Alessandro Mocellin

Da Wikipedia, l'ençiclopedia libara.
Jump to navigation Jump to search
'Sto artìcoło el 'é scrito doparando ła grafìa dita DECA
Alessandro Mocellin in ocazion de'l 1° Convenjo Intarnasionałe so ła Łengua Veneta, 18 febraro 2017.

Alessandro Mocellin (scritura in Veneto: Łesandro Mosełin, pronunsià drio l'IPA: [le'saŋdɾo mose'iŋ]; Maròstega, 30 de zenaro 1988) el ze un jurista, łenguista, autor, tradutor e cantador łìrego veneto.

Fin da ła pubregasion, inte'l 2010, de'l só primo łibro "Libera grafia universale"[1], el ze coinvolzesto in prima parsona inte ła salvavardia e difuzion de ła łengua veneta[2], che ła ze stà mesa da l'UNESCO inte l'Atlante mondiałe de łe łengue a riscio (co'l stato de vulnerable)[3].

El ze conosùo par ver scrito come primo autor el primo manuałe univarsitario in łengua veneta "I Sete Tamizi – Ła ciave per capir tute łe łengue romanse!"[4][5], insenbre a i do profesori univarsitari todeschi Horst G. Klein e Tilbert D. Stegmann[6], de ła Goethe Universität Frankfurt, che ła cura e ła sostien ła cołana sientìfega de studi par ła interconprension tra łengue romanse[7].

El ze stà anca el promotor e responsàbiłe sientìfego de'l primo Convenjo Intarnasionałe so ła Łengua Veneta (#1CILVE)[8][9], dove che parsonałità acadèmeghe come el primo łenguista de l'Unesco Prof. Christopher Moseley i ga firmà na declarasion[10] volta a'l reconosimento istitusionałe de ła łengua veneta.

Da'l 2014 el ze el Diretor de l'Academia de ła Łengua Veneta, departimento łenguìstego de l'Academia de ła Bona Creansa, dove che'l ze insenjante e ideator de i Corsi de Veneto, e che par cueła el vien ciamà a tenjer łesion in Veneto[11] e anca a l'èstaro. A zunjo 2017 el ze stà ełeto Presidente de l'Academia de ła Bona Creansa. In novenbre de'l steso ano, co'l sostenjo[12] de ła Rejon Veneto, el ze stà inte łe comunità venete de Rio Grande do Sul (Braziłe) par promòvar projeti de insenjamento[13] de ła łengua Veneto-Brazileira; el ga anca prezensià a łe audision de'l Consejo Rejonal de'l Veneto prezentando proposte e opinion rełative a ła cultura veneta inte l'ànbito de l'autonomìa aministradiva[14].

A marso 2018 el ga portà el studio de ła łengua veneta par ła prima volta rento łe scołe[15][16][17], co un projeto insarìo inte'l Pian de l'oferta formadiva[18][19] de na scoła in provincia de Vicensa.

El ze el responsàbiłe de'l servisio DECACERT de sertifegasion łenguìstega veneta[20] de l'Academia.

Inte ła só cariera de cantador łìrego (vałutà co ła voze de "tenor łìrego spinto" da'l Maestro Gianfranco Cecchele) el ga fato racuanti conserti[21][22], interpretando brani de Puccini, Verdi, Buzzolla, Mayr, Hahn.

El ze conosùo anca par ver recuparà e portà a ła resitasion par ła prima volta inte i teatri e i spetàcołi ła tradusion veneta de ła Divina Comedia de Giuseppe Cappelli, reportada a'l pùblego par ła prima volta in asołudo inte'l febraro 2011 mostrando un orizenałe de'l 1875 in direta tełeviziva e resitàndoghine i primi versi.

El ze ciamà da menbri de istitusion, asosiasion, movimenti par pareri zurìdeghi so temi de intarese veneto[23][24]. El conparise publegamente so ła carta stanpà, e anca in tełevizion e par radio[25], itałiane e foreste.

