Bailo (Republega de Venesia)

Da Wikipedia, l'ençiclopedia libara.

Bailo o baylo (baili o bayli plurałe) el xe un titoło venesian che deriva dal termene łatin baiulus, che signifega "portador". El termene el xe stà traslatà in grego cofà μπαΐουλος (baioulos), ma Niceforo Gregorio ło traduxe ἐπίτροπος (epitropo, conpagnador) o ἔφορος (ephoros, sorveliante).

Ingreso pontifical del Bailo de Costantinopołi a Pera sede de l'Anbasada Venesiana

.

Inte el Medioevo, un bailo el gera un anbasador in sede permanente estera de ła Repùblega de Venèsia. I baili pì famoxi i xera cuełi de Costantinopołi i cuałi fin dal 1268 gera a ła corte bixantina e drìoman a ła Caxùa de Costantinopołi del 1453, al governo otoman. Importanti xera anca i baili de Negroponte, Durazzo e Corfù.

Alcuni Baili gera stà anca mandai a raprexentar i interesi venesiani a łe corti de Sipro, Acri (Gerusałeme), Armenia e Trebisonda. A metà del XIII sècoło, i consołi venesiani a Tiro e Tripołi inte el regno de Acri xera stà promovesti al grao de bailo par controłar łe pròpie cołonie ad Aleppo, Antivari, Koroni, Modon, Nauplia, Patrasso e Tenedos.

El termeno baiulus xe stà uxà par ła prima volta in lcuni documenti traduxesti da l'arabo in Venesian del XII sècoło. Sto termene a l'inisio el gera sta uxà par riferirse ai funsionari musulmani, ma inte el XIII sècoło el xera stà uxà dai venesiani par i funsionari publiçi del Governo Serenisimo a controłar łe colonie de ła Gresia franca. Sti governadori i funxeva de frecuente da magistrati par i cołoni venesiani e i scodeva tanse e derìti doganałi oltra a supervixionar el comercio venesian. Ognun de łori el gera asistìo da na cancełerìa (xestìa da un cancelièr) e da un Consejo dei Dodexe, conposto dai prinçipałi omeni de ła cołonia e modełà sol Consejo dei Diexe a Venesia. Ogni Bailo el gaveva un capełàn, un mièdego e un intrèpito (o dragoman). Ognun de łoro remeteva regołarmente raporti a Venesia so ła połitica łocal, i negosi de ła cołonia e, soratuto, i presi e łe cuantità de marcansìe inte el mercà łocal. El Bailo el gera de fato el cao dei consołi łocałi.

El Bailo de Costantinopołi e futuro Doxe Paolo Renier

A ła fin del 15º sècoło, l'ofisio del bailo el gera in gran parte sconparìo tanti i gera stai declasai a consołi e i consołi xera stai declasai a retori, capitani o podestà.

Nonostante ciò i Baili de Costantinopołi e di Corfù ga soravivesto fin a ła fin de ła republica inte el 1797.

Notasion[canbia | canbia el còdaxe]


Bibliografia[canbia | canbia el còdaxe]

Altri progeti[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Bailo_(Republega_de_Venesia)&oldid=1036456"