Santa Łusia

Da Wikipedia, l'ençiclopedia libara.
Va a: navigasion, serca

Lùsia da Siracuxa (Siracuxa, 283 c.a - Siracuxa, 304 c.a), ła xe venerà come santa dała Ciesa catolega e dała Ciesa ortodosa, ła xe morta martire durante łe persecussion di Diocleziano a Siracuxa.

Lorenzo Lotto - Santa Lùsia davanti al giudice Pascasio

La festa de Santa Lùsia[canbia | canbia sorxente]

In çerte zone de l'Itałia setentrionałe, come Trentin, Lonbardia orientałe, Emiłia ocidentałe, Veronexe e in provincia de Udine, ghè na vecia tradission ligà a Santa Lùsia, che dixe che la nòte del 13 de diçenbre ła Santa ła ghe porta dei regałi a tuti i butini che durante l'ano i gà fato i bravi e i sà conportà ben, mentre a cuéi che sà conporta mal ła ghe porta un saco de carbon. Ełora qûalche jorno prima i butini i ghe scrive na letera, come che i fa in altri posti con Babo Natałe, dixendoghe che regałi che i vorìa, e durante ła note del 13 la mama e el papà i prepara i regałi da qûalche parte de ła caxa, in maniera che la matina dopo el butin el je cata. Però bisogna che la sera prima i butini i vaga in leto presto, parché se i resta alsà a spetare che riva Santa Lùsia, ela quando la je vede la ghe tira de ła çenare in tei oci, faxendołi deventar orbi.

Santa Lusia ła xe ła patrona de:[canbia | canbia sorxente]

Ła sepoltura de santa Lùsia, Caravagio