Timavo
| Timavo | |
|---|---|
 El Timavo poco dopo le resuntive. Sul sfondo la cesa de San Joani in Tuba |
|
| Longhesa | ~ 89 km |
| Altitudine de ła sorxente | 720 m s.l.m. |
| Nase |  Turkove škulje |
| Sboca |  San Joani de Duin |
El fiume Timavo (in latin Timavus, in sloven Timava o Timav/Reka, in todesco Recca Fluss, in furlan Timâf) el nasse cofà surtiva valcïusana ai pìe del Monte Nevoso, in Slovenia (precisamente dal Turkove škulje inte la Val Malacca (Mlake)), a poca distanza dal confin co la Crovazia (co'l nome Reka, che el vol sir senplisemente "fiume", in sloven), e el sboca in mar da le bande de San joani de Duin (provinzia de Trieste).
El xe cognossùo par vìa del so longo parcorso soteragno de cerca 40 chilometri che, da le Grote de San Canzian - Škocjan in Slovegna, passando par l'Abisso de Trebizian, el riva al paese de San Joani de Duin. Qua el riconpar par dopo sbocar inte Golfo de Trieste dopo un per de chilometri. Tal percorso el vien considerà cofà uno dei pì intaressanti fenomeni carseghi Dal nome del fiume Timavo, riva el nome de la omonema società di canotieri sita a Monfalcon.
Moti storeghi [canbia]
L'area de le risuntive, posta itne'l comun de Duin-Aurisina, fin da l'antighetà el xe stà inportante logo di culto. La presenza de un fiume che el sortiva da la tera la gaveva incuriosìo e inpaurìo le popolazion primitive. Se veneava Ercold, Saturno, la Spea Augusta, Libaro Augusto e el dìo Temavus, dal qual el fiume el ga cïapà el nome.
