Ayatollah

Da Wikipedia, l'ençiclopedia libara.

Āyatollāh, raramente adatà in łéngua vèneta in aiatołà o aiatolà, (in àrabo: آية الله‎, āyat Allāh; in [[łéngua persiana|]] آيت‌ الله‎) el ze un tìtuło de grado erlevà che el vien concedesto a chełi esponenti pì inportanti del clero sciita, talvolta al pì autorévoło, e ai mujāhidīn, ła casta dei doti musulmani. Sto tìtuło inte łe ùltemi dècadi el ga asumesto na conotasion pułìtega che prima ła zera tenuada.

El conceto[canbia | canbia el còdaxe]

El tèrmano el signìfega segni de Allah o segni de Dio (āyāt, segni, plurałe de aya, segno; e Allah) e chełi che i ga sto tìtuło i ze esperti in studi islameghi cofà ła zurisprudensa, l'ètega, ła fiłozofia e el misticismo. Sołitamente i insegna in scołe islàmeghe (ḥawza). Par de soto del grado de ayàllah el ghe ze el grado de hojjatoleslam (ojjatoleslām, prova o autorità de l'Islam).

El tìtuło de Grandi āyatollāh[canbia | canbia el còdaxe]

Solché pochi dei pì inportanti āyatollāh i gnen reconosesti cofà Grandi āyatollāh (āyatollāh al-ʿuzmā, "grando segno de Allah" o "grando segno de Dio"), o marja' al-taqlīd ("fonte de emułasion"). Sołitamente el ocore co che i seguidori de un āyàllāh i fa referimento a eło e i ghe dimanda de publegare un testo zurìdego-rełijozo che el posa vegner seguio da ła zente cofà còdaze de vita musulman. Sto testo el ze dizesto Risālat ʿIlmiyya e de sòłito ła ze na rescritura de ła al-Urwa al-Wuthqa andove l'ayàllah el ła reintèrpreta drio del perìodo e condision istòreghe.

Notasion[canbia | canbia el còdaxe]

Altri projeti[canbia | canbia el còdaxe]

Linganbi foresti[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Ayatollah&oldid=1085867"