Citrullus lanatus

*Citrullus lanatus*
	;
Dati
Fonte de	anguria (it) , watermelon seed (en) , watermelon seed oil (en) , watermelon juice (en) e Kalahari melon oil (en)
Piante
Tipo de fruta	baca
Tasonomia
Superregno	Eukaryota
Regno	Plantae
Órdene	Cucurbitales
Fameja	Cucurbitaceae
Tribù	Benincaseae
Zènare	Citrullus
Spece	Citrullus lanatus; (Matsum. e Nakai, 1916)
Nomenclatura
Basònemo	Momordica lanata
Sinònemi	Citrullus lanatus subsp. lanatus; Citrullus lanatus subsp. vulgaris; Citrullus lanatus var. vulgaris; Momordica lanata; Cucurbita citrullus; Citrullus battich; Colocynthis citrullus; Cucumis citrullus; Cucumis purpureus; Citrullus vulgaris; Anguria citrullus; Citrullus citrullus; Citrullus citrullus; Cucurbita anguria

L'angùria (Citrullus lanatus (Thunb.) Matsum. & Nakai, 1916) ła xe na pianta de ła fameja de łe Cucurbitaceae, inte ła orìxene provegnente da ła Africa tropegałe.

Etimołoxia

El nome angùria el vien dal greco tardo ἀγγούριον (angoúrion, che vol dir angùria selvàdego), rivà co i gran ligami che ła gavea ła Repùblega de Venesia e l'Inpero Bixantin, che el gavea ła łéngua greca cofà prima łéngua.

Carataristeghe botaneghe

L'anguria ła xe na pianta anuałe, co fusto erbàseo ranpegante, foje grande e pełose, co trè lobi, fiori mascułini e fiori femenini, fruto de granda stasa tondo od ozìvałe. El połe rivar ai 20 kg de masa. Ła scorsa verda ła xe lisa, dura, e ła prezenta vàrie striaùre e ciase bianche o załastre.

Carateristeghe del fruto

El fruto el ga un drento de cołor roso o zało (raramente), pien de samese, che i połe èsar mori, bianchi o załi. La polpa ła ze piena de àcua (pì del 90%) e el contenguo in sùcari singołi la fa partegołarmente dolse. El contien in pì on grando cuantitativo de Vitamina A (liposołùbiłe) e Vitamina C (idrosołùbiłe). Łe angùrie łe połe èsar catae da majo a setenbre.

Aversità

Tra i bai, el parasita pì inportante el xe el afide Aphis gossypii. Tra łe małatie da fonghi le ghe xe el oidio (cauzà da Erysiphe cichoracearum e dal Sphaerotheca fuliginea), la peronospora (cauzà da Pseudoperonospora cubensis), la mufa griza (causà da Botrytis cinerea) e el nerume (cauzà da Alternaria alternata). Intrà łe micotosine, ghe xe la patułina.

La compozision de l'angùria

Par sento grami de parte magnàbiłe:

Proteine: 0,6 mg
Lipidi: 0,15 mg
Carboidrati: 7,55 mg
Fibre: 0,4 mg
Càlcio: 7 mg
Sodio: 1 mg
Potàsio: 112 mg
Magnèxio: 10 mg
Fosforo: 11 mg
Valori nutrisionałi par 100 grami:
- Calorie: 30
- Acua: 92

La polpa de l'angùria, de cołor rosso e piena de samese, la ze costituìa par pì del 90% de acua, ma la contien anca un discreto cuantitativo de sùcari, sora tuto frutòzio, e vitamine A, C (8.1 mg), B e B6.