Robert Badinter

Da Wikipedia, l'ençiclopedia libara.
Va a: navigasion, serca
Sta pajina xè orfana
Sta pajina xè orfana, overo priva de cołegamenti in entrata da altre pajine
Inserissighene almanco uno pertinente e cava l'avixo
Robert Badinter el 3 de febraro 2007 durante 'na manifestasion contro ła pena de morte a Parigi

Robert Badinter (Parigi, 1928) el xe on avocato de fama e on omo połitego fransexe.

Atività profesionałe[canbia | canbia sorxente]

El apartiene a 'na fameja de comercianti israełiti. So pare e dei so parenti, deportà durante ł'ocupasion nasista de Parigi, i ga perso ła vita 'nte i canpi de sterminio. El se ga laureà in lege e el xe diventà subito avocato.

Contro ła pena de morte[canbia | canbia sorxente]

'Ntel 1975 el ga pronuncià davanti ała corte d'asise de Troyes 'na renga memorabiłe, 'ntel corso deła quałe el ga atacà ła pena de morte ałora in vigore in Fransa. El ga otegnù che l'inputato el fuse condanà a ł'ergastoło ansiché ała pena cavedal domandà dal publico ministero e da gran parte de ł'opinion publica. El xe sta el primo paso de 'na longa bataja finìa soło 'ntel 1981.

Ministro deła giustisia de Mitterrand[canbia | canbia sorxente]

Ałe elesion presidensiałi del 1974 e del 1981 el ga sostegnù ła candidatura del sociałista François Mitterrand, ełeto el 10 de majo 1981 e el 23 de giugno Badinter el xe sta nominà vardasigiłi, ministro deła giustisia 'ntel secondo governo de Pierre Mauroy.

Ł'Abołision deła pena de morte e ła riforma del codice penałe[canbia | canbia sorxente]

'Pena insedià, el ga presentà a ł'Assemblée Nationale on disegno de lege che el prevedeva ł'abołision deła pena cavedal, lege aprovà el 18 de otobre 1981, mandando definitivamente in pension ła ghigliotina.

Presidente del Consijo costitusionałe[canbia | canbia sorxente]

El xe sta confermà ministro deła giustisia 'ntel governo de Laurent Fabius 'ntel 1984. El se ga dimeso el 18 de febraro 1986, on mexe prima dełe ełesion legislative, parché nominà da François Mitterrand presidente del Consijo costitusionałe. El xe restà in carica fin ała scadensa del so mandato 'ntel marso 1995.

Senador e vice presidente deła Convension eoropea[canbia | canbia sorxente]

Ełeto senadore par el Partito sociałista el 24 de marso 1995, el xe riełeto al Senato 'ntel 2004 par on mandato de siè ani. El xe vice presidente deła Convension Europea dal 2003 al 2005. El xe considerà una dełe personałità pì autorevołi del mondo połitego e intełetuałe fransexe.