Referendum par l'independensa del Veneto del 2014

Da Wikipedia, l'ençiclopedia libara.

El Referendum par l'independensa del Veneto el xe stà òn sondajo online no ofisiałe tegnùo in Veneto tra el 16 e el 22 marso 2014. Conossùo anca come "plebisito dixitałe" o "plebiscito.eu", el xe stà indito da Plebiscito 2013, n'organisassiòn venetista guidà da Gianluca Busato.

Cuexiti e rixultai[1][canbia | canbia el còdaxe]

Łe domande łe jera quatro:
1) Vùto che el Veneto el diventa na republica federałe, indipandente e sovrana?
2) El Veneto dovarìa tegnér l'Euro come vałuta se el diventasse indipandente?
3) El Veneto dovarìa entràr nel'Union Eoropea se el diventasse indipandente?
4) El Veneto dovarìa entràr ne ła NATO se el diventasse indipandente?

I risultai pà el primo cuexito i xe stai:

Cuexito 1 Totałe Persentuałe (%)
Ełetori 3 732 777  
Votanti 2 367 050
Voti vàłidi 2 360 235 63,23% (su n° ełetori)
Voti no vałidi 6 815 0,29% (su n° votanti)
Cuexito 1 Voti %
SI 2 102 969 89,1%
NO 257 266 10,9%
Totałe voti 2 360 235 100%

Ła partecipasion (o, mejo dìto, el nùmaro de voti vàłidi) par gli altri tre cuexiti ła xe stà pì bàsa: 22,33%, 24,63% e 19,84% (su n° ełetori).

Cuexito 2 Cuexito 3 Cuexito 4
SI   464 534 (55,73%)     472 409 (51,37%)     477 312 (64,46%)  
NO   369 016 (44,27%)     447 189 (48,63%)     263 119 (35,54%)  
Totałe voti 833 550 (100%) 919 598 (100%) 740 431 (100%)

Critiche sòl nùmaro de votanti e sòi rixultai[canbia | canbia el còdaxe]

Partecipasion e rixultai i xe stà contesài da pì parti: secondo e statistighe de Alexa Internet, ne ła setimana del referendum el sito gavarìa avùo 135.000 visite (che sarìa soło el 3,6% del nùmaro de ełetori) e de sti 135.000 visite un 10% el vegnarìa da Santiago del Cile [2]

Tutàvia, un sondàjo del 20 e 21 marso condòto da Ilvo Diamanti ("Demos&Pi") par "La Repubblica"[3] dixe che el 48% dei Vèneti gavèa xà o el gavarìa votà sòl sito del referendum (el 49% no gavèa intensiòn de votar e el 3% no el gà risposto). De quei che i gavarìa d'aver votà, el 78% vołeva l'independensa. In generałe (sòl nùmaro de ełetori), el 55% dei Veneti jera favorevołe a l'independensa, mentre il 39% el jera contràrio. Anca altri istituti de sondàji, tra cùi Ixe[4], l'Istituto Piepoli[5] e Quaeris[6], ga dà rixultai sìmiłi.

plebiscito.eu, da ła sòa, el 29 marso la ga dìto che sarà presto presentà na breve rełasiòn scrita da òn comitato de oservatori internasionałi. Beglar Davit Tavartkiladze, che jera ambassadore georgiano in Itałia e che el xe el presidente de sto comitato, el ga anticipà che "desso come desso" i controłi fati par vedàr ła corispondensa tra votanti dichiàrai da plebiscito.eu e votanti reałi i dà na "corispondensa al 100% par l'avènuta votasiòn".[7]

Reasiòn e conseguenxe[canbia | canbia el còdaxe]

L'evènto el xe stà seguìo da pì de qualche mèdia foresto (sora-de-tuto no itałiani). Co na conferensa stampa internasionałe, el 19 marso Luca Zaia, presidente de ła rejon, el ga dìto che anca eo el ga votà (sì) e che gavarìa sercà l'independensa "totałe" pà el Vèneto.[8]

El 3 de apriłe la rejòn ga domandà, in via ofisiałe, de diventàr a statuto speciałe.[9] A votàr a favore i xe stà quasi tuti (Lega Nord, Forza Italia, Nuovo Centrodestra, Grupo misto, Itałia dei Vałori e Union de Sentro), mancava soło che dò independentisti (de Futuro Popolare, che i se ga astegnùo cò n'altro), uno de ła sanca vèneta (che ga votà contro) e quei del Partio Democratego (che i ga dassà l'aula prima de votare).

El 12 de lujo el consejo rejonałe ga passà na leje che indìxe òn referendum consultivo 'ndoe se domandarà "Vuto che el Veneto el diventa na Republica indipandente e sovrana?".[10] Co la publicasiòn de ła leje sòl Bołetìn Ofisiàłe de ła Rejon se rendèva executive de łe vèce risołusiòn che dàva mandato ai presidenti del consejo e de ła giunta rejonałe de contàtar le Istitusiòn de l'UE e de l'ONU par tutełar el Popoło Vèneto e el sò dirito de autoderminasiòn.[11] L'8 de agosto el goerno itałian ga contestà sta leje insieme co n'altra par un referendum sò l'autonomìa[12] e el comento de Zaia xe stà: "No semo eversivi, ma noialtri ndemo vanti ło steso".[13] El 25 de zugno 2015 ła Corte Costitusionałe ła ga bocià el referendum par l'independensa[14], tegnendo in bon parte de queło par 'ver pì autonomìa.[15].

Nòte[canbia | canbia el còdaxe]

  1. (IT) plebiscito.eu
  2. (IT) Corriere del Veneto: "Numeri falsi, i counter confermano"
  3. (IT) Repubblica: "L'indipendenza del Veneto non ze uno scherzo"
  4. (IT) Ixe: L’opinione dei Veneti rispetto all’indipendenza territoriale
  5. (IT) Istituto Piepoli: Il referendum par l'indipendenza in Veneto (ligo ronpesto dispunìbiłe in Internet Archive; védarse el istòrego, la prima version e ła ùltema).
  6. (IT) Quaeris: Analisi dell’opinione dei cittadini veneti (vd pag. 8 e 9) (ligo ronpesto dispunìbiłe in Internet Archive; védarse el istòrego, la prima version e ła ùltema).
  7. (IT) Il Giornale di Vicenza: Web-referendum Il certificatore ze un georgiano Archivià il 6 de zunjo 2014 in Internet Archive.
  8. (IT) La Nuova di Venezia e Mestre: Plebiscito online, Zaia: "Popolo vuole indipendenza" Archivià il 18 de aprile 2014 in Internet Archive.
  9. (IT) Consiglio regionale si divide su Veneto a statuto speciale Archivià l'8 de aprile 2014 in Internet Archive.
  10. (IT) Corriere del Veneto: Indipendenza del Veneto, via libera del consiglio regionale al referendum (ligo ronpesto dispunìbiłe in Internet Archive; védarse el istòrego, la prima version e ła ùltema).
  11. (IT) Bur n. 62 del 24 zugno 2014 LEGGE REGIONALE n. 16 del 19 zugno 2014
  12. (IT) Ansa: CdM impugna leggi venete referendum autonomia e indipendenza
  13. (IT) La Stampa: Dopo il referendum in Scozia il Veneto rilancia “Adesso tocca a noi, Roma ci lasci votare”
  14. (IT) L'Espresso: Zaia, la Corte boccia l'indipendenza veneta
  15. (IT) Il Mattino di Padova: Sì al referendum sull'autonomia del Veneto
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Referendum_par_l%27independensa_del_Veneto_del_2014&oldid=1085678"