Topa

Da Wikipedia, l'ençiclopedia libara.


Infobox de Instrumento Topa


La topa xe na inbarcasión a fondo piato tìpega de ła Laguna de Venesia.

Dopo che se gà sviłupà inte el Novesento cofà mexo da dipòrto[1], se tràta de na variànsa più capiente topo da cui se desferensia par la forma del pòpe che xe piana (a ''specio'') e non tondixante e par le dimensión più cotegnùe. Tìpegamente, infati, na topa préxenta na lónghesa conprexa infra i 6,5 e i 7,30 metri e na larghésa che varia intra 1,70 e 1,90 metri[2].

Anca la propulsión xe versatiłe: l'inbarcasión pol esar spénta sia a rèmi (co posisión de voga a ła veneta e da uno a quatro vogadóri) che a veła co albòro trasportàbiłe loxà inte el trasto popiero, timón-darìva poxisionà a pòpe e veła al terso. La forma a spècio del pòpe se gà po' mostrà parfetamente adata par l'istałasión de motori forabordo, favorìndo cussì el rapìdo pasagio a na propulsión motorixàda patòca[1]. Le dimensión cotegnùe, che fasiłita ła navigasión anca ne ł'area urbana, e ła versatiłità dei mexi de propulsión gà fisà el suceso de sto tipo de inbarcasión, che xe intra łe più diramàe in sità, adibita prinsipalmente par funsión de diporto (pol trasportàr sìe-sete persone) e ocaxionalmente par el strapòrto de carghi rełativamente contegnùi. Verso ła fin del Novesento, ai modełi tradisionałi reałixài in legno se gà fiancà anca modełi reałixà in vetroresina[2].

Note[canbia | canbia el còdaxe]

  1. 1,0 1,1 (IT) Scheda de ła topa dal sito Arzana.org
  2. 2,0 2,1 (IT) Scheda de ła topa dal sito Veniceboats.com

Łigamenti foresti[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Topa&oldid=1106391"