Radiofiera
_-_agosto_2010.jpg) | |
| Atività | |
|---|---|
| Atività | 1992 |
| Zènare | Folk rock  |
| Àlbun | 8 |
| Àlbun stùdio | 6 |
| Àlbun dal vivo | 1 |
| Repertòrio | |
| Sito web | radiofiera.it |
  | |
I Radiofiera xe na rock band de Treviso. El nome che i gà, riva dal fato che Fiera xe el nome de un quartier de Treviso. I ga squasi sentrà el suceso e el so tipo de rock no ga gnente a che invidiare a queło dei nomi più conosùi e'l so seguito cussì iraìxà inte el teritorio ghe fa come esenpio de veri eroi locałi.
_2_-_agosto_2010.jpg)
Biografia
[canbia | canbia el còdaxe]I nase inte el 1992 da łe senare dei Circle, rock band che xe stà ativa inte i ani Otanta. Fondador e cào de ła band xe Ricky Bizzarro; co łu al so fradeło Michele al Baso, Giuseppe "Bepi" Fedato a ła baterìa Giovanni "Ginko" Schievano a ła chitara. A liveło nasional i partesipa a diverse edision de Rock Targato Italia e inte el 1994 i xe inclusi inte ła compilation de ła manifestasion coartisti cofà i Nomadi, C.S.I. e Litfiba
Primo album : Piova. Sto disco registrà inte el 1995, ga canson in italian e altre in diaŀeto veneto e ga vendùo in breve tenpo 2.500 copie. Tuti se incorxe de sta band e cussì i fa un tour nasionàl (i ga verto par esenpio i concerti dei Modena City Ramblers), i partesipa a Sanremo Rock e altre trasmisión tełevisive. Inte el 1997 ghe xe el secondo disco de ŀa band : Allarme proprio quando che xe stà firmà un contrato co la Sony Music.
Inte el 1999 i Radiofiera sona co i 99 Posse, Estra e co Marco Paołini co un publico de 5 000 persone durante un concerto contro el rasismo che ghe xe stà a Treviso.
Sto spetacoło ga segnà anca la rotura col chitarista Schievano. Riva Simone Chivilò a sostituirlo che xe anca produtór e che zera cołaboratór de Massimo Bubola (session-man de Elliot Murphy e Eric Andersen. Col novo chitarista inte el 2002 vien registà La casa di Alice; so'ea coertina xe rapresentà un disegno de ła picoła, Alice fia de Ricky Bizzarro. Sarà fata naltra version del CD. Inte el 2003 i Radiofiera xe a Cuba par girar alcuni videoclip (xe girà queło de "Stea" che sarà premià l'ano drìo al MEI de Faensa come mejo video independente), i registra na cover de "Chan chan" de Compay Segundo e i sona al "Patio de Maria" a l'Avana. Dopo n'altro tour ("Alma y corazon Tour") vien registà un CD live, al Sottosopra de Treviso e ciamà "Live 2004. Fa parte de ła band anca Stefano (Steve Hill) Dal Col aŀa chitara eletrica (i xe in sinque) e Moreno Marchesin, anca ŀu inte ła band de Massimo Bubola, a ła baterìa. Durante la Note de Nadal 2005 xe presentà El miracoeo, disco reałixà in 500 copie pa'i sostentaóri del so fan club.
El 2008 vede la band inpegnà su ła łavorasion de un novo disco Chi toca muere che in realtà orixinalmente zera previsto par la primavera del 2021. Durante el concerto che i ga fato a Nadal xe stà vendùo un CD de edision łimitada (150 copie) Venticinquedodicizerootto, co diese brani del so repertorio rifati dal duo Bizzarro e Chivilò e un monołogo de l'atór teatraŀe Mirko Artuso.
Inte el zenaro del 2010 la ristanpa del CD del Nadal 2008, ciamà "Acoustic Session" e la presensa de do tòchi registrà dal vivo a magio 2005 invese ch'el monoŀogo de Artuso.
Inte el 2011 vien publicà Atinpùri, primo album de inediti dopo sìe ani. El disco, in diaŀeto veneto patòco, sol titoŀo rende omagio al scritór Luigi Meneghello. Par la prima volta la produsión artistega xe esterna aŀa band e fidà a Giorgio Canali.
Discografia
[canbia | canbia el còdaxe]- 1994 - Piova
- 1997 - Allarme
- 2002 - La casa di Alice
- 2004 - Live 2004
- 2005 - La casa di Alice New Edition
- 2006 - El miracoeo
- 2008 - Venticinquedodicizerootto
- 2010 - Acoustic Session
- 2011 - Atinpùri
- 2013 - Chi toca more (racolta canson in diałeto veneto 1994-2013)
Singolo
- 2003 - Angelina/Chan Chan.
Compilation
- 1994 - Rock Targato Italia '94
- 1995 - Rock Targato Italia '95
- 1996 - Tendenze italiane
- 1997 - Quale Natale?
- 2001 - Ritmi Globali Europei
- 2002 - Ritmi Globali Europei
- 2003 - Mi no vao conbatar
Curioxità
[canbia | canbia el còdaxe]El video de "stea" xirà a Cuba xe stà premià inte el 2003 e setimo ne ła clasifega de canson in diałeto.
Altri progeti
[canbia | canbia el còdaxe]
el detien schemi gràfeghi so
Linganbi foresti
[canbia | canbia el còdaxe]- Sito ufisałeradiofiera.it.
- (EN) RadiofieraDiscogs, Zink Media.
- (EN) RadiofieraMusicBrainz, MetaBrainz Foundation.
- Sito uficiałe dei Radiofiera Archivià il 25 de zunjo 2007 in Internet Archive.
- Serca video su You Tube
- pagina de myspace