Sagrada Familia

Da Wikipedia, l'ençiclopedia libara.
Va a: navigasion, serca
Vista de ła catedral da nord

Ła Sagrada Família, nome conpleto in łéngoa catałana Temple Expiatori de la Sagrada Família (Ténpio espiatorio de ła Sacra Faméja) de Barçełóna, Catałogna, ła xe el cavolaóro de Antoni Gaudí, architet spagnol.

El se trata de na baxéłega Católega Romana (no de na catedral - ła catedral de Barçełóna ła xe ła Catedral de Santa Eułałia, na costrusion gòtega del tardo medio-evo).

Projeto[canbia | canbia sorxente]

El projeto el xe baxà sìa su łe version ricostruìe dei projeti e dei modełi perdésti inte un inséndio inte'l 1936), intacà durante la Guera siviłe Spagnoła dai republicani a l'atelier de Gaudì, che el ga desfà tante tołe projetuałi del sèłebre architet, sìa su adataménti moderni.

Ogni part del dixegno ła xe rica de sinbołismi cristiani mìstisi, visto che Gaudì el considerava ła Céxa Catòłica "l'ùltimo grando santuario de ła cristianità". I aspeti che i colpise de pi łe xe łe do tóre fuxołae. In total łe xe previste 18 tóre, raprexentanti in órden de altésa: i dódexe apòstołi, i quatro vangełisti, ła Madona e, ła pi alta de tute, Jesù. Łe tóre dei vangełisti łe sarà sormontae da sculture dei só sìnbołi tradisionałi: un On (Omo), un Toro, na Łaguia, e un Łeon. Ła tóre de Cristo ła sarà sormontada da na Cróxe xigante: l'altésa total de łe tóre ła sarà inferior al metro a qûeła del Montjuïc, visto che Gaudì el credéa che el só laóro no'l vése da pasar via qûeł'a de Dìo. Łe do tóre łe xe sormontae da grasp de ua , che i raprexenta el fruto spiritual.

Ła céxa ła varà tre grande fasae, ła Fasada de ła Natività, ła Fasada de ła Gloria (incóra da finir), e ła Fasada de ła Pasion. Sta ùltima ła colpise in maniera particołar par' i so personaji fini, tormentai, conprexa ła figura del Cristo tonfà su ła Cróxe. Sti dixégni controversi i xe òpara de Josep Subirachs.

I temi de tuta la decorasion i include parole de la liturgia. Le tori le xe decoràe con parole come "Hosanna", "Excelsis", e "Sanctus"; la granda porta de la faciada de la Passion la riproduse parole de la Bibia in svariate lengue, conpreso el catalan; e la faciada de la Gloria se prevede che la sarà decorada con parole tolte dal credo dei apostoli.

Aree specifiche del santuario le sarà, da quel che se pol presùmar, designàe a rapresentar vari conceti religiosi come: santi, virtù, pecadi e conceti secolari come le regioni de la Spagna.

La modelasion al computer la se ga resa necesaria par darghe forma a vari elementi, come i pilastri interni de la cesa. Defati grasie a l'uso de sti programi e de determinadi machinari se pole finalmente realizar tochi identici fra de lori, così come Gaudí el li gaveva imaginà.

Atualmente i xe drio costruìr le navade sentrali, caraterizàde da colòne che ricorda enormi àlbari e un sofito che par conposto da giganteschi girasoli, e el transeto, conpreso el coro e el roson che ghe darà luce. Co sarà finìe ste parti, se 'ndarà vanti a costruìr la cupola sentral.