Antonio Bisaglia

Da Wikipedia, l'ençiclopedia libara.

Antonio Bisaglia (Rovigo, 31 de marso 1929 - Santa Margherita Ligure, 24 de zugno 1984) el xe sta on omo połitego veneto e Ministro de ła Republica Itałiana.

Biografia[canbia | canbia el còdaxe]

El provegneva da na fameja de origini poarete (so pare el gera feroviere) e co tanti fioi, Bisaglia el ga studià in seminario; inte el 1945 el se ga iscrito a ł'Asion Catołica.

Inte el 1951 el xe sta ełeto consijere nasional del movimento xovaniłe democristian.

El se ga łaureà in giurisprudensa a ł'Università de Padova e po el xe 'nda a łavorar a ła Casa Mutua dei Coltivatori Direti de Rovigo.

El xe 'nda drento el Parlamento a łe ełesion połiteghe del 1963 e el xe sta ełeto deputato fin al 1979, cuando che el xe sta ełeto senador inte el cołejo ełetoral de Basan e confermà a łe ełesion połiteghe del 1983.

El ga svolto incarichi de governo par sirca 8 ani a partir dal 1972:

El xe morto el 24 de zugno 1984 a Santa Margherita Ligure, travolto da on'onda mentre el gera drio ciapare el sołe co so mujere Romilda Bollati de Saint Pierre, maridà ł'ano prima.

Al momento de ła morte el gera presidente del grupo democristian al Senato de ła Republica.

El 17 de agosto 1992 a xe morto negà, in circostanse misterioxe, inte el łago de Sentro de Cadore, visin a Domege in provincia de Bełun, el fradeo prete, don Mario Bisaglia.

El 30 de apriłe 1993 a xe morto negà inte el Adexe anca el so ex segretario particołare, Gino Mazzolaio.

Bibliografia[canbia | canbia el còdaxe]

  • Giampaolo Pansa. Bisaglia, una carriera democristiana Sugarco Edizioni, Milano, zugno 1975;


Controło de autoritàVIAF (EN21199423 · LCCN (ENn87818470 · GND (DE118865277 · WorldCat Identities (ENn87-818470
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Antonio_Bisaglia&oldid=1113080"