Pastori e la visita annuale del Doge alla Chiesa nel dì di Pasqua (Adorasion dei Magi e l'Adorasion dei Pastori e la vixita anuałe del Doxe ała Céxa nel dì de Pasqua) . Su ła parede interna de ła fasàda ghe xe quatro òpare de Antonio Vassilacchi dito l'Aliense.

Siti da vardàr[canbia | canbia el còdaxe]

Altri projèti[canbia | canbia el còdaxe]

Controło de autoritàVIAF (EN253432463 · LCCN (ENno00027870 · WorldCat Identities (ENno00-027870
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Céxa_de_San_Xacaria&oldid=796048"