Vignal

Co la parola vignal se intende an fondo de dicà a la monocoltura de la vit.

Storia

Secondo al Vecio Testament (Genesi 9:20), Noè, al à inpiantà an vignal su 'l Monte Ararat, e, co 'l vin fat, al à fat cioca. Quando che Mosè al à condusest i Ebrei a Canaan, se diss che i epje assà co despiažer i vin de 'l Egito (Numeri 20:5. Inte la so tera nova, siben, i à catà tanti vignai. In età romana Columella al à scrit fior de parole par contar come che gnea coltivà la vit. Tante de le so proposižion le è ancora valide.

Durante 'l Medioevo la viticoltura la è stata portada avanti inte i monasteri, ch ei era i unici a er le risorse, la sicureža, la stabilità e al intaresse par miljorar la qualità de i vin inte 'l tenp. I frati i ea anca la educažion e al tenp necessario par miljorar la so bravura come viticoltori.

I vignai europei i è stati inpiantadi co diverse qualità de Vitis vinifera vinifera', ma, su 'l fenir de 'l XIX secolo quasi tute le sort le è state eliminade da la Fillossera, an afide che in qualche modo al era migrà in Europa. Da' che le specie mericane de Vitis le era toleranti a la Filossera, la vit europea la è stata salvada a incalmarla su seležion de incroci derivadi da i tipi Berlandieri, Riparia e Rupestris, che i fa part de la sotspecie Vitis vinifera lambrusca.

Elementi de 'n vignal

• Piantada: fila dreta de vit
• Tirela: cau de na vit tirà in direžion perpendicolar a quela de la piantada
• Pergola: piantada co una o pì tirele par ogni vit
• Pal: sostegno de legn o de ciment par la vit
• Pal de testa: pal a un de i do estremi de la piantada
• Fildefer: fil de fer che è picà te i pai e cen su la piantada (te i sistemi de alevamento novi)
• Frasca: sostegno ligà in piei te 'l fildefer che 'l cen su i cau de an (romai abandonada)
• Crosera: tirante par i fiidefer fat co do broche de cassia

Forme de alevamento

A seconda de 'l sistema de alevamento de la vit doperà, i vignai i se divide in

• a alberel
• Guyot senplice
• dopio Guyot
• cordon speronà
• tendon

Varda anca

• Vin
• Vit

Bibliografia

Antonio Saltini Storia delle scienze agrarie. Venticinque secoli di pensiero agronomico prefazione di Ludovico Geymonat, Edagricole, Bologna 1979