Cołegamenti foresti[canbia | canbia el còdexe]

  1. http://opac.sbn.it/opacsbn/opaclib?ricerca=base&do_cmd=search_show_cmd&searchForm=opac/iccu/base.jsp&Invia=Avvia+la+ricerca&saveparams=false&resultForward=opac/iccu/full.jsp&select_db=solr_iccu&db=solr_iccu&nentries=1&rpnlabel=+Autore+=+alessandro+mocellin+&rpnquery=%2540attrset+bib-1++%2540attr+1%253D1003+%2540attr+4%253D6+%2522alessandro+mocellin%2522&&fname=none&from=1
  2. http://www.ogmios.org/ogmios/Ogmios_044.pdf
  3. http://www.unesco.org/languages-atlas/index.php?hl=en&page=atlasmap
  4. https://www.fid-romanistik.de/suche/Record/860727823
  5. https://www.shaker.eu/en/content/catalogue/index.asp?lang=en&ID=8&ISBN=978-3-8440-4535-2&search=yes
  6. http://www.ilgiornaledivicenza.it/home/veneto/ecco-il-manuale-di-lingua-veneta-1.5433106
  7. Prezentasion de'l manuałe inte'l Consejo de ła Rejon de'l Veneto:
  8. https://www.youtube.com/watch?v=O--pLkivQho&t=1s
  9. http://www.europarl.europa.eu/sides/getDoc.do?pubRef=-//EP//TEXT+WQ+E-2017-003105+0+DOC+XML+V0//IT
  10. http://www.ogmios.org/ogmios/Ogmios_062.pdf
  11. http://tribunatreviso.gelocal.it/treviso/cronaca/2018/01/30/news/a-santa-lucia-il-medico-avvisa-i-pazienti-in-dialetto-1.16414240?refresh_ce
  12. Comunicado stanpa rejonałe n° 1523 de'l 13 novenbre 2017.
  13. https://www.ctism.ufsm.br/noticias/224-historia-e-preservacao-do-idioma-talian-serao-tema-de-evento-no-ctism
  14. https://www.cislveneto.it/Rassegna-stampa-Veneto/Audizioni.-Autonomia-si-dai-sindacati-alla-scuola-regionalizzata-.-Netta-contrarieta-solo-dalla-Cgil-E-il-Pd-chiede-lumi-a-Zaia-sui-fondi
  15. http://corrieredelveneto.corriere.it/belluno/cronaca/18_marzo_05/dialetto-veneto-entra-media-lezioni-111-alunni-vicentini-20087548-208d-11e8-b9db-31561b61aa5f.shtml?refresh_ce-cp
  16. http://www.ansa.it/sito/notizie/cronaca/2018/03/05/studenti-vicentini-a-scuola-di-veneto_5deca745-3ea2-4650-a208-808d72496d8d.html
  17. http://www.reteveneta.it/googlenews/2018-03-10-VICENZATG-STUDIARE-IL-VENETO-FA-BENE-ALL-ITALIANO-LO-DICE-L-UNESCO.html
  18. http://icfogazzarotrissino.gov.it/wp-content/uploads/sites/86/POF-2017-2018.pdf
  19. https://www.ilgazzettino.it/vicenza_bassano/lingua_veneta_dialetto_insegnamento_scuola-3587771.html
  20. http://tribunatreviso.gelocal.it/treviso/cronaca/2016/12/11/news/santa-lucia-la-fiera-parla-veneto-sui-cartelli-mama-pupa-e-putei-1.14546190
  21. http://www.ilpopoloveneto.it/notizie/nordest/veneto/venezia/2017/07/05/45204-sospiri-veneziani-alla-rocca-noale
  22. https://www.youtube.com/watch?v=yoH4QW0Csec
  23. https://www.leggioggi.it/2015/04/17/in-merito-referendum-per-lindipendenza-veneto-replica-dottor-trabucco/
  24. http://corrieredelveneto.corriere.it/veneto/notizie/politica/2016/30-novembre-2016/veneto-minoranza-linguistica-sospesa-seduta-consiglio--2401098194697.shtml
  25. http://www.radio.rai.it/podcast/A300046876.mp3