Roland Ratzenberger

Roland Ratzenberger
Àustria
Cariera in Formula 1
Stagioni	1994
Scuderie	Simtek
Risultato mejo	11° (1994)
GP disputà	3
GP vinti	0
Pole-position	0
Statistiche
Sircuiti | Fornitori | Gran Premi | Persone | Piloti | Scuderie | Stagioni | Machine
Tute łe voxe su ła Formula 1

Roland Ratzenberger (Salisburgo, 4 de lujo 1960 – Imola, 30 de avril 1994) l'è stà on piloa de Formula 1 che el corse 'ntela scuderia Simtek. La so cariera 'ntele corse la fu stroncada da on s-cianto mentre el stava fasendo le qualifeghe del Gran premio de San Marin, 'ntel 30 de avril 1994.

Le categorie minori

Roland Ratzenberger el xè nao a Salisburgo (Austria), 'ntel 1960 e sin da quando l'era on butin x'è dà ale gare automobilisteghe; el gha corso en Xermania tra el 1983 e 1985, rivando anca a inportanti vitorie. Susesivamente el gha scominsià a corer anca en Gran Bretagna, dove ala fin el ghe riusio de entrar 'ntel prestigioso Brands Hatch Formula Ford Festival, rivando seondo 'ntel 1985 e prim l'ano dopo. El sucesivo paso l'è stà el pasagio 'ntela F3 englese, dove el gha fato ben sensa impresionar le grandi case dela F1.

'Ntel 1987 el partexepa anca ala prestigiosa 24 ore de Le Mans drio a guidar 'na Porche 962, guidaa con Maurizio Sandro Sala and Walter Lechner, ma el gha avù da ritirarse dopo la ters'ora. El gha corso altre quatro olte a Le Mans, 'ntei ani dal 1990 al 1993 e proprio 'ntel oltemo ano, su Toyota 93-CV, el ghe riusio de rivar quinto, suo meior resultado de senpre.

'Ntei ani '90, Ratzenberger x'è andà a corer 'ntel canpionato automobilistego giaponese, e 'ntel 1990 e 1991 el ghe riusio a vinser alcone gare. 'Ntel 1992 ghè stà el ritorno 'ntela F3, ma la andò peso del altra olta e rivo setemo 'ntel 1992 e ondesesemo 'ntel 1993.

Formula 1

'Ntel 1994 ala fin se realisa el sogno: la scuderia Simtek ghe diee la posibiletà de corer 'ntela F1. Roland ghà disputà el so primo Gran Premio a Interlagos 'ntel Brasile, doe parò nol ghe mia riusio de qualifegarse. Susesivamente corse en Giapon ('ntel [[Gran premio del Paifico, che se tegnea sul sircuito de TI Aida) dove, grasie anca ale so vecie esperiense, el ghe riusio de rivar ondesesemo ala fin dela gara.

L'insidente mortal

Roland Ratzenberger, 'ntele qualifeghe del Gran premio de San Marin, a Imola, 'ntela seonda zornada de proe, sàbo 30 de avril 1994, se è s-ciantà a 300 km/h contro 'na mureta de protesion dopo esar sbandà 'ntela curva entiolaa a Gilles Villeneuve. La fortisema decelerasion e el fortisemo inpato ei gha ridoto el piloa en fin de vita. L'inutile corsa a l'ospedal ghè servìa solo par acertarne la morte.

Seondo la ricostrusion piassè acreditata el senbra che la vetura, durante el siro de lancio, la gh'avese avuo on picolo urto col muso contro on cordolo dal profil rialzà e quest'ultimo gh'avese riportò on sedemento strutural de l'ala anterior che nol era mia ravisabil fin al momento en cui l'aletone se spezò del tuto. El sorno dopo, durante el GP, on altro teribile insidente el ghà causà la morte del canpion dela Williams, Ayrton Senna, anca lu s-ciantatose a forte velosità contro el muro dela curva del tamburelo.

Dopo i dramatici fati de Imola '94, el sindacao piloiel ghà fato presion par rendar piassé seguro el sircuito.

Year	Entrant	Chassis	Engine	1	2	3	4	5	6	7	8	9	10	11	12	13	14	15	16	WDC	Points
1994	MTV Simtek Ford	Simtek S941	Ford V8	BRA DNQ	PAC 11	SMR DNS	MON	ESP	CAN	FRA	GBR	GER	HUN	BEL	ITA	POR	EUR	JPN	AUS	33rd	0