Ceza de San Nicołò dei Tołentini

	Ceza de San Nicołò dei Tołentini
Nome inte ła łéngua orizenałe	(it) Chiesa di San Nicola da Tolentino
Epònemo	San Nicoła da Tołentin
Dati
Sorte	Ceza e ex convento (it)
Architeto	Vincenzo Scamozzi; Andrea Tirali
Costrusion	1602
Dedicà a	Nicoła de Bari
Caraterìsteghe
Stiłe architetònego	architetura renasimentałe ; architetura neoclàsega
Materiałe	cuareło
Canpaniłe
Pozision
	Venesia
Pozision	Santa Cróxe
	45°26′14.64″N 12°19′19.56″E
Atività
Diòseze	Patriarcàdo de Venesia
Rełijon	Catołega

Ła cieza de San Nicołò de i Tołentini dita I Tołentini ła ze un edificio łerigiozo de ła sità de Venesia, inte'l sestier de Santa Croze, no łontàn da Piasal Roma. L'aneso convento de i Tołentini el ze atualmente sede de l'Università IUAV de Venesia (architetura).

Storia

Ła Cieza ła ze stada prozetada e reałizada da Vincenzo Scamozzi intrà el 1591 e el 1602. Drioman Andrea Tirali el ghe ga zontà a ła fasada non finìa, un pronao co tìnpano e sìe cołone corinsie (1706-1714).

Come inte'l cazo de ła céxa de San Salvador, anca sta Cieza ła ze stada colpìa durante i bonbardamenti austriaghi de'l 1849; na bała de canon, cascada 'vanti de l'altèr mazor sfondràndo ła cùboła (deso dimesa), ła ze deso incastonada inte ła fasada, a recordo de l'epizodio.

Descrision

L'interno el ze decorà co dipinti de'l XVII sècoło. Ghe ze conservàe òpare de Jacopo Palma il Giovane e de'l Padovanino. Ze cuà sepełìi i dozi Giovanni I Corner, Francesco Corner, Giovanni II Corner e Paolo Renier. El monumento funebre de'l véscovo Francesco Morosini el ze stà reałizà da'l scultór zenoveze Filippo Pardodi.

Ła Cieza ła ospita el mazengo òrgano baròco costruìo da'l Pietro Nacchini inte'l 1754 scuazi intato patòco, in cantoria łinjea in caìn absidałe parecia da da do puti ałà in łenjo dorà in banda.

Ła casa de'l strumento ła prezenta decori in łenjo sezełà rafeguranti do tełoni desendenti da'l sentro de'l tìnpano che'l sorasta ła casa ndando a fenìr inte łe ałe łaterane de'l strumento, a 'sta decorasion finemente depenta cołor oro ze picàe sculture łinjee de strumenti a fià ed orizinałi antighi strumenti a corda de preziada fatura artezanałe, anca cuesti i ze dipinti de cołor oro.

Atualmente ła ze sede oficiałe de l'Orchestra Mosaico Barocco e de'l "Gruppo Arcieri" de ła stesa, cui diretor zeneral el ze el M° Marco Basso che da'l 2002 el ze organista titołar de ła parochia.