Taxus baccata

Da Wikipedia, l'ençiclopedia libara.
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Tuja


TassoboxTaxus baccata Cànbia el vałor in Wikidata

Tuja Cànbia el vałor in Wikidata
Dati
Fonte delegno di tasso (it) Traduzi Cànbia el vałor in Wikidata
Stato de conservasion
Eror Lua: callParserFunction: function " [[Categoria" was not found.
Tasonomia
SuperregnoEukaryota
RènjoPlantae
ClaseConiferae
FamejaTaxaceae
ZènareTaxus
SpeceTaxus baccata

L., 1753

Distribusion

Cànbia el vałor in Wikidata


Ła poła de nass o tuja al ze an àlbaro del ordine de łe conifere, doperà da spes par far siese ornamentai o cofà pianta da giardin.

Morfołozia[canbia | canbia el còdaxe]

Portamento[canbia | canbia el còdaxe]

Ła Poła de nas ła xe on senprevert co na cresita lenta e par sto motivo in natura ła xe da spes on albaro pisol o on sieson de mèdie dimension, ma inte łe so condision ideai ła pol donder i 10-20 metri de altesa; ła chioma ła ze globosa e inregolar, co i ran basi.

Scorsa[canbia | canbia el còdaxe]

La ze de un maron che trà al ross, da dovena la ze slissa ma co la invecia la se sbrega in plache. I ran doveni i ze verdi.

Foje[canbia | canbia el còdaxe]

Le foje le ze lineari, an fià incurvade, longhe fin a 3 schei e de color vert scur par sora, pì ciare par sot; le ze tacate te i ran co un andamento a spiral, in do file oposte. Le ze tanto velenose.

Fior[canbia | canbia el còdaxe]

La ze na specie dioica. I fior mastci i ze binadi in amenti, quei femena i va a far na pomèla. I se inpolina co el vent.

Fruti[canbia | canbia el còdaxe]

I fruti i ze arilli e i gnen ciamadi "pomele de Pola de nass". Da crudi i ze verdi, co i ze fati i ze rossi. I ga inte na siess dura e velenosa che a sacarla co i dent la mola fora an liquido che insendt. La polpa invese se pol magnarla. La ze mola e dolsa fa el miel. La gnen magnada da i osei, che cossì i porta in giro le siess.

Legn[canbia | canbia el còdaxe]

Al legn, dà che al cress a pianpianet, al ze serà e ligadis, e co i ani al tenta de moerse poch. Al color al ze gial dorà co i grop scuri. Par la so elasticità al gnea doperà del Medioevo par far archi. Al dì de incoi ghe n'è difarenti che i lo domanda par far cornisi o parti de mobili.

Anbiente[canbia | canbia el còdaxe]

La sta ben inte loch umidi e freschi, co tanta onbria, te n teren calcarei Preferisce i luoghi umidi e freschi, ombrosi, co terreno calcareo.

Difusion[canbia | canbia el còdaxe]

Al alre de difusion la conprende le zone dal Europa setentrional al Africa del Nord al Caucaso. In Italia la ghe n'è pitost raramente in montagna. Inte te la Foresta Unbra del Gargano ghe n'è difarenti esenplari grandi.

Principi ativi[canbia | canbia el còdaxe]

Al principio ativo responsàbiłe de la tossicità de ran, foje e siess, aonde che al ghe n'è in percentual variàbiłe tra 0.5 e 2%, al ze an alcaloide, la tassina. Al ga efeto narcotico e paralizante inte el on e te n tanti animai domestici. Le part che ghe un ga de pì le ze le foje vece. Da qualche diesina de ani ze stat catà fora che ghe n'è an nantro principio ativo (al taxolo), in grado de inibir la mitosi de le cellule tumorai. Sta scoperta la ga invià na prometente linea de svilupo de novi farmaci chemioterapici (i taxani).

Altre notisie[canbia | canbia el còdaxe]

Etimołozia: el nome "albaro de a morte" el xe doperà tanto inte ła pianura vèneta e el deriva da ła tosiçità de ła pianta.

Propagasion e coltivasion:la cress a pianpianet e la se propaga pi che sia par siess o par talea. E' stat selesionà tante sort ornamentai. La Pola de nass la viu tanti ani e al ze fadiga darghe na età parchè se vet poco i anei e tante olte in medo al legn al gnen bos.

Controło de autoritàLCCN (ENsh85149136 · GND (DE4151137-2
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Taxus_baccata&oldid=1110394"