Aèreo de lìnea

Un aèreo de lìnea el ze un aeroplan co ała fisa ciaramente projetà par el trasporto de pasajeri e el vien de sołito doparà da łe conpagnie aèree, che i li cronpa o i li dòpara in afito.

Racuanti modełi i gnen modifegai par el trasporto de merse (par marchi comersałi cofà GLS, DHL, UPS, par ezénpio) o i gnen inbastii co interni de luso.

Descrision

Par łe normative ICAO-FAA-JAAR, cuazi universalmente adotae e acetae, l'espresion "aèreo de lìnea" no el eziste cofà s-ceta definision; ma eziste invese ła sertifegasion de "vełìvoło adatà al trasporto pùblego pasajeri". I połe vegner fati, in teoria, vołi de lìnea co vełìvołi anca de solché 6 posti, ma a sto ponto łe entra in funsion łe normative locałi. Sołitamente un aèreo che peza da vodo 22.680 kg e che el połe trasportar 20 o pì pasajeri el vien defìnio de lìnea. I vełìvołi che i trasporta manco de 20 pasajeri i gnen chiamai aerotaxi

Tipi de aèrei

par fuzołiera
- Narrow body A sìnguło coridòio. Aèreo a fuzołiera streta a curto/mèdio rajo, da 100 a màsimo 250 pasajeri
  - Regional aèreo a fuzołiera streta a curto/corto rajo, par màsimo sirca 100 pasajeri.
- Wide body A dopio coridoio. aèreo a fuzołiera larga a mèdio/longo rajo, da 200 a màsimo de 660 pasajeri
  - Double Deck aèreo wide-body a dópio-ponte de longo rajo, da 525 a 853 pasajeri
par motore:
- Turbojet (turbozeto), i primi aèrei a zeto o i aèrei supersòneghi
- Turboprop (turboèlica), aèrei zeneralmente rejonałi movesti da motori a èlica che łe roda par via de na turbina a gas
- Turbofan (turbovéntoła), aeroplani funsionanti gràsie a un motore a zeto co bypas, manco incuinante de un motore turbojet ma manco adato par łe vełosità supersòneghe.

Notasion

Altri projeti

Wikimedia Commons el detien imàjini o altri file so Aèreo de lìnea
Scholia el detien schemi gràfeghi so Aèreo de lìnea

Linganbi foresti

Controło de autorità	GND (DE) 4121851-6 · NDL (EN, JA) 001097546