Academia de ła Bona Creansa

Da Wikipedia, l'ençiclopedia libara.
ABC łogo.png
Carteło triłengue de ła fiera de Santa Łusia de Piave (TV) sertifegà col sistema DECACERT, desenbre 2016.

L'Academia de ła Bona Creansa ła ze na istitusion culturałe privada, nasùa inte el 2013, che ła se òcupa del studio, de ła reserca, de l'insenjamento, de ła promosion e del dezviłupo de ła cultura veneta inte ła Venetia e inte el mondo. Ła ze conosùa sora de tuto par el só inportante contribudo a ła codifegasion e normałizasion anca didàtega de ła łengua veneta.

Organizasion[canbia | canbia el còdaxe]

L'Academia ła se spartise in Departementi in baze al setor culturałe; onji Departemento el ga un Diretor responsàbiłe, che el sta in carga tri ani, e'l mantien el nome Academia e el łogotipo de ła A co @ scrita rento: A canbia ła spesìfega del nome (ez. "de ła Storia Veneta") e A ghe vien asenjà el cołor che el ło caratariza. Par deso A ze ativi sie Departementi.

Departementi de l'Academia de ła Bona Creansa[canbia | canbia el còdaxe]

Academia de ła Łengua Veneta ® (marca rejistrà)[canbia | canbia el còdaxe]

Ativa dal 2014, ła produze eventi culturałi de storia veneta, insenbre a semenari e publegasion so spesìfeghi temi de reserca e inovasion sora de i fondamenti de ła fenomenołojìa stòrega de ła siviltà veneta. Ła promove publegasion, teze de łàurea e eventi so ła łengua veneta e ła partèsipa a convenji e confarense anca univarsitari, anca a l'èstaro. Inte el febraro 2017 ła ga organizà el primo Convenjo Intarnasionałe so ła Łengua Veneta (#1CILVE)[1] che el ga visto ła prezensa de pì de 200 studenti de łe scołe supariori e de profesori univarsitari itałiani e foresti: resentemente ła ga tenjùo semenari inte l'Univarsità Federałe de Santa Maria (Rio Grande do Sul, Braziłe) revardo ła łengua Veneto-Brazileira[2]. De 'sto departemento A fa parte el servisio DECACERT de sertifegasion łenguìstega veneta, che el produze testi in łengua conformi a łe baze sientìfeghe de l'Academia.

Dominio cromàtego: blè antigo.

Academia de ła Storia Veneta[canbia | canbia el còdaxe]

Ativa dal 2016, ła tien eventi culturałi de storia veneta, e anca semenari e publegasion so spesìfeghi temi de reserca e inovasion sora de i fondamenti de ła fenomenołojìa stòrega de ła siviltà veneta.

Dominio cromàtego: naransa.

Academia Veneta de l'Informàtega[canbia | canbia el còdaxe]

Ativa dal 2016, ła ga prodoto ła łocałizasion veneta de ła suite par ofisio open-source LibreOffice[3], ła tradusion veneta de i file łengua de l'app de mesajìstega istantanea Telegram; ła ga anca ełaborà el layout da tastiera veneto par smartphone contratando co SwiftKey e co Google par el só insarimento, dàndoghe anca el file vocabołaro.

Dominio cromàtego: grizo.

Academia Veneta de l'Architetura[canbia | canbia el còdaxe]

Ativa dal 2017, ła tien semenari so l’architetura veneta e i só prensipi dominanti rento de i corsi par Promotor Culturałe Veneto.

Dominio cromàtego: bianco contornà de nero.

Academia Veneta de ła Comunegasion[canbia | canbia el còdaxe]

Ativa dal 2017, ła tien semenari de comunegasion rento de i corsi par Promotor Culturałe Veneto. Ła cura el profiło esterno, łe forme de ła comunegasion a ła zente e l’imàjine de l'Academia-istitusion. Ła ga ideà, ciapando rento i Departementi łenguìstego e stòrego, el format "Veneti, chi siete?"[4][5].

Dominio cromàtego: veneto.

Academia Veneta del Derito[canbia | canbia el còdaxe]

Ativa dal 2017, ła raprezenta el Departemento zurìdego de l'Academia de ła Bona Creansa: ła ga ełaborà na biblioteca online de tradusion in łengua veneta de i documenti che i fonda zuridegamente ła cuestion veneta inte i sècołi, co anca documenti resenti cofà el Statudo de ła Rejon Veneto e ła Declarasion Univarsałe de i Deriti Umani de l'ONU[6]. La ga da poco otenjùo consultasion a ła prima comision consiłiare de ła Rejon Veneto in cuałità de ùnega istitusion privada a espor conseji e proposte emendadive e integradive al testo par l’Autonomìa: in partegołar, łe conpetense so l'istrusion e formasion de studenti e insenjanti, e anca cuełe so aspeti łenguìsteghi e culturałi veneti.

Dominio cromàtego: vioła.

DECA (Drio el Costumar de l'Academia)[canbia | canbia el còdaxe]

Doparà a l'inisio par identifegar ła codifegasion de ła łengua veneta moderna (grafìa conpleta, règołe de scritura, teoria del multistandard, studio e ełaborasion del MacroStandard) zenarà da l'Academia de ła Łengua Veneta, 'sto mètodo sientìfego el ga zenarà el manuałe univarsitario "I Sete Tamizi – Ła ciave per capir tute łe łengue romanse!"[7][8].

Pì in zenarałe l'ìndega el pensiero de fondo de l'Academia, fondà so ła vałorizasion del sìngoło e so serti prensipi che i goerna in maniera ciara – o in onji modo i rezulta despiegar – el fenòmano veneto inte i sècołi, tanto inte ła łengua cuanto inte i ani, rento del modeło de dezviłupo econòmego, urbanìstego e de l'espresion artìstega e muzegałe.

El łogotipo de Academia[canbia | canbia el còdaxe]

Spiegasion del sìnboło[canbia | canbia el còdaxe]

Na "A" granda grasiada, dove che al posto del trato orizontałe ła ga na @ veneta che ła toca da rento i montanti zbieghi de ła A.

El dominio cromàtego prensipałe el ze el roso Academia.

Eco drioman i domini cromàteghi de i Departementi:

Linganbi foresti[canbia | canbia el còdaxe]

  1. Primo convegno internazionale sulla Lingua Veneta a Camposampiero il 18 febbraio 2017 Eventi a Padova
  2. Página Inicial - CTISM
  3. https://www.vec.libreoffice.org/
  4. Veneti, chi siete? Storia, lingua, cultura, identità, meriti e difetti… dei veneti Il dott. Alessandro Mocellin parlerà della lingua e della civiltà veneta venerdì 3 novembre ...
  5. Veneti: chi siete? – Associazione Whitebox
  6. Documenti fondamentałi so i deriti de i Veneti - Google Drive
  7. EuroComRom - I sete tamizi: Ła ciave par capir tute łe łengue romanse! - Tilbert Dídac Stegmann, Alessandro Mocellin, Horst G. Klein - Google Libri
  8. Consiglio Regionale Veneto - Sala stampa

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Academia_de_ła_Bona_Creansa&oldid=1024978"