Voltaire
Da Wikipedia, ła ençiclopedia libara.
 |
"Łe strie łe ga smeso de esistare quando che gavemo smeso de bruxarle."
(Voltaire)
|
|
"A non me piaxe par gnente queło ca dixì, ma a difendarò fin ała morte el vostro dirito de dirlo."
(Atribuia a Voltaire[1])
|
François-Marie Arouet pì noto co ło pseudonimo de Voltaire (Parigi, 21 de novenbre 1694 – 30 de majo 1778) el xe stà un fiłoxofo, scritor e dramaturgo franzsexe.
El nome de Voltaire[2] el indisołubilmente ligà ała corente fiłoxofica de ł'Iłuminismo, de cui el xe sta uno dei animatori e dei esponenti prinzsipałi.
[modifica] Biografia
De formazsion umanistega, el proveniva da 'na fameja siora, el ga studià dai giansenisti e i gexuiti del cołejo Louis-le-Grand. El suceso deła raprexentazsion deła so prima tragedia, Œdipe (Edipo, 1718), ło ga rexo çełebre e aprezsà.
El xe sta meso in prexon do volte (1717-1718 e 'ntel 1726) ała Bastija, a cauxa (ła prima volta) de ł'iriverenza espresa in versi 'nte i confronti del reggente. Co' ła publicazsion del poema La Ligue del 1723, scrito durante ła prexonìa, el ga otegnùo ł'asegnazsion de 'na pension da parte del re. Ł'opara ła sarà novamente publicà col titoło de Enriade 'ntel 1728.
[modifica] Note
- ↑ Tałe citazsion, comunemente atribuia a Voltaire, ła cata in realtà riscontro soło inte on testo deła scritrice mericana Evelyn Beatrice Hall, intitołà The Friends of Voltaire, del 1906. Ła citazsion no ła ga altresì alcun riscontro in qualsivoja opara de Voltaire.
- ↑ Ł'orixine del nome Voltaire, adotà dal fiłoxofo 'ntel 1717, no ła xe zserta. Ricordemo alcune ipotexi:
- podarìa esare de ł'anagrama de Arouet LJ (le jeune, el xovane) in letare arcaiche in cui J a se scriveva I e U si scriveva V, AROVET LI diventa VOLTAIRE, opure
- del nome de on feudo picinin posedù da so mare.
| Predecessore: | Segio 33 de ł'Académie française | Successore: |
|---|---|---|
| Jean Bouhier | 1746 - 1778 | Jean-François Ducis |
