Spàraxo
Da Wikipedia, ła ençiclopedia lìbara.
 |
||||||||||||||||||
 Disegno schematico de na pianta de spàraxo |
||||||||||||||||||
| Clasificasion sientìfega | ||||||||||||||||||
|
||||||||||||||||||
| Nomenclatura binomiałe | ||||||||||||||||||
| Asparagus officinalis L., 1753 |
El spàraxo (nome sientifego Asparagus officinalis), deła fameja dełe Liliaceae, xe na pianta ke ga el fusto ingropà soto tera (rizoma). Da łì vien su łe parti ke se magna: i turioni. El spàraxo ga drento:
- ł'aminoacido asparagina
- rutina
- acido fołico
- vitamina A
- vitamina B
- manganese
- fosforo
- calcio
- magnesio
- potasio
Pal 90% xe fato de aqua.
[canbia] Storia
El spàraxo el xera coltivà domiła ani fa in Egito, in Axia minore e in Spagna. I Greci no i ło magnava, ma i Romani sì. Difati ghin parla Teofrasto, Catone, Plinio e Apicio ke i mensiona el modo de coltivarlo e de prepararlo par magnare.
[canbia] Spàraxi de quałità in Veneto
- Spàraxo bianco de Basan (VI) D.O.P. (Denominasion de origine proteta). Comuni xona D.O.P.: Basan, Cartijan, Pove del Grapa, Romano d'Ezełin, Rosan , Teze sol Brenta, Roxà, Nove, Casoła, Marostega.
- Spàraxo bianco de Çimadolmo (TV) I.G.P. (Indicasion giografica proteta). Xe interesà i comuni de Çimadolmo, Ormełe, San Poło de Piave, Ponte de Piave, Oderzo, Breda de Piave, Maserada, Vazoła.
- Spàraxo bianco de Badoere, frasion de Morgan (TV) I.G.P. (Indicasion giografica proteta)
- Nobiłe spàraxo bianco de Verona
[canbia] El spàraxo in cuxina
El modo pi clasico de magnar i spàraxi xe, dopo averli coti a vapore, magnarli coi ovi sodi. Se pol fare anca rixi e spàraxi, supe, fortaje coi spàraxi o dopararli come verdura cota rente a pese o carne.
