Dragoman

Da Wikipedia, l'ençiclopedia libara.
Pierre Amédée Jaubert (a sanca) el xe stà "l'aidante orientałista preferìo e dragoman" de Napoleone Bonaparte.[1] Inaxonta el ga conpagnà l'invià persian Mirza Mohammed Reza Qazvini al Pałaso Finckenstein par incontrar Napolion inte l'avril del 1807 par ła sotoscrision del tratàdo de ałeansa anti-ruso tra'l scià Fath Ali Shah e l'inpero fransexe. Detalio da un dipinto de François Mulard.

El dragoman o anca tursiman (dal baso grego δραγουμάνος, dragūmános, derivà da l'arabo tarǧumān, "intrèpito",[2] e da l'aramaico targ'amàn[3]) el gera orixenariamente na fegura aministradiva dei antighi Stati croxai fondai in Pałestina. El termeno el xe pasà drìoman a definir xenericamente un intrèpito (interprete) orientałe a łe anbasae europee.

Storia[canbia | canbia el còdaxe]

El dragoman el gera in partegołar el funsionario adeto a łe rełasion intra el siór franco da na banda e i musulmani e łe altre popołasion indixene che se trovava soto ła so xurisdision. Partanto xera fondamental par un incargo de sta sorta na inprofondìa conosensa de łe fòxe e de łe łengue łocałe: non a caxo infati de frecuente un dragoman gaveva mare indixena, a testimoniansa dei frecuenti matrimoni misti in Tera santa, un uxo staltro che se ga diramà masime preso i croxai non nobiłi. Indrìoman el termeno el xera stà utiłixà co na ecesion pì xenerica, indicando senplisemente un intrèpito conosidor de l'arabo e de łe łengue visin-orientałe (arabo, turco e persian).

I dragoman i xera inpiegai inte łe anbasae e inte i consołai, al seguito de mision połitiche e comerciałi, inte i ofisi portuałi e inte łe doàne, inte łe corti europee e dai sovrani orientałi.

El termeno tursiman el xe un sinonemo che ne condivide l'etimołoxìa; el xe doparà anca in tono schersoxo.[2] Alessandro Manzoni lo usa ne I promessi sposi (cap. XXVII): "tanto Agnese quanto il suo turcimanno furono ben lontani di ricavare un costrutto chiaro e intero"(Tanto Agnese cuanto el so tursiman xera ben łontani de recavar un costruto ciàro e intièro).

Notasion[canbia | canbia el còdaxe]

  1. (EN) Alastair Hamilton, Alexander H. de Groot e Maurits H. van den Boogert, Friends and rivals in the East: studies in Anglo–Dutch relations in the Levant from the seventeenth to the early nineteenth century, BRILL, 2000, pp. 230 ss, ISBN 978-90-04-11854-6.
  2. 2,0 2,1 Il Devoto-Oli. Vocabolario della lingua italiana, Le Monnier.
  3. Ottorino Pianigiani, DragomannoVocabolario etimologico della lingua italiana, http://etimo.it. entrada il 6 zugno 2014.

Altri projeti[canbia | canbia el còdaxe]


Linganbi foresti[canbia | canbia el còdaxe]



Controło de autoritàLCCN (ENsh85039275 · GND (DE7622622-0
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Dragoman&oldid=1166835"